ഹര്‍ത്താലിന് കട പൂട്ടുന്നത് പോലെയാണ് തന്ത്രി നട അടയ്ക്കുമെന്ന് പറഞ്ഞത്; രൂക്ഷ വിമര്‍ശനവുമായി ജി. സുധാകരന്‍

ആലപ്പുഴ: ശബരിമല യുവതീപ്രവേശ വിഷയത്തിൽ തന്ത്രി കണ്ഠര് രാജീവർക്കെതിരെ രൂക്ഷവിമര്‍ശനവുമായി മന്ത്രി ജി.സുധാകരന്‍. യുവതികൾ ദർശനം നടത്തിയാൽ നട അടച്ചിടുമെന്ന ഭീഷണിയാണ് മന്ത്രിയെ ചൊടിപ്പിച്ചത്. ഹർത്താലിന് കട അടച്ചിടുമെന്ന ലാഘവത്തോടെയാണ് തന്ത്രി ശബരിമല നട അടക്കുമെന്ന് ഭീഷണി മുഴക്കിയത്. കേരളം ഇത് ഗൗരവത്തോടെ ചർച്ച ചെയ്യണമെന്ന് ജി സുധാകരന്‍ പറഞ്ഞു.

ഫ്യൂഡൽ പൗരോഹിത്യത്തിന്റെ തകർച്ചയുടെ മണിമുഴക്കമാണ് ശബരിമലയിലുണ്ടായത്. ശബരിമലയിൽ പോകുന്നവരുടെ ചരിത്രം പരിശോധിക്കേണ്ട ആവശ്യമില്ല. നടപ്പന്തൽ വരെ എത്തിയ യുവതികൾ ദർശനം നടത്താതെ മടങ്ങിപ്പോരേണ്ടി വന്നത് നിരാശജനകമാണെന്നും ജി.സുധാകരൻ ആലപ്പുഴയിൽ പറഞ്ഞു.

• G sudhakaran against Sabarimala chief priest