കിയ, റെനോ ഹൈബ്രിഡ് എസ്‌യുവികൾ: ഇന്ത്യയുടെ അടുത്ത തരംഗം

ഇന്ത്യൻ വിപണിയിൽ ഹൈബ്രിഡ് വാഹനങ്ങൾക്ക് പ്രചാരം വർധിക്കുന്ന സാഹചര്യത്തിൽ, കിയയും റെനോയും 2026-ഓടെ തങ്ങളുടെ പുതിയ ഹൈബ്രിഡ് എസ്‌യുവികൾ അവതരിപ്പിക്കാൻ ഒരുങ്ങുന്നു. കിയ സോറെന്റോ, റെനോ ഡസ്റ്റർ ഹൈബ്രിഡ് എന്നിവയാണ് ഈ നിരയിലെ പ്രധാന മോഡലുകൾ. 

ഇന്ത്യൻ വിപണിയിൽ ഹൈബ്രിഡ് വാഹനങ്ങൾക്ക് ക്രമേണ പ്രചാരം വർദ്ധിച്ചുവരികയാണ്. വർദ്ധിച്ചുവരുന്ന ആവശ്യകതയ്‌ക്കൊപ്പം, പ്രധാന വാഹന നിർമ്മാണ കമ്പനികൾ അവരുടെ ഹൈബ്രിഡ് പോർട്ട്‌ഫോളിയോകൾ വികസിപ്പിക്കുന്നതിനോ അല്ലെങ്കിൽ ഈ വിഭാഗത്തിലേക്ക് പ്രവേശിക്കുന്നതിനോ ഒരുങ്ങുകയാണ്. 2026 ൽ തങ്ങളുടെ ആദ്യ ഹൈബ്രിഡ് ഓഫറുകൾ അവതരിപ്പിക്കാൻ പദ്ധതിയിടുന്ന മുൻനിര കാർ നിർമ്മാതാക്കളിൽ കിയയും റെനോയും ഉൾപ്പെടുന്നു.

കിയ സോറെന്റോ മൂന്ന് നിര എസ്‌യുവി വർഷത്തിന്റെ രണ്ടാം പകുതിയിൽ നിരത്തുകളിൽ എത്തുമെന്ന് പ്രതീക്ഷിക്കുന്നു. അതേസമയം റെനോ ഡസ്റ്റർ ഹൈബ്രിഡും ഉടൻ പുറത്തിറക്കും. പെട്രോൾ എഞ്ചിനുകളുള്ള പുതിയ ഡസ്റ്റർ 2026 ജനുവരി 26 ന് അരങ്ങേറ്റം കുറിക്കും. തുടർന്ന് ഉടൻ തന്നെ വിപണിയിലെത്തും. ഈ മോഡലുകളെക്കുറിച്ച് അറിയാം.

കിയ സോറെന്റോ ഹൈബ്രിഡ് എസ്‌യുവി

ആഗോള വിപണികളിൽ, കിയ സോറെന്റോ അതിന്റെ നാലാം തലമുറയിലാണ്, കൂടാതെ ഐസിഇ, ഹൈബ്രിഡ്, പ്ലഗ്-ഇൻ ഹൈബ്രിഡ് എന്നിവയുൾപ്പെടെ ഒന്നിലധികം പവർട്രെയിൻ ഓപ്ഷനുകളിൽ ലഭ്യമാണ്. 7 സീറ്റർ എസ്‌യുവിക്കായി കിയ ഇന്ത്യ പരിചിതമായ 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഹൈബ്രിഡ് ചെയ്യുമെന്ന് പ്രതീക്ഷിക്കുന്നു. പ്രീമിയം ഓഫറായി സജ്ജീകരിച്ചിരിക്കുന്ന സോറന്റോ ഹൈബ്രിഡിൽ ഡ്യുവൽ ഡിജിറ്റൽ ഡിസ്‌പ്ലേകൾ, ഹീറ്റഡ്/വെന്റിലേറ്റഡ് സീറ്റുകൾ, വയർലെസ് ചാർജിംഗ്, ബോസ് സൗണ്ട് സിസ്റ്റം, സറൗണ്ട് വ്യൂ മോണിറ്റർ, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, ഇഎസ്‌സി, ലെവൽ-2 എഡിഎഎസ്, വെഹിക്കിൾ മാനേജ്‌മെന്റ് സിസ്റ്റം തുടങ്ങി നിരവധി നൂതന സവിശേഷതകളുണ്ട്.

റെനോ ഡസ്റ്റർ ഹൈബ്രിഡ് എസ്‌യുവി

ആഗോളതലത്തിൽ, എസ്‌യുവിയുടെ ഹൈബ്രിഡ് പതിപ്പ് (ഡാസിയ ഡസ്റ്റർ എന്നറിയപ്പെടുന്നു) 94bhp, 1.6L പെട്രോൾ എഞ്ചിൻ, 1.2kWh ബാറ്ററി പായ്ക്ക്, ഡ്യുവൽ മോട്ടോറുകൾ എന്നിവയുമായി ജോടിയാക്കിയിരിക്കുന്നു. ഈ സജ്ജീകരണം 140bhp സംയോജിത പവർ നൽകുന്നു. മാനുവൽ, ഓട്ടോമാറ്റിക് ഗിയർബോക്‌സുകൾ എന്നിവ വാഗ്ദാനം ചെയ്യും. ഉയർന്ന ട്രിമ്മുകളിൽ മാത്രമായി 4X4 ഡ്രൈവ്‌ട്രെയിൻ സിസ്റ്റം വാഗ്ദാനം ചെയ്യും.

റെനോ ഡസ്റ്റർ ഹൈബ്രിഡ് രൂപകൽപ്പനയുടെ കാര്യത്തിൽ അതിന്‍റെ ഐസിഇ എതിരാളിയോട് ഏറെക്കുറെ സാമ്യമുള്ളതായിരിക്കും . ഫീച്ചറുകളുടെ കാര്യത്തിൽ, ഒരു അർകാമിസ് ക്ലാസിക് 6-സ്പീക്കർ സൗണ്ട് സിസ്റ്റം, 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വയർലെസ് സ്മാർട്ട്‌ഫോൺ കണക്റ്റിവിറ്റി, 7 ഇഞ്ച് കളർ ഡ്രൈവർ ഡിസ്‌പ്ലേ, പനോരമിക് സൺറൂഫ്, ആംബിയന്റ് ലൈറ്റിംഗ്, ലെതറെറ്റ് അപ്ഹോൾസ്റ്ററി, ലെവൽ 2 ADAS സ്യൂട്ട് എന്നിവ മറ്റ് സവിശേഷതകൾക്കൊപ്പം ഇത് വാഗ്ദാനം ചെയ്യുമെന്ന് പ്രതീക്ഷിക്കുന്നു.