ജൂലൈയിൽ മാരുതി സുസുക്കിയുടെ ബെസ്റ്റ് സെല്ലിംഗ് മോഡലായി ഡിസയർ

മാരുതി സുസുക്കി ജൂലൈയിൽ 3.48 ലക്ഷം യൂണിറ്റുകൾ വിറ്റു. ഡിസയർ മോഡലാണ് ഏറ്റവും കൂടുതൽ വിറ്റഴിക്കപ്പെട്ടത്, 20,895 യൂണിറ്റുകൾ. കയറ്റുമതി 1,70,570 യൂണിറ്റായിരുന്നു.

2025 ജൂലൈയിലും ഇന്ത്യയിലെ പാസഞ്ചർ വെഹിക്കിൾ (പിവി) വ്യവസായം മന്ദഗതിയിലുള്ള വിൽപ്പനയാണ് നേടുന്നതെന്ന് റിപ്പോർട്ട്. മൊത്ത വിൽപ്പന വിൽപ്പന കഴിഞ്ഞ വർഷത്തെ അപേക്ഷിച്ച് 1.16% മാത്രം വർദ്ധിച്ച് 3.48 ലക്ഷം യൂണിറ്റായി. കഴിഞ്ഞ വർഷം ഇത് 3.44 ലക്ഷം യൂണിറ്റായിരുന്നുവെന്ന് വ്യവസായ കണക്കുകൾ പറയുന്നു.

രാജ്യത്തെ ഏറ്റവും വലിയ കാർ നിർമ്മാതാക്കളായ മാരുതി സുസുക്കി ഇന്ത്യ ലിമിറ്റഡ് (എംഎസ്ഐഎൽ) 1,37,776 യൂണിറ്റുകളുടെ മൊത്ത വിൽപ്പനയിൽ വലിയ തോതിൽ സ്ഥിരത കൈവരിച്ചതായി റിപ്പോർട്ട് ചെയ്തു. കോംപാക്റ്റ് കാർ വിൽപ്പനയിൽ ചില പിന്തുണ ലഭിച്ചെങ്കിലും, യൂട്ടിലിറ്റി വെഹിക്കിൾ വിഭാഗത്തിൽ ആറ് ശതമാനം ഇടിവ് രേഖപ്പെടുത്തി. 

2025 ജൂലൈയിൽ 20,895 യൂണിറ്റ് വിൽപ്പനയോടെ മാരുതി സുസുക്കി ഡിസയർ ബ്രാൻഡിന്റെ ഏറ്റവും കൂടുതൽ വിറ്റഴിക്കപ്പെടുന്ന മോഡലായി മാറി. പാസഞ്ചർ വാഹന വിപണിയിൽ എസ്‌യുവികൾ ഏറ്റവും കൂടുതൽ വിറ്റഴിക്കപ്പെടുന്ന സമയത്താണ് ഈ കോംപാക്റ്റ് സെഡാന്റെ ഏറ്റവും ഉയർന്ന വിൽപ്പന എന്നതാണ് ശ്രദ്ധേയം. ഒന്നിലധികം ബ്രാൻഡുകളുടെ വിൽപ്പനയുടെ കാര്യത്തിൽ എസ്‌യുവികൾ ആണ് മുന്നിൽ. ഡിസയറിന് തൊട്ടുപിന്നാലെ എർട്ടിഗ മൂന്നാം സ്ഥാനം നേടി. 2025 ജൂലൈയിൽ ഏറ്റവും കൂടുതൽ വിറ്റഴിക്കപ്പെട്ട പത്ത് മോഡലുകളിൽ ഏഴെണ്ണം മാരുതി സുസുക്കി കാറുകളാണെന്നും കമ്പനി അവകാശപ്പെട്ടു.

2025 ഏപ്രിൽ മുതൽ ജൂലൈ വരെയുള്ള കാലയളവിൽ സിഎൻജി വാഹനങ്ങൾ 11 ശതമാനം വളർച്ച കൈവരിച്ചതായും 52,000 യൂണിറ്റുകളുടെ വിൽപ്പന ഏകദേശം 16 ശതമാനം വളർച്ച കൈവരിച്ചതായും മാരുതി സുസുക്കി വ്യക്തമാക്കി. ഓണം, ഗണേശ ചതുർത്ഥി തുടങ്ങിയ ഉത്സവങ്ങൾ വരുന്നതോടെ വരും മാസങ്ങളിൽ വിൽപ്പനയിൽ വർദ്ധനവ് ഉണ്ടാകുമെന്ന് ബ്രാൻഡ് പ്രതീക്ഷിക്കുന്നു.

2025 ജൂലൈയിൽ തങ്ങളുടെ എല്ലാ മോഡലുകളിലും വേരിയന്റുകളിലും ആറ് എയർബാഗുകൾ സ്റ്റാൻഡേർഡാക്കി മാരുതി സുസുക്കി തങ്ങളുടെ വാഹന നിരയുടെ സുരക്ഷ മെച്ചപ്പെടുത്തിയിരുന്നു. ആകെ 140 വേരിയന്റുകളാണ് മാരുതി സുസുക്കി ലൈനപ്പിൽ വിൽപ്പനയിലുള്ളത്.

അതേസമയം മാരുതി സുസുക്കി എല്ലാ വിഭാഗങ്ങളിലും ആഗോളതലത്തിൽ മാനദണ്ഡമാക്കിയ ഗുണനിലവാരമുള്ള ഉൽപ്പന്നങ്ങൾ വാഗ്‍ദാനം ചെയ്യുന്നുവെന്നും കമ്പനിയുടെ ഉൽപ്പന്നങ്ങൾ ഏറ്റവും പുതിയ സാങ്കേതികവിദ്യയും ഏറ്റവും പുതിയ സവിശേഷതകളും കൊണ്ട് സജ്ജീകരിച്ചിരിക്കുന്നു എന്നും ഡിസയറിന്റെ ഈ മികച്ച നേട്ടത്തെക്കുറിച്ച് മാരുതി സുസുക്കി ഇന്ത്യ ലിമിറ്റഡിലെ മാർക്കറ്റിംഗ് ആൻഡ് സെയിൽസ് സീനിയർ എക്സിക്യൂട്ടീവ് ഓഫീസർ ശശാങ്ക് ശ്രീവാസ്തവ പറഞ്ഞു.  ഡിസയറിൽ ഉപഭോക്താക്കൾ അർപ്പിച്ച വിശ്വാസത്തിന് തങ്ങൾ നന്ദിയുള്ളവരാണെന്നും ഇപ്പോൾ ഈ കാർ 25 ലക്ഷം ഹൃദയങ്ങളിൽ മുദ്ര പതിപ്പിച്ചു എന്നും അദ്ദേഹം വ്യക്തമാക്കി.