'വാലിബനാ'യി മോഹൻലാൽ നടത്തിയ വർക്കൗട്ടുകളെ കുറിച്ച് പറയുകയാണ് ട്രെയിനർ ജെയ്സൺ പോൾസൺ. ഇൻസ്റ്റാ​ഗ്രാം വീഡിയോയിലൂടെയാണ് വെളിപ്പെടുത്തൽ.

'നേരിൽ നിന്ന് മലൈക്കോട്ടൈ വാലിബനിലേക്കുള്ള ലാലാട്ടന്റെ അവിശ്വസനീയമായ പരിവർത്തനം', എന്ന ക്യാപ്ഷനോടെയാണ് വീഡിയോ പങ്കുവച്ചത്. 

വാലിബനിലെ ലാലേട്ടന്റെ ലുക്ക് കണ്ട് ഒത്തിരിപേർ എനിക്ക് മെസേജുകളും അഭിനന്ദനങ്ങളും അറിയിച്ചിരുന്നു. ഇത്തരത്തിൽ ആയിരക്കണക്കിന് മെസേജ് വന്നപ്പോൾ അക്കാര്യം എല്ലാവരോടും പറയണമെന്ന് കരുതി. 

ഒന്ന് രണ്ട് വർഷം മുൻപാണ് മലൈക്കോട്ടൈ വാലിബന്റെ ഐഡിയ വരുന്നത്. അന്ന് തന്നെ ലാലേട്ടൻ എന്നോട് അക്കാര്യം പറയുകയും ചെയ്തിരുന്നു. 

ലാലേട്ടന് ഒരു പ്രത്യേക കാരണത്താൽ എക്സസൈസ് ചെയ്യാനൊക്കെ ബുദ്ധിമുട്ട് ഉണ്ടായിരുന്നു. അതെന്താണ് എന്ന് എനിക്ക് പറയാൻ പറ്റില്ല. പക്ഷേ ലാലേട്ടൻ എടുത്ത ഡിസിഷൻ ആണ് എല്ലാറ്റിനും കാരണം. 

ലണ്ടൻ, മൊറോക്കോ, രാജസ്ഥാൻ, ദില്ലി, മുംബൈ, ചെന്നൈ തുടങ്ങി എവിടെ ആയാലും എല്ലാ ദിവസവും ജിമ്മിൽ പോയി രണ്ടും മൂന്നും മണിക്കൂർ വർക്കൗട്ട് ചെയ്യും. അത് രാവിലെ ആയാലും വൈകിട്ട് ആയാലും. 

ഡിസിഷൻ, ഡിറ്റേർമിനേഷൻ, സിസിപ്ലിൻ, ഡെലിവേർഡ് എന്നിവയാണ് അദ്ദേഹത്തിന്റെ വാലിബൻ ലുക്കിന് പിന്നിലെന്നും ജെയ്സൺ.