ലോഞ്ച് നാളെ; ഈ ഇലക്ട്രിക് കാർ ഒരു 'മഹാവിസ്ഫോടനം' സൃഷ്‍ടിക്കും

കൂടുതൽ റേഞ്ചും ADAS സവിശേഷതകളുമുള്ള എംജി വിൻഡ്‌സർ പ്രോ നാളെ ലോഞ്ച് ചെയ്യും. 50.6 kWh ബാറ്ററി പായ്ക്കും V2L സാങ്കേതികവിദ്യയും ഇതിന്‍റെ പ്രത്യേകതകളാണ്.

ഒറ്റ ചാർജിൽ കൂടുതൽ റേഞ്ച് നൽകുന്ന ജെഎസ്ഡബ്ല്യു എംജി വിൻഡ്‌സർ പ്രോ നാളെ ലോഞ്ച് ചെയ്യും. നിലവിലെ എംജി വിൻഡസ്‍റിന്‍റെ ഉയർന്ന ബാറ്ററി പതിപ്പാണ് ഈ കാർ. താഴ്ന്ന ശ്രേണിയിലുള്ള വിൻഡ്‌സറിൽ നിന്ന് വ്യത്യസ്തമായ ഒരു രൂപം ലഭിക്കുന്നതിനായി കമ്പനി വിൻഡ്‌സർ പ്രോയിൽ നിരവധി മാറ്റങ്ങൾ വരുത്തിയിട്ടുണ്ട്. വിൻഡ്‌സർ പ്രോയിൽ, കമ്പനി അലോയ് വീലിന്‍റെ ഡിസൈൻ മാറ്റുകയും ഡയമണ്ട് കട്ട് വീൽ നൽകുകയും ചെയ്തിട്ടുണ്ട്. ഈ വീലുകൾ എംജി ഹെക്ടറിൽ ഉപയോഗിച്ചിരിക്കുന്നവയ്ക്ക് സമാനമാണ്.

സുരക്ഷയുടെ കാര്യത്തിലും പുതിയ വിൻഡ്‌സർ പ്രോ ഒരു മികച്ച കാറായിരിക്കും. ടെയിൽ ലൈറ്റിന് സമീപം ഒരു എഡിഎഎസ് ബാഡ്‍ജ് ഉള്ള ചിത്രങ്ങൾ പുറത്തുവന്നിട്ടുണ്ട്. കമ്പനിയുടെ ഈ കാറിൽ നിങ്ങൾക്ക് അധിക റേഞ്ച് മാത്രമല്ല, അധിക സുരക്ഷയും ലഭിക്കുമെന്ന് ഇതിൽ നിന്ന് വ്യക്തമാണ്. സാധാരണ വിൻഡ്‌സർ ഇവിയിൽ നിലവിൽ ADAS സവിശേഷത ലഭ്യമല്ല. പുതിയ കളർ തീമിൽ വിൻഡ്‌സർ പ്രോ പുറത്തിറക്കുമെന്നാണ് റിപ്പോർട്ടുകൾ. ഇത് പൊതുവായതും പ്രീമിയം ഉപഭോക്താക്കളെയും വ്യത്യസ്തമായി ആകർഷിക്കാൻ സഹായിക്കും.

വിൻഡ്‌സർ പ്രോയിൽ കമ്പനി പുതിയൊരു സാങ്കേതികവിദ്യ കമ്പനി ചേർത്തിട്ടുണ്ട്. അത് നിങ്ങൾക്ക് ഒരു ഇൻവെർട്ടറായും ഉപയോഗിക്കാം. V2L അതായത് വെഹിക്കിൾ 2 ലോഡ് സാങ്കേതികവിദ്യ ഇതിൽ നൽകിയിട്ടുണ്ട്. അതിന്റെ സഹായത്തോടെ, നിങ്ങൾക്ക് ഈ കാറിന്റെ ബാറ്ററി ഉപയോഗിച്ച് മറ്റ് ഉപകരണങ്ങൾക്ക് വൈദ്യുതി വിതരണം ചെയ്യാൻ കഴിയും.

നിലവിൽ വിൻഡ്‌സർ കാറിൽ 38 kWh ബാറ്ററി പായ്ക്കാണ് കമ്പനി നൽകുന്നത്. ഒറ്റ ചാർജിൽ 332 കിലോമീറ്റർ സഞ്ചരിക്കാൻ കഴിയുമെന്ന് കമ്പനി അവകാശപ്പെടുന്നു. കമ്പനിയുടെ 50.6 kWh ബാറ്ററി പായ്ക്കിനൊപ്പം പുതിയ വിൻഡ്‌സർ പ്രോ എത്തുമെന്ന് പ്രതീക്ഷിക്കുന്നു. ഇതിന്റെ അവകാശപ്പെടുന്ന പരിധി 460 കിലോമീറ്റർ വരെയാകാം. എങ്കിലും, ഇതിന്റെ വില തീർച്ചയായും നിലവിലെ സാധാരണ എംജി വിൻഡ്‌സറിനേക്കാൾ കൂടുതലായിരിക്കും.

കഴിഞ്ഞ വർഷം സെപ്റ്റംബറിലാണ് കമ്പനി വിൻഡ്‌സർ ഇവി പുറത്തിറക്കിയത്. ഈ കാറിന്റെ വില 10 ലക്ഷം രൂപയിൽ താഴെയായി നിലനിർത്തിയിട്ടുണ്ട്. കൂടാതെ ബാറ്ററി ആസ് എ സർവീസ് (BaaS) എന്ന ഓപ്ഷനും നൽകിയിട്ടുണ്ട്. അങ്ങനെ ഈ കാർ വളരെപ്പെട്ടെന്ന് വിപണിയിൽ ജനപ്രിയമായി. വിൽപ്പനയുടെ കാര്യത്തിൽ, തുടർച്ചയായി മാസങ്ങളോളം ഒന്നാം നമ്പർ ഇലക്ട്രിക് കാറെന്ന റെക്കോർഡ് ഇത് സ്ഥാപിച്ചു. കൂടാതെ നെക്‌സോൺ, പഞ്ച് എന്നിവയെ പോലും മറികടന്നു. ഇതിന്റെ പ്രതീക്ഷിക്കുന്ന വില 15 ലക്ഷത്തിൽ കൂടുതലാണ് എന്നാണ് റിപ്പോർട്ടുകൾ.