ഹ്യുണ്ടായിയുടെ ഒക്ടോബർ മാജിക്: വിൽപ്പനയിലെ വൻ കുതിപ്പ്

2025 ഒക്ടോബറിൽ ഹ്യുണ്ടായ് ഇന്ത്യ 69,894 യൂണിറ്റുകളുടെ റെക്കോർഡ് വിൽപ്പന നേടി. ഉത്സവ സീസണിലെ ഡിമാൻഡും ഗ്രാമീണ വിപണിയിലെ മുന്നേറ്റവും എസ്‌യുവികളുടെ വൻ വിൽപ്പനയുമാണ് ഈ നേട്ടത്തിന് പിന്നിൽ. 

2025 ഒക്ടോബർ മാസം ഇന്ത്യൻ കാർ വിപണിയിൽ വൻ മുന്നേറ്റമാണ് ഹ്യുണ്ടായ് മോട്ടോർ ഇന്ത്യ നേടിയത് . 69,894 യൂണിറ്റുകളുടെ വിൽപ്പനയാണ് കമ്പനി രേഖപ്പെടുത്തിയത്. അതിൽ 53,792 എണ്ണം ഇന്ത്യയിൽ വിറ്റഴിക്കുകയും 16,102 എണ്ണം കയറ്റുമതി ചെയ്യുകയും ചെയ്തു. അതായത്, ഒരു മാസത്തിനുള്ളിൽ ഹ്യുണ്ടായ് ഏകദേശം 70,000 വാഹനങ്ങൾ വിറ്റഴിച്ചു. ഇത് കമ്പനിയെ സംബന്ധിച്ച് ഒരു സുപ്രധാന നാഴികക്കല്ലാണ്.

ദസറ, ധന്തേരസ്, ദീപാവലി തുടങ്ങിയ ഉത്സവ ദിവസങ്ങളിൽ ഹ്യുണ്ടായിക്ക് ശക്തമായ ഉപഭോക്തൃ ഡിമാൻഡ് ലഭിച്ചു. ജിഎസ്ടി 2.0 പരിഷ്കാരങ്ങളെത്തുടർന്നുണ്ടായ പോസിറ്റീവ് വിപണി അന്തരീക്ഷവും ഹ്യുണ്ടായിയുടെ വളർച്ചയ്ക്ക് കാരണമായി. കഴിഞ്ഞ വർഷത്തേക്കാൾ ഈ ഉത്സവ സീസണിൽ ഉപഭോക്തൃ വാങ്ങൽ ഗണ്യമായി മെച്ചപ്പെട്ടതായി കമ്പനി വ്യക്തമാക്കി.

ഇന്ത്യൻ കാർ വിപണിയിൽ ഹ്യുണ്ടായ് മോട്ടോർ ഇന്ത്യ ശക്തമായ പ്രകടനം കാഴ്ചവച്ചു . 2026 സാമ്പത്തിക വർഷത്തിന്റെ രണ്ടാം പാദത്തിൽ, കമ്പനി ഇതുവരെയുള്ളതിൽ വച്ച് ഏറ്റവും ഉയർന്ന ഗ്രാമീണ വിൽപ്പനയും എസ്‌യുവി വിഭാഗത്തിൽ റെക്കോർഡ് വിഹിതവും കൈവരിച്ചു. കമ്പനിയുടെ റിപ്പോർട്ട് അനുസരിച്ച്, ഹ്യുണ്ടായിയുടെ മൊത്തം ആഭ്യന്തര വിൽപ്പനയുടെ 23.6% ഇപ്പോൾ ഗ്രാമപ്രദേശങ്ങളിൽ നിന്നാണ്. ഇത് ഇതുവരെയുള്ളതിൽ വച്ച് ഏറ്റവും വലിയ വളർച്ചയെ സൂചിപ്പിക്കുന്നു.

ഒരുകാലത്ത് നഗര വിപണിയുമായി മാത്രം ബന്ധപ്പെട്ടിരുന്ന കമ്പനിയായി കണക്കാക്കപ്പെട്ടിരുന്ന ഹ്യുണ്ടായി ഇപ്പോൾ ചെറിയ പട്ടണങ്ങളിലും ഗ്രാമപ്രദേശങ്ങളിലും ശക്തമായ സാന്നിധ്യം ഉറപ്പിച്ചിട്ടുണ്ട്. ചെറിയ പട്ടണങ്ങളിലും ഗ്രാമീണ ക്ലസ്റ്ററുകളിലും ഡീലർ ശൃംഖലയുടെയും ധനകാര്യ പദ്ധതികളുടെയും വ്യാപനം ഗണ്യമായ വളർച്ചയ്ക്ക് കാരണമായിട്ടുണ്ടെന്ന് കമ്പനി പറയുന്നു.

ക്രെറ്റ, വെന്യു, അൽകാസർ, ട്യൂസൺ, എക്സ്റ്റർ എന്നിവയുൾപ്പെടെയുള്ള ഹ്യുണ്ടായിയുടെ എസ്‌യുവി ശ്രേണിക്ക് ഉപഭോക്താക്കൾക്കിടയിൽ ഏറെ ജനപ്രിയമാണ്. എസ്‌യുവികൾ എക്കാലത്തെയും ഉയർന്ന വിൽപ്പന നിലവാരത്തിലെത്തി. കമ്പനിയുടെ മൊത്തം ആഭ്യന്തര വിൽപ്പനയിൽ 71.1% സംഭാവന ചെയ്യുന്നു. അതായത് ഓരോ പത്ത് ഹ്യുണ്ടായി കാറുകളിൽ ഏഴെണ്ണവും എസ്‌യുവികളാണ്.