6 എയർബാഗുകൾ, 33 കിലോമീറ്റർ മൈലേജ്, വില 4.23 ലക്ഷം; ഈ ജനപ്രിയ കാറിന് ഇപ്പോൾ വൻ വിലക്കിഴിവും

മാരുതി സുസുക്കി ആൾട്ടോ K10-ന് 71,960 രൂപ വരെ കിഴിവുകൾ പ്രഖ്യാപിച്ചു. ഓട്ടോമാറ്റിക് വേരിയന്റിലാണ് കൂടുതൽ ആനുകൂല്യം, ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, സ്‌ക്രാപ്പേജ് ബോണസ് എന്നിവയും ലഭ്യം.

മാരുതി സുസുക്കി ഇന്ത്യ 2025 ആഗസ്റ്റിൽ കാറുകൾക്ക് കിഴിവുകൾ പ്രഖ്യാപിച്ചു. ഈ മാസം തങ്ങളുടെ പോർട്ട്‌ഫോളിയോയിലെ എൻട്രി ലെവൽ കാറായ ആൾട്ടോ കെ10 ന് കമ്പനി മികച്ച കിഴിവ് വാഗ്ദാനം ചെയ്യുന്നു. ഈ മാസം ഈ കാർ വാങ്ങുന്നതിലൂടെ 71,960 രൂപ വരെ ആനുകൂല്യം ലഭിക്കും. ജൂലൈയിൽ ഈ കാറിന് 67,100 രൂപ വരെ കിഴിവ് ലഭിച്ചിരുന്നു എന്നതാണ് പ്രത്യേകത. ഓട്ടോമാറ്റിക് (എജിഎസ്) വേരിയന്റിലാണ് കമ്പനി ഏറ്റവും കൂടുതൽ ആനുകൂല്യം നൽകുന്നത്. ക്യാഷ് ഡിസ്‌കൗണ്ടിനൊപ്പം എക്‌സ്‌ചേഞ്ച് ബോണസ്, സ്‌ക്രാപ്പേജ് ബോണസ് തുടങ്ങിയ ആനുകൂല്യങ്ങളും ഉപഭോക്താക്കൾക്ക് ലഭിക്കും. ഇതിന്റെ എക്‌സ്‌ഷോറൂം വില 4.23 ലക്ഷം രൂപ മുതൽ 6.21 ലക്ഷം രൂപ വരെയാണ്. രാജ്യത്തെ ഏറ്റവും വിലകുറഞ്ഞ കാർ കൂടിയാണിത്.

കമ്പനിയുടെ പുതുക്കിയ പ്ലാറ്റ്‌ഫോമായ ഹാർടെക്‍റ്റ് പ്ലാറ്റ്ഫോമിനെ അടിസ്ഥാനമാക്കിയാണ് ആൾട്ടോ K10 കാർ നിർമ്മിച്ചിരിക്കുന്നത്. ഈ ഹാച്ച്ബാക്കിൽ പുതുതലമുറ K-സീരീസ് 1.0 ലിറ്റർ ഡ്യുവൽ ജെറ്റ്, ഡ്യുവൽ വിവിടി എഞ്ചിൻ ഉണ്ട്. ഈ എഞ്ചിൻ 5500rpm-ൽ 49kW (66.62PS) പവറും 3500rpm-ൽ 89Nm-ൽ പരമാവധി ടോർക്കും ഉത്പാദിപ്പിക്കുന്നു. ഓട്ടോമാറ്റിക് വേരിയന്റ് ലിറ്ററിന് 24.90 കിലോമീറ്ററും മാനുവൽ വേരിയന്റ് ലിറ്ററിന് 24.39 കിലോമീറ്ററും മൈലേജ് നൽകുമെന്ന് കമ്പനി അവകാശപ്പെടുന്നു. അതേസമയം, അതിന്റെ സിഎൻജി വേരിയന്റിന്റെ മൈലേജ് ലിറ്ററിന് 33.85 കിലോമീറ്ററാണ്.

ആൾട്ടോ കെ10-ൽ ഏഴ് ഇഞ്ച് ഫ്ലോട്ടിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഉണ്ട്. എസ്-പ്രെസോ, സെലേറിയോ, വാഗൺ-ആർ എന്നിവയിൽ കമ്പനി ഇതിനകം തന്നെ ഈ ഇൻഫോടെയ്ൻമെന്റ് സിസ്റ്റം നൽകിയിട്ടുണ്ട്. ആപ്പിൾ കാർ പ്ലേ, ആൻഡ്രോയിഡ് ഓട്ടോ, യുഎസ്ബി, ബ്ലൂടൂത്ത്, ഓക്സ് കേബിൾ എന്നിവയെ പിന്തുണയ്ക്കുന്ന ഈ ഇൻഫോടെയ്ൻമെന്റ് സിസ്റ്റം. സ്റ്റിയറിംഗ് വീലും പുനർരൂപകൽപ്പന ചെയ്തിട്ടുണ്ട്. ഇൻഫോടെയ്ൻമെന്റ് സിസ്റ്റത്തിന് സ്റ്റിയറിംഗിൽ തന്നെ ഒരു മൗണ്ടഡ് കൺട്രോൾ ലഭിക്കുന്നു. കമ്പനി ഇപ്പോൾ അതിൽ ആറ് എയർബാഗുകൾ സ്റ്റാൻഡേർഡാക്കി നൽകിയിരിക്കുന്നു.

ഈ ഹാച്ച്ബാക്കിൽ ആന്റി-ലോക്ക് ബ്രേക്കിംഗ് സിസ്റ്റം (ABS) സഹിതം ഇലക്ട്രോണിക് ബ്രേക്ക് ഫോഴ്‌സ് ഡിസ്ട്രിബ്യൂഷൻ (ഇബിഡി), റിവേഴ്‌സ് പാർക്കിംഗ് സെൻസർ എന്നിവ ഉണ്ടാകും. ഇതോടൊപ്പം, ആൾട്ടോ K10-ന് പ്രീ-ടെൻഷനർ, ഫോഴ്‌സ് ലിമിറ്റ് ഫ്രണ്ട് സീറ്റ് ബെൽറ്റ് എന്നിവ ഉണ്ടാകും. സുരക്ഷിതമായ പാർക്കിംഗിനായി റിവേഴ്‌സ് പാർക്കിംഗ് സെൻസറും ഇതിൽ ലഭ്യമാകും. സ്പീഡ് സെൻസിംഗ് ഓട്ടോ ഡോർ ലോക്ക്, ഹൈ സ്പീഡ് അലേർട്ട് എന്നിവയ്‌ക്കൊപ്പം മറ്റ് നിരവധി സുരക്ഷാ സവിശേഷതകളും കാറിൽ നൽകിയിട്ടുണ്ട്. സ്പീഡി ബ്ലൂ, എർത്ത് ഗോൾഡ്, സിസ്ലിംഗ് റെഡ്, സിൽക്കി വൈറ്റ്, സോളിഡ് വൈറ്റ്, ഗ്രാനൈറ്റ് ഗ്രേ തുടങ്ങിയ ആറ് കളർ ഓപ്ഷനുകളിൽ നിങ്ങൾക്ക് ഇത് വാങ്ങാം.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.