Asianet News MalayalamAsianet News Malayalam

Airtel : നൂറുമേനി ലാഭവുമായി എയർടെൽ; ഓഹരിവില ഉയർന്നു

 മാർച്ച് പാദത്തിലെ വരുമാനം പ്രഖ്യാപിച്ചതിന് തൊട്ടുപിന്നാലെ ഓഹരി വിപണിയിൽ ഭാരതി എയർടെല്ലിന്റെ ഓഹരി വില 2 ശതമാനം ഉയർന്നു. 

Telecom major Bharti Airtel's net profit more than doubled
Author
Trivandrum, First Published May 18, 2022, 12:47 PM IST

മുംബൈ: ലാഭം ഉയർത്തി ടെലികോം കമ്പനിയായ ഭാരതി എയർടെൽ. മാർച്ചിൽ അവസാനിച്ച പാദത്തിൽ എയർടെല്ലിന്റെ അറ്റാദായം 164% ഉയർന്ന് 2,008 കോടി രൂപയായി. കഴിഞ്ഞ വർഷം ഇതേ കാലയളവിൽ എയർടെല്ലിന്റെ അറ്റാദായം 759 കോടി രൂപയായിരുന്നു. കമ്പനിയുടെ മാർച്ച് പാദത്തിലെ വരുമാനം പ്രഖ്യാപിച്ചതിന് തൊട്ടുപിന്നാലെ ഓഹരി വിപണിയിൽ ഭാരതി എയർടെല്ലിന്റെ ഓഹരി വില 2 ശതമാനം ഉയർന്നു. ഇന്നലെ എൻഎസ്ഇയിൽ എയർടെൽ ഓഹരികൾ 1.79 ശതമാനം ഉയർന്ന് 705.60 രൂപയിൽ ക്ലോസ് ചെയ്തു.

എയർടെല്ലിന്റെ ഏകീകൃത വരുമാനം ജനുവരി-മാർച്ച് കാലയളവിൽ 22% വർധിച്ച് 31,500 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 25,747 കോടി രൂപയായിരുന്നു കമ്പനിയുടെ ഏകീകൃത വരുമാനം. 

എയര്‍ടെല്‍ പോസ്റ്റ്പെയ്ഡ് പ്ലാനുകള്‍: പൂര്‍ണ്ണമായ ലിസ്റ്റ്

മൊത്തത്തില്‍, എയര്‍ടെല്‍ 399 രൂപ, 499 രൂപ, 999 രൂപ, 1199 രൂപ, 1599 രൂപ വിലയുള്ള അഞ്ച് പോസ്റ്റ്പെയ്ഡ് പ്ലാനുകള്‍ വാഗ്ദാനം ചെയ്യുന്നു. ഓഫറുകള്‍ പരിശോധിക്കാം:

