ഓണ്ലൈന് ടാക്സികള്ക്കെതിരെ കിടിലന് അടവുമായി ഓട്ടോ തൊഴിലാളികള്
Synopsis
ബെംഗളൂരു: ജനപ്രിയമായി മാറിക്കൊണ്ടിരിക്കുന്ന ഓണ്ലൈന് ടാക്സി സര്വ്വീസുകള്ക്കെതിരെ പുത്തന് അടവുമായി ഓട്ടോ തൊഴിലാളി യൂണിയന്. ബെംഗളൂരുവിലെ ഓട്ടോ - ടാക്സി ഡ്രൈവര്മാരാണ് ഓണ്ലൈന് ടാക്സികളുടെ അതേ രീതില് മൊബൈല് ആപ്പുമായി തിരിച്ചടിക്കൊരുങ്ങുന്നത്. നഗരത്തിലെ 12 ഓട്ടോടാക്സി യുണിയനുകള് സംയുക്തമായി ബി ടാഗ് എന്ന പേരില് ഒരു മൊബൈല് ആപ്പും തുടങ്ങിയെന്നാണ് റിപ്പോര്ട്ടുകള്.
12 യൂണിയനുകളിലായി 9,000ത്തോളം ഡ്രൈവര്മാര് ഇതില് അംഗമായിട്ടുണ്ടെന്നാണ് റിപ്പോര്ട്ട്. ഈ ആപ്പില് ക്യാഷ്ലെസ് പെയ്മെന്റും ജിപിഎസ് അടക്കമുള്ള സാങ്കേതിക വിദ്യയുമുണ്ടാകും. യാത്രക്കാരുടെ സുരക്ഷിതത്വം ഉറപ്പുവരുത്തുമെന്നും രണ്ടു മാസത്തിനുള്ളില് പുതിയ ആപ്പ് യാത്രക്കാര്ക്ക് ലഭ്യമായിത്തുടങ്ങുമെന്നുമാണ് റിപ്പോര്ട്ടുകള്.
ഒല, ഊബര് ടാക്സി സര്വീസുകള് 2014 മുതല് നഗരത്തില് സര്വീസുകള് നടത്തുണ്ട്. തൊഴിലാളികളുടെ പുതിയ ആപ്പ് വിജയിച്ചാല് ഈ ബഹുരാഷ്ട്ര കമ്പനികള്ക്കത് വന്തിരിച്ചടിയാവും.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.