മാരുതി വാഗൺആറിന് ജൂണിൽ ഒരുലക്ഷം രൂപ വിലക്കിഴിവ്

മാരുതി സുസുക്കി വാഗൺആറിന് ഈ മാസം 1.05 ലക്ഷം രൂപ വരെ ആനുകൂല്യങ്ങൾ ലഭിക്കും. ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, അപ്‌ഗ്രേഡ് ബോണസ്, സ്‌ക്രാപ്പേജ് ബോണസ്, കോർപ്പറേറ്റ് ഡിസ്‌കൗണ്ട് എന്നിവ ഇതിൽ ഉൾപ്പെടുന്നു.

രാജ്യത്തെ ഒന്നാം നിര വാഹന നി‍ർമ്മാതാക്കളായ മാരുതി സുസുക്കിയുടെ വാഹന ശ്രേണിയിലെ ഏറ്റവും ജനപ്രിയ ഹാച്ച്ബാക്കാണ് വാഗൺആർ. കഴിഞ്ഞ മാസം, അതായത് മെയ് മാസത്തിൽ, ഇതിന്റെ 13,949 യൂണിറ്റുകൾ വിറ്റഴിക്കപ്പെട്ടു. ഇപ്പോൾ ഈ കാറിന്റെ വിൽപ്പന വർദ്ധിപ്പിക്കുന്നതിനായി കമ്പനി ഈ മാസം മികച്ച കിഴിവ് വാഗ്ദാനം ചെയ്തിട്ടുണ്ട്. ജൂണിൽ ഈ കാർ വാങ്ങുമ്പോൾ, നിങ്ങൾക്ക് പരമാവധി 1.05 ലക്ഷം രൂപ വരെ ആനുകൂല്യം ലഭിക്കും. കമ്പനി ഇതിന് ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, അപ്‌ഗ്രേഡ് ബോണസ്, സ്‌ക്രാപ്പേജ് ബോണസ്, കോർപ്പറേറ്റ് ഡിസ്‌കൗണ്ട് എന്നിവ വാഗ്ദാനം ചെയ്യുന്നു. വാഗൺആറിന്റെ എക്‌സ്-ഷോറൂം വില 5.64 ലക്ഷം മുതൽ 7.35 ലക്ഷം രൂപ വരെയാണ്.

ഉപഭോക്താക്കൾക്ക് എക്സ്ചേഞ്ച്, സ്ക്രാപ്പേജ് ബോണസുകളിൽ ഒന്ന് മാത്രമേ ലഭിക്കൂ. ഡ്യുവൽ എയർബാഗുകളുള്ള പഴയ വാഗൺആറിന്റെ പെട്രോൾ-എഎംടി വേരിയന്റിലാണ് മാരുതി ഏറ്റവും ഉയർന്ന കിഴിവ് വാഗ്ദാനം ചെയ്യുന്നത്. 6 എയർബാഗുകളുള്ള പുതിയ വാഗൺആർ എഎംടിയിലും ഡ്യുവൽ എയർബാഗുകളുള്ള പെട്രോൾ-മാനുവൽ, സിഎൻജി വേരിയന്റുകളിലും 40,000 രൂപ ക്യാഷ് ഡിസ്‌കൗണ്ട് ലഭ്യമാകും. 6 എയർബാഗുകളുള്ള പുതിയ വാഗൺആറിന്റെ പെട്രോൾ-മാനുവൽ, എഎംടി വേരിയന്റുകളിൽ ആകെ 95,000 രൂപ വരെ കിഴിവ് വാഗ്ദാനം ചെയ്യുന്നു.

ഡ്യുവൽജെറ്റ് ഡ്യുവൽ വിവിടി സാങ്കേതികവിദ്യയുള്ള 1.0 ലിറ്റർ മൂന്ന് സിലിണ്ടർ പെട്രോൾ, 1.2 ലിറ്റർ നാല് സിലിണ്ടർ പെട്രോൾ എഞ്ചിൻ ആണ് മാരുതി സുസുക്കി വാഗൺ ആറിന്‍റെ ഹൃദയം. 1.0 ലിറ്റർ എഞ്ചിന് ലിറ്ററിന് 25.19 കിലോമീറ്റർ മൈലേജ് അവകാശപ്പെടുന്നു. അതേസമയം സിഎൻജി വേരിയന്റ് (എൽഎക്സ്ഐ, വിഎക്സ്ഐ ട്രിമ്മുകളിൽ ലഭ്യമാണ്) കിലോഗ്രാമിന് 34.05 കിലോമീറ്റർ മൈലേജാണ് വാഗ്ദാനം ചെയ്യുന്നത്. 1.2 ലിറ്റർ കെ-സീരീസ് ഡ്യുവൽജെറ്റ് ഡ്യുവൽ വിവിടി എഞ്ചിന് ലിറ്ററിന് 24.43 കിലോമീറ്റർ (ZXI AGS /ZXI+ AGS ട്രിമ്മുകൾ) ഇന്ധനക്ഷമത അവകാശപ്പെടുന്നു.

മാരുതി സുസുക്കി വാഗൺആറിൽ ലഭ്യമായ സവിശേഷതകളെക്കുറിച്ച് പറയുകയാണെങ്കിൽ, നാവിഗേഷൻ ഉള്ള 7 ഇഞ്ച് സ്മാർട്ട്പ്ലേ സ്റ്റുഡിയോ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ക്ലൗഡ് അധിഷ്ഠിത സേവനം, ഡ്യുവൽ ഫ്രണ്ട് എയർബാഗുകൾ, ഇബിഡി ഉള്ള എബിഎസ്, റിവേഴ്‌സ് പാർക്കിംഗ് സെൻസർ, എഎംടിയിൽ ഹിൽ-ഹോൾഡ് അസിസ്റ്റ്, നാല് സ്പീക്കറുകൾ, മൗണ്ടഡ് കൺട്രോളുകളുള്ള സെമി-ഡിജിറ്റൽ ഇൻസ്ട്രുമെന്റ് ക്ലസ്റ്റർ, സ്റ്റിയറിംഗ് വീൽ എന്നിവ ഇതിലുണ്ട്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.