ഹ്യുണ്ടായിയുടെ അഞ്ച് കാറുകൾക്ക് പുത്തൻ ഭാവം

2030-ഓടെ 26 പുതിയ മോഡലുകൾ പുറത്തിറക്കാനുള്ള വിപുലമായ പദ്ധതിയുടെ ഭാഗമായി ഹ്യുണ്ടായി തങ്ങളുടെ അഞ്ച് ജനപ്രിയ മോഡലുകൾക്ക് വലിയ അപ്‌ഡേറ്റുകൾ നൽകുന്നു.

2030 ഓടെ ഐസിഇ (ആന്തരിക ജ്വലന എഞ്ചിൻ), ഹൈബ്രിഡ്, ഇലക്ട്രിക് വാഹന (ഇവി) വിഭാഗങ്ങളിലായി 26 പുതിയ മോഡലുകൾ പുറത്തിറക്കുന്നതുൾപ്പെടെ വിപുലമായ ഒരു ഉൽപ്പന്ന തന്ത്രം ദക്ഷിണ കൊറയിൻ വൈാഹന ബ്രാൻഡായ ഹ്യുണ്ടായി ആസൂത്രണം ചെയ്തിട്ടുണ്ട്. വരാനിരിക്കുന്ന ശ്രേണിയിൽ പുതിയതും നിലവിലുള്ളതുമായ വിഭാഗങ്ങളെ ഉൾക്കൊള്ളുന്ന ഏഴ് മുതൽ എട്ട് വരെ പുതിയ ഉൽപ്പന്നങ്ങൾ ഉൾപ്പെടും. 2026-27 ൽ, ദക്ഷിണ കൊറിയൻ വാഹന നിർമ്മാതാക്കൾ നിലവിലുള്ള നാല് ജനപ്രിയ മോഡലുകൾക്ക് - i20 ഹാച്ച്ബാക്ക്, എക്സ്റ്റർ സബ്കോംപാക്റ്റ് എസ്‌യുവി, വെർണ മിഡ്‌സൈസ് സെഡാൻ, ക്രെറ്റ മിഡ്‌സൈസ് എസ്‌യുവി, അൽകാസർ മൂന്ന്-വരി എസ്‌യുവി - പ്രധാന അപ്‌ഡേറ്റുകൾ നൽകും.

ഹ്യുണ്ടായി വെർണയ്ക്കും എക്‌സ്‌റ്ററിനും മിഡ്‌ലൈഫ് അപ്‌ഡേറ്റുകൾ ലഭിക്കും. അതേസമയം i20, ക്രെറ്റ, അൽകാസർ എന്നിവ സമഗ്രമായ അപ്‌ഗ്രേഡുകളോടെ അടുത്ത തലമുറയിലേക്ക് കടക്കും. വരാനിരിക്കുന്ന ഈ ഹ്യുണ്ടായി കാറുകളുടെ ഔദ്യോഗിക ലോഞ്ച് വിശദാംശങ്ങൾ ഇതുവരെ വെളിപ്പെടുത്തിയിട്ടില്ല. എങ്കിലും, അപ്‌ഡേറ്റ് ചെയ്‌ത വെർണ 2026 ഏപ്രിലിൽ അരങ്ങേറുമെന്നും എക്‌സ്‌റ്റർ ഫെയ്‌സ്‌ലിഫ്റ്റ് 2026 മധ്യത്തോടെ എത്തുമെന്നും റിപ്പോർട്ടുകൾ സൂചിപ്പിക്കുന്നു. പുതിയ തലമുറ i20 അടുത്ത വർഷം ഷോറൂമുകളിൽ എത്താൻ സാധ്യതയുണ്ട്, അതേസമയം അടുത്ത തലമുറ ക്രെറ്റ, അൽകാസർ എസ്‌യുവികൾ 2027 ൽ വിൽപ്പനയ്‌ക്കെത്തും.

