ജീപ്പ് മെറിഡിയൻ ട്രാക്ക് എഡിഷൻ: കരുത്തിന്റെ പുതിയ മുഖം

പുതിയ ജീപ്പ് മെറിഡിയൻ ട്രാക്ക് എഡിഷൻ ഇന്ത്യയിൽ പുറത്തിറങ്ങി. ഓവർലാൻഡ് ട്രിമ്മിനെ അടിസ്ഥാനമാക്കിയുള്ള ഈ ലിമിറ്റഡ് എഡിഷൻ മോഡൽ, സ്പോർട്ടി ഡിസൈൻ മെച്ചപ്പെടുത്തലുകളോടും എക്സ്ക്ലൂസീവ് ഇന്റീരിയർ ഫീച്ചറുകളോടും കൂടിയാണ് വരുന്നത്. 

പുതിയ ജീപ്പ് മെറിഡിയൻ ട്രാക്ക് എഡിഷൻ ഇപ്പോൾ ഇന്ത്യയിൽ വിൽപ്പനയ്‌ക്കെത്തി. ടോപ്പ്-എൻഡ് ഓവർലാൻഡ് ട്രിമ്മിനെ അടിസ്ഥാനമാക്കി, ഈ ലിമിറ്റഡ്-റൺ എഡിഷൻ രണ്ട് കോൺഫിഗറേഷനുകളിലാണ് വരുന്നത്. 2.0L ഡീസൽ-AT 4X2, 2.0L ഡീസൽ-AT 4X4 എന്നിവ. ഈ മോഡലുകൾക്ക് യഥാക്രമം 35.95 ലക്ഷം രൂപയും 37.82 ലക്ഷം രൂപയും ആണ് എക്സ്-ഷോറൂം വില.

9,200 രൂപ വിലമതിക്കുന്ന ഒരു  AXS പായ്ക്ക് ഉണ്ടെന്ന കാര്യം ശ്രദ്ധിക്കേണ്ടതാണ്. ജീപ്പ് ഡീലർഷിപ്പുകളിലും കമ്പനിയുടെ ഔദ്യോഗിക വെബ്‌സൈറ്റ് വഴി ഓൺലൈനായും പ്രത്യേക പതിപ്പിനായുള്ള ബുക്കിംഗ് ആരംഭിച്ചു. സാധാരണ ഓവർലാൻഡ് വേരിയന്റുമായി താരതമ്യപ്പെടുത്തുമ്പോൾ, മെറിഡിയൻ ട്രാക്ക് എഡിഷന് ഏകദേശം 34,000 രൂപ വില കൂടുതലാണ്.

ഡിസൈൻ മെച്ചപ്പെടുത്തലുകൾ

പേര് സൂചിപ്പിക്കുന്നത് പോലെ, ജീപ്പ് മെറിഡിയൻ ട്രാക്ക് എഡിഷന് സ്റ്റാൻഡേർഡ് മോഡലിനേക്കാൾ കൂടുതൽ സ്‌പോർട്ടിയർ മെച്ചപ്പെടുത്തലുകൾ ലഭിക്കുന്നു. ഫ്രണ്ട് ഗ്രില്ലിലെ പിയാനോ ബ്ലാക്ക് ആക്‌സന്റുകൾ, ഒരു പുതിയ ഹുഡ് ഡെക്കൽ, പിയാനോ ബ്ലാക്ക് ബാഡ്ജുകൾ, പിയാനോ ബ്ലാക്ക് എക്സ്റ്റീരിയർ മോൾഡിംഗുകൾ തുടങ്ങിയ ഡിസൈൻ ഘടകങ്ങൾ അതിന്റെ പുതിയ രൂപത്തിന് ആക്കം കൂട്ടുന്നു. ടെയിൽഗേറ്റിലെ ഒരു 'ട്രാക്ക് എഡിഷൻ' ബാഡ്ജ് സ്റ്റാൻഡേർഡ് മെറിഡിയനിൽ നിന്ന് ഇതിനെ കൂടുതൽ വ്യത്യസ്തമാക്കുന്നു.

എക്സ്ക്ലൂസീവ് സവിശേഷതകൾ

ഇന്‍റീരിയറിൽ പുതിയ ഡ്യുവൽ-ടോൺ ലെതറെറ്റ്, ക്വിൽറ്റഡ് സ്റ്റിച്ചിംഗ് ഉള്ള സ്യൂഡ് സീറ്റ് അപ്ഹോൾസ്റ്ററി എന്നിവ പ്രത്യേക പതിപ്പിന്റെ സവിശേഷതയാണ്. കോൺട്രാസ്റ്റ് സ്റ്റിച്ചിംഗ് ഉള്ള ഡാഷ്‌ബോർഡിൽ പുതിയ സ്യൂഡ് ട്രിം, പുതിയ കോർട്ടിന ലെതർ പൊതിഞ്ഞ സ്റ്റിയറിംഗ് വീൽ, ക്യാബിനിൽ പിയാനോ ബ്ലാക്ക് ബെസലുകളുള്ള പുതിയ ഡാർക്ക് എസ്‌പ്രെസ്സോ ആക്‌സന്റുകൾ, ഡാഷ്‌ബോർഡിലും ഫ്ലോർ മാറ്റുകളിലും 'ട്രാക്ക് എഡിഷൻ' ആപ്ലിക്കുകൾ എന്നിവയും ഇതിലുണ്ട്.

ജീപ്പ് മെറിഡിയൻ ട്രാക്ക് എഡിഷന്റെ സവിശേഷതകൾ

ഫീച്ചറുകളുടെ കാര്യത്തിൽ, 10.25 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, പനോരമിക് സൺറൂഫ്, മെമ്മറി ഫംഗ്‌ഷനോടുകൂടിയ പവർഡ് വെന്റിലേറ്റഡ് ഫ്രണ്ട് സീറ്റുകൾ, ആൽപിൻ ഓഡിയോ സിസ്റ്റം, ലെവൽ 2 ADAS എന്നിവയുൾപ്പെടെ ഓവർലാൻഡ് ട്രിമ്മിൽ ലഭ്യമായ എല്ലാ ഗുണങ്ങളും മെറിഡിയൻ ട്രാക്ക് എഡിഷൻ വാഗ്ദാനം ചെയ്യുന്നു.

എഞ്ചിൻ, പവർ , ഡ്രൈവ്‌ട്രെയിൻ

ജീപ്പ് മെറിഡിയൻ ട്രാക്ക് എഡിഷനിൽ 9-സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയ അതേ 2.0L ഡീസൽ എഞ്ചിൻ ഉപയോഗിക്കുന്നു. ഈ സജ്ജീകരണം 170bhp കരുത്തും 350Nm ടോർക്കും നൽകുന്നു. 4X2, 4X4 ഡ്രൈവ്ട്രെയിൻ ഓപ്ഷനുകളോടെയാണ് പ്രത്യേക പതിപ്പ് വാഗ്ദാനം ചെയ്യുന്നത്.