ഒന്നരലക്ഷത്തിന്റെ ബുള്ളറ്റ് മോഷ്ടിക്കാന് ഒന്നരമിനിറ്റ്; വീഡിയോ വൈറല്
Synopsis
ഇന്ത്യയിലെ ഐക്കണിക് ഇരുചക്രവാഹന ബ്രാന്റാണ് റോയല് എന്ഫീല്ഡ്. ഏകദേശം ഒന്നരലക്ഷം രൂപ മുതലാണ് റോയല് എന്ഫീല്ഡ് മോഡലുകളുടെ ആരംഭവില. എന്നാല് ഒന്നരലക്ഷം വിലയുള്ള ഈ ബുള്ളറ്റ് കവരാന് മോഷ്ടാക്കള്ക്ക് ഒന്നര മിനിറ്റു പോലും വേണ്ടെന്ന് തെളിയിക്കുകയാണ് ഒരു വീഡിയോ. തമിഴ്നാട്ടിലെ ഒരു പൊലീസ് സ്റ്റേഷന് പരിസരത്ത് ചിത്രീകരിച്ചതെന്ന് കരുതപ്പെടുന്ന വീഡിയോ ഇപ്പോള് സാമൂഹിക മാധ്യമങ്ങളില് വൈറലാകുകയാണ്.
പിടിയിലായ ഒരു മോഷ്ടാവ് പൊലീസിന് ബുള്ളറ്റ് കവരുന്നതിനെപ്പറ്റി വിശദീകരിച്ചു കൊടുക്കയാണ് ഈ വീഡിയോയില്. പൊലീസിന്റെ നിര്ദ്ദേശം അനുസരിച്ച് മോഷ്ടാവ് ഹാന്ഡില് ലോക്ക് ചെയ്തിട്ടിരിക്കുന്ന ഒരു ബുള്ളറ്റിന്റെ ലോക്ക് അനായാസം പൊട്ടിക്കുന്നതും താക്കോലില്ലാതെ നിമിഷങ്ങള്ക്കുള്ളില് അത് സ്റ്റാര്ട്ട് ചെയ്യുന്നതുമായ ദൃശ്യങ്ങളാണ് വീഡിയോയില്. മിനിറ്റുകള്ക്കുള്ളില് കാര്യം സാധിക്കുന്ന മോഷ്ടാവിന്റെ മിടുക്ക് കണ്ട് പൊലീസുകാര് അദ്ഭുതപ്പെടുന്നതും വീഡിയോയില് കാണാം.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.