ഹ്യുണ്ടായി വെർണയ്ക്ക് 55,000 രൂപ വരെ വിലക്കിഴിവ്!

ദക്ഷിണ കൊറിയൻ വാഹന ബ്രാൻഡായ ഹ്യുണ്ടായി തങ്ങളുടെ ആഡംബര സെഡാനായ വെർണയ്ക്ക് നവംബറിൽ 55,000 രൂപ വരെ കിഴിവുകൾ പ്രഖ്യാപിച്ചു. കാറിന്റെ എല്ലാ വകഭേദങ്ങളിലും ഈ ആനുകൂല്യങ്ങൾ ലഭ്യമാണ്.

ദക്ഷിണ കൊറിയൻ വാഹന ബ്രാൻഡായ ഹ്യുണ്ടായി മോട്ടോർ ഇന്ത്യ തങ്ങളുടെ ആഡംബര സെഡാനായ വെർണയ്ക്ക് നവംബറിൽ കിഴിവുകൾ പ്രഖ്യാപിച്ചു. ഈ മാസം വെർണയിൽ കമ്പനി 55,000 രൂപ വരെ ആനുകൂല്യങ്ങൾ വാഗ്ദാനം ചെയ്യുന്നു. കാറിന്‍റെ എല്ലാ വകഭേദങ്ങളിലും കിഴിവുകൾ ബാധകമാണ് എന്നാണ് റിപ്പോർട്ടുകൾ. കാറിന്റെ പ്രാരംഭ എക്സ്-ഷോറൂം വില ഇപ്പോൾ 10,69,210 രൂപ ആണ്. മാരുതി സിയാസ്, ഫോക്‌സ്‌വാഗൺ വിർടസ് തുടങ്ങിയ മോഡലുകളുമായി വെർണ നേരിട്ട് മത്സരിക്കുന്നു. വെർണയിൽ ലഭ്യമായ കിഴിവുകളുടെ വിശദാംശങ്ങൾ നമുക്ക് പരിശോധിക്കാം.

ഹ്യുണ്ടായി വെർണയുടെ സവിശേഷതകൾ

വെർണയിലെ 1.5 ലിറ്റർ ആസ്‍പിറേറ്റഡ് പെട്രോൾ എഞ്ചിൻ 113 bhp കരുത്തും 144 എൻഎം ടോർക്കും ഉത്പാദിപ്പിക്കുന്നു. 1.5 ലിറ്റർ ടർബോ-പെട്രോൾ എഞ്ചിൻ 158 bhp കരുത്തും 253 Nm ടോർക്കും ഉത്പാദിപ്പിക്കുന്നു. ട്രാൻസ്‍മിഷൻ ഓപ്ഷനുകളിൽ 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്, 7-സ്‍പീഡ് ഡിസിടി എന്നിവ ഉൾപ്പെടുന്നു. അളവുകളിൽ 4,535 എംഎം നീളവും 1,765 എംഎം വീതിയും 1,475 എംഎം ഉയരവും ഉൾപ്പെടുന്നു. 2,670 എംഎം ആണ് വീൽബേസ്. ബൂട്ട് സ്പേസ് 528 ലിറ്ററാണ്.

SX ട്രിമ്മിൽ MT, IVT എന്നിവയുള്ള 1.5L MPi, എംടി, ഡിസിടി എന്നിവയുള്ള 1.5L ടർബോ GDi എന്നിവ ഉൾപ്പെടുന്നു. SX ട്രിമ്മിലെ എക്സ്റ്റീരിയർ ഫീച്ചറുകളിൽ ഫ്രണ്ട് പാർക്കിംഗ് സെൻസറുകൾ, പിൻ ക്യാമറ, ഓട്ടോ-ഡിമ്മിംഗ് ഐആർവിഎം, പുഷ്-ബട്ടൺ സ്റ്റാർട്ടുള്ള കീലെസ് എൻട്രി, ഉയരം ക്രമീകരിക്കാവുന്ന ഫ്രണ്ട് സീറ്റ് ബെൽറ്റുകൾ, കോർണറിംഗ് ഫംഗ്ഷനുള്ള എൽഇഡി ഹെഡ്‌ലൈറ്റുകൾ, 16 ഇഞ്ച് അലോയ് വീലുകൾ (ടർബോയുള്ള കറുപ്പ്) തുടങ്ങിയവയും ഉൾപ്പെടുന്നു.

ലെതർ റാപ്പോടുകൂടിയ അഡ്വാൻസ്ഡ് 2-സ്പോക്ക് സ്റ്റിയറിംഗ്, ഫ്രണ്ട് ട്വീറ്ററുകൾ, ഇലക്ട്രിക് സൺറൂഫ്, സ്മാർട്ട് ട്രങ്ക് റിലീസ്, വയർലെസ് ചാർജർ, റിയർ-വ്യൂ മോണിറ്റർ, ആംബിയന്റ് ലൈറ്റിംഗ്, ഓട്ടോ-ഫോൾഡിംഗ് ഓആർവിഎമ്മുകൾ എന്നിവയാണ് ഇതിന്റെ ഇന്റീരിയറിന്റെ സവിശേഷതകൾ. എങ്കിലും ചുവന്ന ബ്രേക്ക് കാലിപ്പറുകൾ (ടർബോ), സോഫ്റ്റ്-ടച്ച് പ്ലാസ്റ്റിക് (ടർബോ) ഉള്ള കറുപ്പും ചുവപ്പും നിറത്തിലുള്ള ഇന്റീരിയറുകൾ, 10.25 ഇഞ്ച് ടച്ച്‌സ്‌ക്രീൻ (ടർബോ), കണക്റ്റഡ് കാർ ടെക്, പാഡിൽ ഷിഫ്റ്ററുകൾ (ഐവിടി, ഡിസിടി), എയർ പ്യൂരിഫയർ (ടർബോ), മെറ്റാലിക് ഫിനിഷുകൾ തുടങ്ങിയ ഘടകങ്ങളും ഇതിന്റെ ഇന്റീരിയറിൽ ഉണ്ട്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.