2026 ഹ്യുണ്ടായി വെർണ

2026 ഹ്യുണ്ടായി വെർണയിൽ പുതുക്കിയ ബമ്പർ ഉള്ള പുനർരൂപകൽപ്പന ചെയ്ത ഗ്രില്ലും, വളരെയധികം പരിഷ്‍കരിച്ച ഫ്രണ്ട് ഫാസിയയും ഉണ്ടായിരിക്കാമെന്ന് സ്പൈ ചിത്രങ്ങൾ വെളിപ്പെടുത്തുന്നു. വശങ്ങളുടെയും പിൻഭാഗങ്ങളുടെയും പ്രൊഫൈലുകൾ വലിയ മാറ്റമില്ലാതെ തുടരാൻ സാധ്യതയുണ്ട്. അകത്ത്, സെഡാനിൽ വലിയ ടച്ച്‌സ്‌ക്രീൻ ഇൻഫോടെയ്ൻമെന്റ്, പിൻഭാഗത്ത് വെന്റിലേറ്റഡ് സീറ്റുകൾ എന്നിവ ഉണ്ടായിരിക്കാൻ സാധ്യതയുണ്ട്. 1.5L MPi പെട്രോൾ, 1.5L ടർബോ ഡീസൽ എഞ്ചിനുകൾക്കൊപ്പം അപ്‌ഡേറ്റ് ചെയ്ത വെർണ തുടർന്നും ലഭ്യമാകും.

2026 ഹ്യുണ്ടായി എക്‌സ്റ്റർ

2026 ഹ്യുണ്ടായി എക്‌സ്റ്റർ ഫെയ്‌സ്‌ലിഫ്റ്റിന് ചില ശ്രദ്ധേയമായ സ്റ്റൈലിംഗ് മെച്ചപ്പെടുത്തലുകളും ഇന്റീരിയർ അപ്‌ഗ്രേഡുകളും ലഭിക്കുമെന്ന് പ്രതീക്ഷിക്കുന്നു. മെക്കാനിക്കൽ കാര്യങ്ങളിൽ, മോഡൽ മാറ്റമില്ലാതെ തുടരും.

പുതിയ ഹ്യുണ്ടായി i20

പുതിയ ഹ്യുണ്ടായി i20 അടുത്തിടെ ഇന്ത്യയിൽ പരീക്ഷണയോട്ടം നടത്തിയിരുന്നു. ഹ്യുണ്ടായിയുടെ പുതിയ ഡിസൈൻ ഭാഷയും പുതുതായി രൂപകൽപ്പന ചെയ്ത അലോയ് വീലുകളും നിരവധി പുതിയ സവിശേഷതകളും ഹാച്ച്ബാക്കിൽ ഉൾപ്പെടുത്താൻ സാധ്യതയുണ്ട്. എഞ്ചിൻ ഓപ്ഷനുകൾ മാറ്റമില്ലാതെ തുടരുമെന്ന് പ്രതീക്ഷിക്കുന്നു.

മൂന്നാം തലമുറ ഹ്യുണ്ടായി ക്രെറ്റ

മൂന്നാം തലമുറ ഹ്യുണ്ടായി ക്രെറ്റയ്ക്ക് കാര്യമായ ബാഹ്യ, ഇന്റീരിയർ മാറ്റങ്ങൾ വരുത്തുന്നതിനൊപ്പം ഒരു ഹൈബ്രിഡ് പവർട്രെയിനും ലഭിക്കും. 1.5 ലിറ്റർ, 4-സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഹൈബ്രിഡ് ചെയ്യാൻ സാധ്യതയുണ്ട്. മാരുതി ഗ്രാൻഡ് വിറ്റാര, ടൊയോട്ട ഹൈറൈഡർ, വരാനിരിക്കുന്ന പുതിയ തലമുറ റെനോ ഡസ്റ്റർ ഹൈബ്രിഡ്, കിയ സെൽറ്റോസ് എന്നിവയുടെ ഹൈബ്രിഡ് പതിപ്പുകൾക്കെതിരെയായിരിക്കും ക്രെറ്റ ഹൈബ്രിഡ് മത്സരിക്കുക.

പുതുതലമുറ ഹ്യുണ്ടായി അൽകാസർ

പുതുതലമുറ ഹ്യുണ്ടായി അൽകാസർ 2027 അല്ലെങ്കിൽ 2028 ൽ പുറത്തിറങ്ങുമെന്ന് പ്രതീക്ഷിക്കുന്നു. നിലവിലുള്ള എഞ്ചിൻ സജ്ജീകരണങ്ങൾ നിലനിർത്തിക്കൊണ്ട്, എസ്‌യുവി ഗണ്യമായി മെച്ചപ്പെട്ട സ്റ്റൈലിംഗും ഉയർന്ന നിലവാരമുള്ള ഇന്റീരിയറുമായി വരുമെന്ന് പ്രതീക്ഷിക്കുന്നു.