2026 മെഴ്‌സിഡസ് ബെൻസ് എസ്-ക്ലാസ് ഹൈബ്രിഡ്: ആഡംബരത്തിന്റെ പുതിയ അധ്യായം

2026 മെഴ്‌സിഡസ് ബെൻസ് എസ്-ക്ലാസ് ഇന്ത്യയിൽ അവതരിപ്പിച്ചു, S 450e പ്ലഗ്-ഇൻ ഹൈബ്രിഡ് രൂപത്തിൽ മാത്രമാണ് ഇത് ലഭ്യമാവുക. 2.20 കോടി രൂപ മുതൽ വില ആരംഭിക്കുന്ന ഈ ആഡംബര സെഡാൻ, 115 കിലോമീറ്റർ ഇലക്ട്രിക് റേഞ്ചും പുതിയ MBUX 'സൂപ്പർസ്‌ക്രീൻ' പോലുള്ള നൂതന ഫീച്ചറുകളുമായാണ് വരുന്നത്. ബുക്കിംഗുകൾ ആരംഭിച്ചുകഴിഞ്ഞു, ദീപാവലി സീസണിൽ ഡെലിവറികൾ തുടങ്ങും.

2026 മെഴ്‌സിഡസ് ബെൻസ് എസ്-ക്ലാസ് ഇന്ത്യയിൽ വിൽപ്പനയ്‌ക്കെത്തി. ലോഞ്ച് എഡിഷൻ എക്‌സ്‌ക്ലൂസീവ് ലൈൻ വേരിയന്റിന് 2.20 കോടി രൂപയ്ക്കും മനുഫക്ചർ എഡിഷൻ എഎംജി ലൈനിന് 2.38 കോടി രൂപയും ആണ് എക്‌സ്-ഷോറൂം വില. ബുക്കിംഗുകൾ ഇപ്പോൾ രാജ്യവ്യാപകമായി തുറന്നിരിക്കുന്നു, അതേസമയം ദീപാവലി സീസണിൽ ഡെലിവറികൾ ആരംഭിക്കും. ഇന്ത്യൻ വിപണിയിൽ S 450e പ്ലഗ്-ഇൻ ഹൈബ്രിഡ് രൂപത്തിൽ മാത്രമായി ഈ മുൻനിര സെഡാൻ വാഗ്ദാനം ചെയ്യുന്നു. ശ്രദ്ധേയമായ ഡിസൈൻ, സവിശേഷത, സാങ്കേതിക മെച്ചപ്പെടുത്തലുകൾ എന്നിവയ്‌ക്കൊപ്പം ആദ്യമായി ഒരു പുതിയ വൈദ്യുതീകരിച്ച പവർട്രെയിനും ഇതിന് ലഭിക്കുന്നു.

പ്ലഗ്-എൻ ഹൈബ്രിഡ് പവർട്രെയിൻ

പ്ലഗ്-ഇൻ ഹൈബ്രിഡ് S 450e പതിപ്പിൽ 3.0L ടർബോചാർജ്ഡ് ഇൻലൈൻ-സിക്സ് പെട്രോൾ എഞ്ചിൻ, പിന്നിൽ ഘടിപ്പിച്ച ഇലക്ട്രിക് മോട്ടോർ, 22kWh ബാറ്ററി പായ്ക്ക് എന്നിവ ഉൾപ്പെടുന്നു. ഈ സജ്ജീകരണം 435bhp യുടെ വമ്പിച്ച പവറും 680Nm ടോർക്കും നൽകുന്നു. 9-സ്പീഡ് ഓട്ടോമാറ്റിക് ഗിയർബോക്സ് വഴിയാണ് പവർ പിൻ ചക്രങ്ങളിലേക്ക് എത്തിക്കുന്നത്. 115 കിലോമീറ്റർ വരെ ശുദ്ധമായ വൈദ്യുത ശ്രേണിയും 32.2 കിലോമീറ്റർ (WLTP) സംയോജിത ഇന്ധനക്ഷമതയും ഈ സെഡാൻ വാഗ്ദാനം ചെയ്യുന്നു. പുതിയ എസ്-ക്ലാസ് 5.7 സെക്കൻഡിനുള്ളിൽ 0 മുതൽ 100 കിലോമീറ്റർ വരെ വേഗത കൈവരിക്കുന്നു. 60kW DC ഫാസ്റ്റ് ചാർജർ ഉപയോഗിച്ച് വെറും 20 മിനിറ്റിനുള്ളിൽ ബാറ്ററി പായ്ക്ക് 10 മുതൽ 80 ശതമാനം വരെ ചാർജ് ചെയ്യാൻ കഴിയും.

