ഈ മാസം കിയ കാറുകൾക്ക് വമ്പിച്ച കിഴിവുകൾ!

കിയ മോട്ടോഴ്‌സ് തങ്ങളുടെ സെൽറ്റോസ്, സോനെറ്റ്, കാരൻസ് എന്നീ മോഡലുകൾക്ക് ആകർഷകമായ കിഴിവുകൾ പ്രഖ്യാപിച്ചു. ടർബോചാർജ്ഡ്, നാച്ചുറലി ആസ്പിറേറ്റഡ് വേരിയന്റുകളിൽ ക്യാഷ് ഡിസ്‌കൗണ്ടുകളും എക്‌സ്‌ചേഞ്ച് ബോണസുകളും ലഭ്യമാണ്.

ദക്ഷിണ കൊറിയൻ വാഹന ബ്രാൻഡായ കിയ ഇന്ത്യ തങ്ങളുടെ മൂന്ന് ജനപ്രിയ മോഡലുകളായ സെൽറ്റോസ് മിഡ്‌സൈസ് എസ്‌യുവി, സോനെറ്റ് കോംപാക്റ്റ് എസ്‌യുവി, കാരൻസ് എംപിവി എന്നിവയിൽ വൻ കിഴിവുകൾ വാഗ്ദാനം ചെയ്യുന്നു. ടർബോചാർജ്‍ഡ്, നാച്ചുറലി ആസ്പിറേറ്റഡ് വേരിയന്റുകളിൽ ക്യാഷ് ഡിസ്‌കൗണ്ടുകളുടെയും എക്‌സ്‌ചേഞ്ച് ബോണസുകളുടെയും രൂപത്തിൽ ഉപഭോക്താക്കൾക്ക് ആനുകൂല്യങ്ങൾ ലഭിക്കും. കിയ കാറുകളിൽ ലഭ്യമായ എല്ലാ ഡിസ്‌കൗണ്ട് ഓഫറുകളും നോക്കാം. ഡീലർഷിപ്പിനെയും നഗരത്തെയും ആശ്രയിച്ച് കിഴിവ് തുകകൾ വ്യത്യാസപ്പെടാം എന്നത് ശ്രദ്ധിക്കേണ്ടതാണ്.

കിയ സെൽറ്റോസിൽ കിഴിവുകൾ
എസ്‌യുവിയുടെ എല്ലാ ടർബോ-പെട്രോൾ വകഭേദങ്ങൾക്കും 45,000 രൂപ വരെയുള്ള മൊത്തം ആനുകൂല്യം ലഭിക്കുന്നു. ഇതിൽ 25,000 രൂപ ക്യാഷ് ഡിസ്‌കൗണ്ടും 20,000 രൂപ എക്‌സ്‌ചേഞ്ച് ബോണസും ഉൾപ്പെടുന്നു. എല്ലാ നാച്ചുറലി ആസ്പിറേറ്റഡ് വകഭേദങ്ങളും 5,000 രൂപ ക്യാഷ് ബെനിഫിറ്റും 20,000 രൂപ എക്‌സ്‌ചേഞ്ച് ബോണസും ഉൾപ്പെടെ  25,000 രൂപ മൊത്തം കിഴിവോടെ ലഭ്യമാണ് .  സെൽറ്റോസ് നിരയിൽ മൂന്ന് എഞ്ചിൻ ഓപ്ഷനുകളുണ്ട് - 115bhp/144Nm, 1.5L പെട്രോൾ, 160bhp/253Nm, 1.5L ടർബോ പെട്രോൾ, 116bhp/250Nm, 1.5L ടർബോ ഡീസൽ എന്നിവ. ട്രാൻസ്‍മിഷൻ ഓപ്ഷനുകളിൽ 6-സ്പീഡ് മാനുവൽ, ഒരു സിവിടി, ഒരു 6-സ്പീഡ് ഓട്ടോമാറ്റിക്, ഒരു 6-സ്പീഡ് iMT, ഒരു 7-സ്പീഡ് ഡിസിടി എന്നിവ ഉൾപ്പെടുന്നു.

കിയ സോനെറ്റിന് കിഴിവുകൾ
സോണറ്റിന്റെ HTX ഡിസിടി ടർബോ-പെട്രോൾ വേരിയന്റ് ഒഴികെയുള്ള എല്ലാ ടർബോചാർജ്ഡ് വേരിയന്റുകളിലും ഉപഭോക്താക്കൾക്ക് 25,000 രൂപ വരെ ലാഭിക്കാം. 1.2 ലിറ്റർ നാച്ചുറലി ആസ്പിറേറ്റഡ് വേരിയന്റുകൾക്ക് 5,000 രൂപ വില വരുന്ന ആനുകൂല്യങ്ങൾ വാഗ്ദാനം ചെയ്യുന്നു. 83bhp, 1.2L നാച്ചുറലി ആസ്പിറേറ്റഡ് പെട്രോൾ, 120bhp, 1.0L ടർബോ പെട്രോൾ, 116bhp, 1.5L ഡീസൽ എഞ്ചിൻ ഓപ്ഷനുകളിൽ സബ്‌കോംപാക്റ്റ് എസ്‌യുവി ലഭ്യമാണ്. മാനുവൽ അല്ലെങ്കിൽ ഓട്ടോമാറ്റിക് ഗിയർബോക്‌സ് ഉപയോഗിച്ച് ഇത് ലഭിക്കും.

കിയ കാരൻസിൽ കിഴിവുകൾ
കാരൻസ് ടർബോ-പെട്രോളിന് 25,000 രൂപ വരെ മൊത്തം കിഴിവുകളാണ് കമ്പനി വാഗ്‍ദാനം ചെയ്യുന്നത്. അതേസമയം നാച്ചുറലി ആസ്പിറേറ്റഡ് വേരിയന്റുകൾക്ക് 5,000 രൂപ ആനുകൂല്യങ്ങളോടെ ലഭ്യമാണ്. എംപിവിയുടെ എഞ്ചിൻ സജ്ജീകരണത്തിൽ 115 ബിഎച്ച്പി, 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ, 160 ബിഎച്ച്പി, 1.5 ലിറ്റർ ടർബോ പെട്രോൾ, 116 ബിഎച്ച്പി, 1.5 ലിറ്റർ ഡീസൽ എന്നിവ ഉൾപ്പെടുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.