ഇനി കളിമാറും! പുതിയ എസ്‌യുവികളുമായി റെനോ-നിസാൻ കൂട്ടുകെട്ട്

ഇന്ത്യൻ എസ്‌യുവി വിപണിയിൽ മത്സരം കടുപ്പിക്കാൻ റെനോ-നിസാൻ കൂട്ടുകെട്ട് ഒരുങ്ങുന്നു. 2025-ൽ പുതുതലമുറ ഡസ്റ്റർ റെനോ അവതരിപ്പിക്കുമ്പോൾ, 2026-ൽ നിസാൻ തങ്ങളുടെ പുതിയ എസ്‌യുവി പുറത്തിറക്കും. 

ഇന്ത്യയിലെ ഇടത്തരം എസ്‌യുവി വിഭാഗമാണ് നിലവിൽ ലോകത്തിലെ ഏറ്റവും മികച്ചവിൽപ്പന നടക്കുന് വാഹന വിപണികളിൽ ഒന്ന്. ഈ വിഭാഗത്തിൽ നിലവിൽ ഏകദേശം 13 മോഡലുകൾ ലഭ്യമാണ്. അതുകൊണ്ടുതന്നെ കമ്പനികൾക്കിടയിൽ കടുത്ത മത്സരമുണ്ട്. കഴിഞ്ഞദിവസം ടാറ്റ പുതിയ സിയറ പുറത്തിറങ്ങി. വിക്ടോറിസുമായി മാരുതിയും മത്സരത്തിൽ പ്രവേശിച്ചു. ഈ വിഭാഗത്തിലെ നിലവിലെ ചാമ്പ്യൻ ഹ്യുണ്ടായി ക്രെറ്റയാണ്. ഇപ്പോഴിതാ ഈ വിഭാഗത്തിൽ ഇപ്പോൾ ഒരു പ്രധാന മുന്നേറ്റത്തിന് തയ്യാറെടുക്കുകയാണ് റെനോ - നിസാൻ കൂട്ടുകെട്ട്. 2026 ൽ രണ്ട് കമ്പനികളും അവരുടെ പുതിയ ഇടത്തരം എസ്‌യുവികൾ പുറത്തിറക്കാൻ ഒരുങ്ങുകയാണ്. അവരുടെ വരാനിരിക്കുന്ന എസ്‌യുവികളെക്കുറിച്ച് കൂടുതലറിയാം.

റെനോ ഡസ്റ്റർ

2025 ജനുവരി 26 ന് ഇന്ത്യയിൽ പുതുതലമുറ ഡസ്റ്റർ ആദ്യമായി പുറത്തിറക്കുന്നത് റെനോ ആയിരിക്കും. കമ്പനി തീയതിയും ഔദ്യോഗികമായി പ്രഖ്യാപിച്ചു. പുതിയ ഡസ്റ്ററിന്റെ രൂപകൽപ്പന അന്താരാഷ്ട്ര മോഡലിനോട് സാമ്യമുള്ളതായിരിക്കും. ഇന്ത്യയ്ക്ക് അനുയോജ്യമായ ചില മാറ്റങ്ങളോടെ ഇതെത്തും. സിഎൺഎഫ്-ബി പ്ലാറ്റ്‌ഫോമിലാണ് ഈ എസ്‌യുവി നിർമ്മിക്കുന്നത്. വലുപ്പം കൂടുതലായിരിക്കും ഈ എസ്‍യുവിക്ക്. ഇന്ത്യയ്ക്കുള്ള പവർട്രെയിൻ ഓപ്ഷനുകളിൽ 1.3 ലിറ്റർ ടർബോചാർജ്ഡ് പെട്രോൾ എഞ്ചിൻ ഉൾപ്പെടാൻ സാധ്യതയുണ്ട്. മാനുവൽ, സിവിടി ഓട്ടോമാറ്റിക് ട്രാൻസ്മിഷനുകൾ പ്രതീക്ഷിക്കുന്നു.

നിസാൻ മിഡ് സൈസ് എസ്‌യുവി

നിസാൻ കമ്പനി അവരുടെ പുതിയ ഇടത്തരം എസ്‌യുവിയായ ടെക്‌ടൺ ഇന്ത്യയിലേക്ക് കൊണ്ടുവരും. ഡസ്റ്ററിനെപ്പോലെ, ഇത് CMF-B പ്ലാറ്റ്‌ഫോമിലാണ് നിർമ്മിക്കുന്നത്. ബ്രാൻഡിന്റെ വലിയ പട്രോൾ എസ്‌യുവിയിൽ നിന്ന് പ്രചോദനം ഉൾക്കൊണ്ട് നിസ്സാൻ ഇതിനകം തന്നെ അതിന്റെ ഡിസൈൻ ടീസർ ചെയ്തിട്ടുണ്ട്. 2026 ന്റെ ആദ്യ പകുതിയിൽ നിസ്സാൻ ടെക്‌ടൺ പുറത്തിറങ്ങുമെന്ന് പ്രതീക്ഷിക്കുന്നു. ഇതിന്റെ എഞ്ചിൻ ഒരേ 1.3 ലിറ്റർ ടർബോ പെട്രോൾ ആയിരിക്കും. രണ്ട് എസ്‌യുവികളിലും സവിശേഷതകളും സാങ്കേതികവിദ്യയും ഏറെക്കുറെ സമാനമായിരിക്കും.