യമഹ YZF-R1 അവതരിച്ചു
Synopsis
യമഹയുടെ റേസ് ട്രാക്ക് പാരമ്പര്യമുയര്ത്തി പിടിക്കുന്ന സൂപ്പര് ബൈക്ക് YZF-R1 ഇന്ത്യയില് അവതരിച്ചു. 20.73 ലക്ഷം രൂപയാണ് YZF-R1ന്റെ എക്സ്ഷോറൂം വില. ഇന്ത്യയില് തങ്ങളുടെ സൂപ്പര്ബൈക്ക് നിര ശക്തിപ്പെടുത്തുകയാണ് പുതിയ YZF-R1ലൂടെ യമഹ ലക്ഷ്യമിടുന്നത്.
യമഹ ബ്ലൂ, ടെക് ബ്ലാക് എന്നീ രണ്ട് നിറഭേദങ്ങളിലാണ് പുതിയ മോട്ടോര്സൈക്കിള് ലഭ്യമാവുക. കംപ്ലീറ്റ്ലി ബില്ട്ട് യൂണിറ്റായാണ് (CBU) പുതിയ YZF-R1 ഇന്ത്യയില് വില്പനയ്ക്ക് എത്തുന്നത്.
998 സിസി ക്രോസ് പ്ലെയിന്, ഫോര്സിലിണ്ടര്, ഫോര്വാല്വ് എഞ്ചിനാണ് പുതിയ യമഹ YZF-നു കരുത്തു പകരുന്നത്. 197.2 bhpയാണ് എഞ്ചിന് കരുത്ത്. YZF-M1ല് നിന്നും കടമെടുത്ത ക്രോസ് പ്ലെയിന് ടെക്നോളജിയാണ് പുതിയ യമഹ YZF-R1ല് ഒരുക്കിയിരിക്കുന്നത്.
മികവാര്ന്ന പ്രകടനത്തിന് വേണ്ടി പെന്റ് റൂഫ് കമ്പസ്റ്റ്യന് ചേമ്പറോടെയുള്ള ഹൈകംപ്രഷന് 01:01 PM സിലിണ്ടര് ഹെഡാണ് പുതിയ R1 എഞ്ചിന് ഉപയോഗിക്കുന്നത്. ഭാരംകുറഞ്ഞ 421 എക്സ്ഹോസ്റ്റ് സംവിധാനം, പുതിയ ക്വിക്ക് ഷിഫ്റ്റ് സിസ്റ്റം തുടങ്ങിയവ പുത്തന് ബൈക്കിന്റെ പ്രത്യേകതകളാണ്.
199 കിലോഗ്രാമാണ് മോട്ടോര്സൈക്കിളിന്റെ ഭാരം. YZF-M1ല് നിന്നും പ്രചോദനമുള്ക്കൊണ്ടുള്ള ട്വിന് എല്ഇഡി റണ്ണിംഗ് ലൈറ്റുകളും പുതിയ യമഹ YZF-R1ന്റെ പ്രത്യേകതകളാണ്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.