പാദങ്ങൾ ഭംഗിയുള്ളതായി സൂക്ഷിക്കാൻ ഇതാ ചില പൊടിക്കെെകൾ
വിണ്ടുകീറിയ പാദങ്ങളാണ് പലരുടെയും പ്രശ്നം. പാദങ്ങൾ ഭംഗിയോടെ സൂക്ഷിക്കാൻ എന്തൊക്കെയാണ് ചെയ്യേണ്ടതെന്ന് അറിയേണ്ടേ...
ഭംഗിയുള്ള പാദങ്ങള് എല്ലാവരുടെയും സ്വപ്നമാണ്. ഒരു പെണ്കുട്ടിയുടെ വൃത്തിയും സൗന്ദര്യവും അറിയണമെങ്കില് അവളുടെ പാദങ്ങള് നോക്കിയാല് മതിയെന്ന് ചിലർ പറയാറുണ്ട്. വിണ്ടുകീറിയ പാദങ്ങളാണ് പലരുടെയും പ്രശ്നം. പാദങ്ങൾ ഭംഗിയോടെ സൂക്ഷിക്കാൻ എന്തൊക്കെയാണ് ചെയ്യേണ്ടതെന്ന് അറിയേണ്ടേ...
ഒന്ന്...
വായ് കഴുകാന് ഉപയോഗിക്കുന്ന മൗത്വാഷ് കൊണ്ട് പാദങ്ങള് വൃത്തിയാക്കാം. രോഗാണുക്കള്, ബാക്ടീരിയ എന്നിവയൊക്കെ മൗത്വാഷ് ഉപയോഗിച്ച് വൃത്തിയാക്കുന്ന പോലെ പാദങ്ങളെയും വൃത്തിയാക്കാം. ഒരു കപ്പ് മൗത്വാഷിനൊടൊപ്പം ഒരു കപ്പ് ആപ്പിള് സിഡര് വിനഗറും 2-4 കപ്പ് വെളളവും ചേര്ത്ത് ദിവസവും കാലുകള് കഴുകാം.
രണ്ട്...
മുട്ടയും ചെറുനാരങ്ങയും ആവണക്കണ്ണയും പാദ സംരക്ഷണത്തിനുള്ള നല്ലൊരു വഴിയാണ്. മുട്ടപ്പൊട്ടിച്ച് മഞ്ഞക്കരു ഒഴിവാക്കി അതിലേക്ക് ഒരു ടേബിൾ സ്പൂർ ചെറുനാരങ്ങ നീരും ഏതാനും തുള്ളി ആവണക്കണ്ണയും ചേർക്കുക. അതിലേക്ക് ഒരു സ്പൂൺ അരിപ്പൊടി ചേർക്കുക. ശേഷം തണുപ്പുള്ള സ്ഥലത്ത് സൂക്ഷിക്കുക.
ഇത് ഉപയോഗിക്കുന്നതിന് മുമ്പായി കാൽപാദം ഇളം ചൂടുള്ള വെള്ളത്തിൽ കഴുകുക. ശേഷം തയാറാക്കിവെച്ച മിശ്രിതം കാലിൽ പുരട്ടുകയും നന്നായി തടവുകയും ചെയ്യുക. പത്ത് മിനിറ്റിന് ശേഷം ഇവ കഴുകി കളയാം. ആഴ്ചയിൽ ഇത് മൂന്ന് തവണ ആവർത്തിക്കുക. രാത്രിയിലും പകലിലും ഇത് ചെയ്യാം.
മൂന്ന്...
ദിവസവും പാദത്തിൽ റോസ് വാട്ടർ ഉപയോഗിച്ച് മസാജ് ചെയ്യുന്നത് പാദം കൂടുതൽ സോഫ്റ്റാകാനും ഭംഗിയുള്ളതായിരിക്കാനും സഹായിക്കും.