ഹ്യുണ്ടായിയുടെ ജനുവരി മാജിക്: വമ്പൻ വിലക്കിഴിവുകൾ

ഹ്യുണ്ടായി ഇന്ത്യ ജനുവരിയിൽ തങ്ങളുടെ പാസഞ്ചർ വാഹനങ്ങൾക്ക് 1.69 ലക്ഷം രൂപ വരെ ആനുകൂല്യങ്ങൾ പ്രഖ്യാപിച്ചു. എക്സ്റ്റർ, ഗ്രാൻഡ് i10 നിയോസ്, ഓറ തുടങ്ങിയ മോഡലുകൾക്ക് ഈ കിഴിവുകൾ ലഭ്യമാണ്, എന്നാൽ ക്രെറ്റ, വെന്യു തുടങ്ങിയ ജനപ്രിയ മോഡലുകൾക്ക് ഓഫറുകളില്ല.  

വർദ്ധിച്ചുവരുന്ന ഇൻപുട്ട് ചെലവ് കാരണം ജനുവരി ഒന്നുമുതൽ പ്രാബല്യത്തിൽ വരുന്ന തരത്തിൽ എല്ലാ പാസഞ്ചർ വാഹനങ്ങൾക്കും വില വർദ്ധനവ് ദക്ഷിണ കൊറിയൻ വാഹന ബ്രാൻഡായ ഹ്യുണ്ടായി ഇന്ത്യ നേരത്തെ പ്രഖ്യാപിച്ചിരുന്നു. അതേസമയം കമ്പനി ഇന്ത്യയിലെ പാസഞ്ചർ വാഹനങ്ങൾക്ക് 1.69 ലക്ഷം വരെ ആനുകൂല്യങ്ങളും പ്രഖ്യാപിച്ചു. എങ്കിലും ഈ ആനുകൂല്യങ്ങൾ 2025-ൽ നിർമ്മിച്ച വാഹനങ്ങൾക്ക് മാത്രമേ ലഭ്യമാകൂ. കൂടാതെ, ഈ ആനുകൂല്യങ്ങൾ ജനുവരി 31 വരെ അല്ലെങ്കിൽ സ്റ്റോക്ക് തീരുന്നത് വരെ ലഭ്യമാകും.

ജനുവരി ഒന്നിനും ജനുവരി 31 നും ഇടയിൽ ടെസ്റ്റ് ഡ്രൈവ് നടത്തുന്ന ഉപഭോക്താക്കൾക്ക് ഈ ആനുകൂല്യങ്ങൾ ലഭ്യമാകുമെന്ന് ഹ്യുണ്ടായി വ്യക്തമാക്കിയിട്ടുണ്ട്. ഈ പ്രഖ്യാപനത്തെത്തുടർന്ന്, നിങ്ങൾ ഒരു ഹ്യുണ്ടായി കാർ വാങ്ങാൻ പദ്ധതിയിടുകയാണെങ്കിൽ, ഓരോ മോഡലിലും ലഭ്യമായ പരമാവധി ആനുകൂല്യങ്ങൾക്കൊപ്പം നിങ്ങൾ അറിയേണ്ടതെല്ലാം ഇതാ.

ഹ്യുണ്ടായി ഗ്രാൻഡ് i10 നിയോസ്

ഹ്യുണ്ടായി ഗ്രാൻഡ് i10 നിയോസിന് 143,808 രൂപയുടെ വിലക്കിഴിവ് ലഭിക്കും. ഗ്രാൻഡ് i10 നിയോസിന്‍റെ അടിസ്ഥാന മോഡലിന് 5.55 ലക്ഷം മുതൽ ഉയർന്ന സ്പെക്ക് മോഡലിന് 7.92 ലക്ഷം രൂപ വരെയാണ് എക്സ്-ഷോറൂം വില.

ഹ്യുണ്ടായി എക്സ്റ്ററിൽ മികച്ച നേട്ടങ്ങൾ

i10 ന് പുറമേ, ഹ്യുണ്ടായി അവരുടെ ചെറിയ എസ്‌യുവിയായ എക്‌സ്റ്ററിലും കിഴിവുകൾ വാഗ്ദാനം ചെയ്യുന്നു. ഹ്യുണ്ടായി എക്‌സ്റ്ററിനാണ് ഏറ്റവും ഉയർന്ന കിഴിവ് ലഭിക്കുന്നത്. ആകെ 1,69,209 രൂപയുടെ ആനുകൂല്യങ്ങൾ വാഗ്ദാനം ചെയ്യുന്നു. ഇതിൽ 89,209 രൂപയുടെ ജിഎസ്ടി നിരക്ക് കുറവ് ഉൾപ്പെടുന്നു, അതേസമയം എസ്‌യുവിയിൽ 80,000 രൂപ വരെ വിലയുള്ള അധിക ആനുകൂല്യങ്ങൾ ലഭിക്കും. ഇത് മൊത്തം ആനുകൂല്യങ്ങൾ 1,69,209 ആയി എത്തിക്കുന്നു. എങ്കിലും വേരിയന്റിനെ ആശ്രയിച്ച് മൊത്തം ആനുകൂല്യങ്ങൾ വ്യത്യാസപ്പെടാം.

ഹ്യുണ്ടായി ഓറയുടെ ഏറ്റവും കുറഞ്ഞ മൈലേജ്

മാരുതി ഡിസയറിനോട് മത്സരിക്കുന്ന ഹ്യുണ്ടായി ഓറയാണ് ഏറ്റവും കുറഞ്ഞ ആനുകൂല്യങ്ങൾ വാഗ്ദാനം ചെയ്യുന്നത്. ഇത് ആകെ 1,06,465 ആനുകൂല്യങ്ങൾ വാഗ്ദാനം ചെയ്യുന്നു. ഇതിൽ 78,465 രൂപയുടെ ജിഎസ്‍ടി കുറവും 28,000 രൂപയുടെ അധിക ആനുകൂല്യങ്ങളും ഉൾപ്പെടുന്നു. വേരിയന്റിനെ ആശ്രയിച്ച് മൊത്തം ആനുകൂല്യങ്ങൾ വ്യത്യാസപ്പെടാം.

ഈ മോഡലുകൾക്ക് ഓഫറുകൾ ഒന്നുമില്ല

ഗ്രാൻഡ് i10 നിയോസ്, i20, ഓറ, XTRE, വെർണ, അൽകാസർ എന്നിവ 2026 ജനുവരിയിൽ കാര്യമായ ആനുകൂല്യങ്ങൾ വാഗ്ദാനം ചെയ്യുന്നുണ്ടെങ്കിലും വെന്യു, ക്രെറ്റ പോലുള്ള ജനപ്രിയ മോഡലുകൾക്ക് ഇളവ് നൽകിയിട്ടില്ല. കൂടാതെ, തമിഴ്‌നാട്ടിലെ ഒരു കാറിലും ഹ്യുണ്ടായി ഈ ആനുകൂല്യങ്ങൾ വാഗ്ദാനം ചെയ്യുന്നില്ല.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.