കാറിലെ എക്സ്ഹോസ്റ്റ് പൈപ്പിൽ നിന്നും കറുത്ത പുക; ഒരു അപകട മുന്നറിയിപ്പ്

കാറുകളിൽ നിന്ന് കറുത്ത പുക വരുന്നത് വൃത്തിഹീനമായ എയർ ഫിൽട്ടർ, തകരാറുള്ള ഫ്യൂവൽ ഇൻജക്ടറുകൾ തുടങ്ങിയ കാരണങ്ങൾകൊണ്ടാകാം. ഈ പ്രശ്നം അവഗണിക്കുന്നത് ഇന്ധനക്ഷമത കുറയ്ക്കുകയും അറ്റകുറ്റപ്പണികൾക്കുള്ള ചെലവ് വർദ്ധിപ്പിക്കുകയും ചെയ്യും

വാഹനം ഓടിക്കുമ്പോൾ, റോഡിലെ നിരവധി വാഹനങ്ങളിൽ നിന്ന് കറുത്ത പുക ഉയരുന്നത് നിങ്ങൾ ശ്രദ്ധിച്ചിരിക്കാം. എന്നാൽ കാറുകൾ കറുത്ത പുക പുറപ്പെടുവിക്കുന്നത് നിങ്ങൾ കണ്ടിട്ടുണ്ടോ? എന്തുകൊണ്ടാണെന്ന് നിങ്ങൾക്കറിയാമോ? കാരണം എന്താണ്, അവഗണിച്ചാൽ ഈ കറുത്ത പുക നിങ്ങളുടെ വാഹനത്തിന് എങ്ങനെ ദോഷം ചെയ്യും? നിങ്ങളുടെ കാറിൽ നിന്ന് വരുന്ന കറുത്ത പുക വരുന്നതായി ശ്രദ്ധിച്ചിട്ടുണ്ടോ? എങ്കിൽ അതിനെ അവഗണിക്കരുത്. ഇതാ അറിയേണ്ടതെല്ലാം

കാറിന്‍റെ കറുത്ത പുക

വൃത്തിഹീനമായഎയർ ഫിൽറ്റർ, തകരാറുള്ള ഇന്ധന ഇൻജക്ടറുകൾ, എഞ്ചിനിലെ കാർബൺ നിക്ഷേപം തുടങ്ങി നിരവധി ഘടകങ്ങൾ കറുത്ത പുകയ്ക്ക് കാരണമാകാം. ഈ പ്രശ്‍നം ഉടനടി പരിഹരിച്ചില്ലെങ്കിൽ, അത് വാഹന നന്നാക്കുന്നതിനുള്ള ചെലവിൽ ഗണ്യമായ വർദ്ധനവിന് കാരണമാകും.

വൃത്തിഹീനമായ എയർ ഫിൽറ്റർ

എയർ ഫിൽട്ടറുകളിൽ പൊടിയും അഴുക്കും ക്രമേണ അടിഞ്ഞുകൂടാൻ സാധ്യതയുണ്ട്, ഇത് എഞ്ചിന് ആവശ്യത്തിന് വായു ലഭിക്കുന്നത് തടയുന്നു, ഇത് എണ്ണ ഉപഭോഗം വർദ്ധിപ്പിക്കുന്നതിലേക്ക് നയിക്കുന്നു. എണ്ണ പൂർണ്ണമായും കത്തുന്നില്ല, മാത്രമല്ല അത് കറുത്ത പുകയായി പുറത്തുവിടുകയും ചെയ്യുന്നു.

മോശം ഇന്ധന ഇൻജക്ടർ

കാറിലെ ഇന്ധന ഇൻജക്ടറുകൾ ചോർന്നൊലിക്കാൻ തുടങ്ങിയാൽ അല്ലെങ്കിൽ ശരിയായി പ്രവർത്തിക്കുന്നില്ല എങ്കിൽ ഇങ്ങനെ സംഭവിക്കാം. കാറിൽ നിന്ന് കറുത്ത പുക പുറത്തുവരുന്നതിനുള്ള ഒരു പ്രധാന കാരണവും ഇതാണ്.

നിങ്ങളുടെ കാറും കറുത്ത പുക പുറന്തള്ളാൻ തുടങ്ങിയാൽ, ഒട്ടും വൈകാതെ, അടുത്തുള്ള മെക്കാനിക്കിനെ കാർ കാണിക്കുക അല്ലെങ്കിൽ കമ്പനിയുടെ അംഗീകൃത സർവീസ് സെന്ററിലേക്ക് കൊണ്ടുപോകുക. അല്ലാത്തപക്ഷം കാറിലെ ഒരു ചെറിയ തകരാർ വലിയ പ്രശ്‌നമുണ്ടാക്കുമെന്ന് ഉറപ്പാണ്.

ഇവ നഷ്‍ടങ്ങളാകാം

കറുത്ത പുക നിങ്ങളുടെ കാറിന്റെ ഇന്ധനക്ഷമതയിൽ കുറവുണ്ടാക്കും. ഇന്ധന ഉപഭോഗത്തിലെ ഈ കുറവ് കാർ കൂടുതൽ പെട്രോൾ/ഡീസൽ ഉപയോഗിക്കുമെന്നർത്ഥം. കാറ്റലറ്റിക് കൺവെർട്ടർ കേടായേക്കാം.