പുതിയ സവിശേഷതകളും സാങ്കേതികവിദ്യയും

2026 മെഴ്‌സിഡസ് ബെൻസ് എസ്-ക്ലാസ് കൂടുതൽ നൂതനവും സാങ്കേതികത നിറഞ്ഞതുമായ ഇന്റീരിയർ വാഗ്ദാനം ചെയ്യുന്നു. ഇത് അതിന്റെ സുഖവും ആഡംബരവും വർദ്ധിപ്പിക്കുന്നു. സെഡാൻ ഇപ്പോൾ ഒരു പുതിയ MBUX 'സൂപ്പർസ്‌ക്രീൻ' വാഗ്ദാനം ചെയ്യുന്നു, 14.4 ഇഞ്ച് ഓഎൽഇഡി ടച്ച്‌സ്‌ക്രീൻ, 12.3 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, മുൻവശത്തെ യാത്രക്കാർക്ക് 12.3 ഇഞ്ച് ഡിസ്‌പ്ലേ എന്നിവ ഇതിൽ ഉൾപ്പെടുന്നു. മെഴ്‌സിഡസ് ബെൻസിന്റെ ഏറ്റവും പുതിയ MB.OS ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന MBUX, ഓടിഎ (ഓവർ-ദി-എയർ) അപ്‌ഡേറ്റുകളും മെച്ചപ്പെട്ട എഐ അധിഷ്‍ഠിത സഹായവും വാഗ്ദാനം ചെയ്യുന്നു.

13.1 ഇഞ്ച് വലുപ്പമുള്ള വലിയ പിൻ എന്റർടൈൻമെന്റ് സ്‌ക്രീനുകൾ, നാല് സോൺ ഓട്ടോമാറ്റിക് ക്ലൈമറ്റ് കൺട്രോൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, ബർമെസ്റ്റർ 4D ഓഡിയോ സിസ്റ്റം, എക്‌സിക്യൂട്ടീവ് പിൻ സീറ്റുകൾ, മെച്ചപ്പെട്ട NVH ലെവലുകൾ, വിപുലീകൃത ആംബിയന്റ് ലൈറ്റിംഗ്, ഒന്നിലധികം എയർബാഗുകൾ, ഡ്രൈവർ അസിസ്റ്റൻസ് സിസ്റ്റം, 'ഇ-ആക്ടീവ് ബോഡി കൺട്രോൾ' ഉള്ള അഡാപ്റ്റീവ് എയർ സസ്‌പെൻഷൻ എന്നിവയാണ് മറ്റ് പ്രധാന സവിശേഷതകൾ.

ഡിസൈൻ ഹൈലൈറ്റുകൾ

പുറംഭാഗത്ത്, ക്രോം പൂശിയ ത്രീ-പോയിന്റഡ് സ്റ്റാർ എലമെന്റുകളുള്ള പുതിയ വലിയ ഗ്രിൽ, 'ഡിജിറ്റൽ ലൈറ്റ്' എൽഇഡി ഹെഡ്‌ലാമ്പുകൾ, വലിയ എയർ ഇൻടേക്കുകളുള്ള പുതുക്കിയ ബമ്പർ, പുതുതായി രൂപകൽപ്പന ചെയ്ത അലോയി വീലുകൾ, ഡൈനാമിക് ലൈറ്റ് ആനിമേഷനുകളും പ്രകാശിതമായ ത്രീ-പോയിന്റഡ് സ്റ്റാർട്ട് മോട്ടിഫുകളുമുള്ള പുതിയ എൽഇഡി ടെയിൽലാമ്പുകൾ എന്നിവ 2026 മെഴ്‌സിഡസ്-ബെൻസ് എസ്-ക്ലാസിന്റെ സവിശേഷതകളാണ്.