ഇതാ വരനാരിക്കുന്ന ചില മികച്ച സെഡാനുകൾ

ഇപ്പോൾ, ഈ സെഗ്‌മെൻ്റിൽ അവരുടെ വിൽപ്പന വർദ്ധിപ്പിക്കുന്നതിനായി, ഹോണ്ട, മാരുതി സുസുക്കി, സ്‌കോഡ തുടങ്ങിയ കമ്പനികൾ അവരുടെ പുതിയതും മുഖം മിനുക്കിയതുമായ കാറുകൾ അവതരിപ്പിക്കാൻ ഒരുങ്ങുകയാണ്. സമീപഭാവിയിൽ പുറത്തിറങ്ങാനിരിക്കുന്ന മൂന്ന് സെഡാൻ കാറുകളുടെ സവിശേഷതകളെക്കുറിച്ച് വിശദമായി അറിയാം.  

സമീപഭാവിയിൽ നിങ്ങൾ ഒരു പുതിയ കാർ വാങ്ങാൻ പദ്ധതിയിടുകയാണോ? എങ്കിൽ, ഈ വാർത്ത നിങ്ങൾക്ക് വളരെ ഉപയോഗപ്രദമാണ്. സെഡാൻ സെഗ്‌മെൻ്റ് കാറുകൾക്ക് ഇന്ത്യൻ ഉപഭോക്താക്കൾക്കിടയിൽ എപ്പോഴും ആവശ്യക്കാരുണ്ട്. ഈ വിഭാഗത്തിൽ, മാരുതി സുസുക്കി ഡിസയർ, ഹോണ്ട അമേസ്, ഹോണ്ട സിറ്റി, ഹ്യുണ്ടായ് വെർണ തുടങ്ങിയ കാറുകളാണ് ഏറ്റവും ജനപ്രിയമായത്. കഴിഞ്ഞ കുറച്ച് വർഷങ്ങളായി മാരുതി സുസുക്കി ഡിസയർ ഈ വിഭാഗത്തിൽ തുടർച്ചയായി ഒന്നാം സ്ഥാനത്താണ് എന്ന് നമുക്ക് പറയാം. ഇപ്പോൾ, ഈ സെഗ്‌മെൻ്റിൽ അവരുടെ വിൽപ്പന വർദ്ധിപ്പിക്കുന്നതിനായി, ഹോണ്ട, മാരുതി സുസുക്കി, സ്‌കോഡ തുടങ്ങിയ കമ്പനികൾ അവരുടെ പുതിയതും മുഖം മിനുക്കിയതുമായ കാറുകൾ അവതരിപ്പിക്കാൻ ഒരുങ്ങുകയാണ്. സമീപഭാവിയിൽ പുറത്തിറങ്ങാനിരിക്കുന്ന മൂന്ന് സെഡാൻ കാറുകളുടെ സവിശേഷതകളെക്കുറിച്ച് വിശദമായി അറിയാം.

പുതുതലമുറ മാരുതി സുസുക്കി ഡിസയർ
ഇന്ത്യയിലെ ഏറ്റവും വലിയ കാർ വിൽപ്പന കമ്പനിയായ മാരുതി സുസുക്കി അതിൻ്റെ ഏറ്റവും ജനപ്രിയമായ ബെസ്റ്റ് സെല്ലിംഗ് സെഡാൻ ഡിസയറിൻ്റെ പുതുക്കിയ പതിപ്പ് ഉടൻ പുറത്തിറക്കാൻ പോകുന്നു. വരാനിരിക്കുന്ന പുതുക്കിയ മാരുതി സുസുക്കി ഡിസയറിൻ്റെ ഇൻ്റീരിയറിലും എക്സ്റ്റീരിയറിലും വലിയ മാറ്റമുണ്ടാകാൻ പോകുന്നു. ഇതുകൂടാതെ, പുതിയ 1.2 ലിറ്റർ Z-സീരീസ് പെട്രോൾ എഞ്ചിൻ പവർട്രെയിനായി കാറിന് ലഭിക്കാൻ സാധ്യതയുണ്ട്. നിലവിലെ കലണ്ടർ വർഷത്തിൻ്റെ രണ്ടാം പകുതിയിൽ കമ്പനി വരാനിരിക്കുന്ന മാരുതി സുസുക്കി ഡിസയർ പുറത്തിറക്കുമെന്ന് നിരവധി  റിപ്പോർട്ടുകൾ അവകാശപ്പെടുന്നു.

പുതിയ ജനറൽ സ്കോഡ ഒക്ടാവിയ
വാഹന മേഖലയിലെ മുൻനിര കാർ നിർമാതാക്കളായ സ്‌കോഡ തങ്ങളുടെ ജനപ്രിയ മോഡലായ സൂപ്പർബ് അടുത്തിടെ വീണ്ടും അവതരിപ്പിച്ചു. ഈ ശ്രേണിയിൽ, ആഗോള സ്‌കോഡ ഒക്ടാവിയയുടെ ഏറ്റവും പുതിയ പതിപ്പ് വരും മാസങ്ങളിൽ ഇന്ത്യയിൽ അവതരിപ്പിക്കാനുള്ള ഒരുക്കത്തിലാണ് കമ്പനി. അതേസമയം, പുതിയ തലമുറ സ്‌കോഡ ഒക്ടാവിയയെക്കുറിച്ച് കമ്പനി ഇതുവരെ ഔദ്യോഗിക പ്രസ്‍താവനകളൊന്നും നൽകിയിട്ടില്ല.

പുതിയ ഹോണ്ട അമേസ്
ലോഞ്ച് ചെയ്‍തതു മുതൽ ഇന്ത്യൻ ഉപഭോക്താക്കൾക്കിടയിൽ ജനപ്രിയ സെഡാൻ കാറുകളിലൊന്നാണ് ഹോണ്ട അമേസ്. വരാനിരിക്കുന്ന ഉത്സവ സീസണിൽ കമ്പനി  പുതുക്കിയ മൂന്നാം തലമുറ ഹോണ്ട അമേസ് പുറത്തിറക്കിയേക്കും. വരാനിരിക്കുന്ന അപ്‌ഡേറ്റ് ചെയ്ത ഹോണ്ട അമേസിൻ്റെ എക്സ്റ്റീരിയറിലും ഇൻ്റീരിയറിലും വലിയ മാറ്റമുണ്ടാകാൻ പോകുന്നതായിട്ടാണ് റിപ്പോര്‍ട്ടുകൾ.