മകരവിളക്ക്: ഒരുക്കിയ സൗകര്യങ്ങളിൽ സംതൃപ്തിയെന്ന് ഹൈക്കോടതി നിരീക്ഷക സമിതി
മകരവിളക്കിന് ശബരിമല സജ്ജം. മകരജ്യോതി ദര്ശനത്തിന് ഒരുക്കിയ സൗകര്യങ്ങളിൽ സംതൃപ്തി.വാട്ടർ ടാങ്കിനു സമീപത്തെ നിയന്ത്രണം തത്കാലം മാറ്റാൻ ആകില്ല.പുതിയ സീസണിൽ വരുത്തേണ്ട നിർദ്ദേശം ഉൾപ്പെടുത്തി റിപ്പോർട്ട് ഹൈക്കോടതിക്ക് സമർപ്പിക്കും.
സന്നിധാനം: മകരവിളക്കിനായി ശബരിമലയിൽ ഏർപ്പെടുത്തിയ ഒരുക്കങ്ങളിൽ ഹൈക്കോടതി നിരീക്ഷക സമിതിക്ക് തൃപ്തി. തീർത്ഥാടകർക്ക് നിലവിൽ നിയന്ത്രണങ്ങൾ ഒന്നുമില്ല. സംഘർഷങ്ങൾ തീർത്ഥാടകരെ ബാധിച്ചതായും അടുത്ത സീസണിൽ വരുത്തേണ്ട മാറ്റങ്ങൾ അടക്കം ഉൾപ്പെടുത്തിയുള്ള റിപ്പോർട്ട് ഉടൻ കോടതിക്ക് കൈമാറുമെന്നും സമിതി അംഗം ജസ്റ്റിസ് പി ആർ രാമൻ ഏഷ്യാനെറ് ന്യൂസിനോട് പറഞ്ഞു.