  • 399 രൂപ പ്ലാന്‍ അണ്‍ലിമിറ്റഡ് കോളുകള്‍, 200 ജിബി വരെ റോള്‍ഓവര്‍ ഉള്ള 40ജിബി പതിമാസ ഡാറ്റ, 100 എസ്എംഎസ്/ദിവസം (അതിനുശേഷം 10പൈസ/എസ്എംഎസ്), 1 വര്‍ഷത്തേക്ക് വിങ്ക് ഷാ അക്കാദമിയിലേക്കുള്ള സൗജന്യ ആക്‌സസ് എന്നിവ വാഗ്ദാനം ചെയ്യുന്നു.
  • എയര്‍ടെല്‍ 499 രൂപ പ്ലാന്‍ അണ്‍ലിമിറ്റഡ് കോളുകള്‍, 200 ജിബി വരെ റോള്‍ഓവര്‍ ഉള്ള 75 ജിബി പ്രതിമാസ ഡാറ്റ, 100 എസ്എംഎസ്/ദിവസം, 6 മാസത്തേക്ക് ആമസോണ്‍ പ്രൈം അംഗത്വം, 1 വര്‍ഷത്തേക്ക് ഡിസ്‌നി + ഹോട്ട്സ്റ്റാര്‍ മൊബൈല്‍, ഷാ അക്കാദമി ലൈഫ് ടൈം ആക്സസ്, വിങ്ക് പ്രീമിയം എന്നിവയും അതിലേറെയും വാഗ്ദാനം ചെയ്യുന്നു.
  • 999 രൂപ പ്ലാന്‍ അണ്‍ലിമിറ്റഡ് കോളുകള്‍, 200 ജിബി വരെ റോള്‍ഓവര്‍ ഉള്ള 100ജിബി പ്രതിമാസ ഡാറ്റ, 100 എസ്എംഎസ്/ദിവസം, 6 മാസത്തേക്ക് ആമസോണ്‍ പപ്രൈം അംഗത്വം, 1 വര്‍ഷത്തേക്ക് ഡിസ്‌നി+ ഹോട്ട്‌സ്റ്റാര്‍ മൊബൈല്‍, ഷാ അക്കാദമി ലൈഫ് ടൈം ആക്സസ്, വിങ്ക്പ്രീമിയം എന്നിവയും മറ്റും നല്‍കുന്നു. കുടുംബാംഗങ്ങള്‍ക്കായി രണ്ട് സൗജന്യ ആഡ്-ഓണ്‍ റെഗുലര്‍ വോയിസ് കണക്ഷനുകളും ഇത് വാഗ്ദാനം ചെയ്യുന്നു.
  • 1199 പ്ലാന്‍ അണ്‍ലിമിറ്റഡ് കോളുകള്‍, 200 ജിബിവരെ റോള്‍ഓവര്‍ ഉള്ള 150ജിബി പ്രതിമാസ ഡാറ്റ, 100 എസ്എംഎസ്/ദിവസം, 6 മാസത്തേക്ക് ആമസോണ്‍ പ്രൈംഅംഗത്വം, 1 വര്‍ഷത്തേക്ക് ഡിസ്‌നി+ ഹോട്ട്‌സ്റ്റാര്‍ മൊബൈല്‍, ഷാ അക്കാദമി ലൈഫ് ടൈം ആക്സസ്, വിങ്ക് പ്രീമിയം എന്നിവയും മറ്റും നല്‍കുന്നു. കുടുംബാംഗങ്ങള്‍ക്കായി രണ്ട് സൗജന്യ ആഡ്-ഓണ്‍ റെഗുലര്‍ വോയ്സ് കണക്ഷനുകളും പ്ലാന്‍ വാഗ്ദാനം ചെയ്യുന്നു.
  • എയര്‍ടെല്‍ 1599 രൂപ പ്ലാന്‍ അണ്‍ലിമിറ്റഡ് കോളുകള്‍, 200 ജിബി വരെ റോള്‍ഓവര്‍ ഉള്ള 250 ജിബി പ്രതിമാസ ഡാറ്റ, 100 എസ്എംഎസ്/ദിവസം, 6 മാസത്തേക്ക് ആമസോണ്‍ പ്രൈം അംഗത്വം, 1 വര്‍ഷത്തേക്ക് ഡിസ്‌നി + ഹോട്ട്സ്റ്റാര്‍ മൊബൈല്‍, ഷാ അക്കാദമി ലൈഫ് ടൈം ആക്സസ്, വിങ്ക് പ്രീമിയം എന്നിവയും അതിലേറെയും വാഗ്ദാനം ചെയ്യുന്നു. കുടുംബാംഗങ്ങള്‍ക്കായി മൂന്ന് സൗജന്യ ആഡ്-ഓണ്‍ റെഗുലര്‍ വോയ്സ് കണക്ഷനുകളും ഇത് വാഗ്ദാനം ചെയ്യുന്നു.

Read Also : Gold price today : സ്വർണം വാങ്ങാം ഏറ്റവും കുറഞ്ഞ നിരക്കിൽ; കുത്തനെ ഇടിഞ്ഞ് സ്വർണവില

Follow Us:
Download App:
  • android
  • ios