വമ്പൻ വിൽപ്പനയുമായി ഹ്യുണ്ടായി ഇന്ത്യ

2024 ഏപ്രിൽ മുതൽ ഡിസംബർ വരെ ആഭ്യന്തര വിപണിയിൽ 4,45,116 പാസഞ്ചർ വാഹനങ്ങൾ വിറ്റതായി പ്രഖ്യാപിച്ച് ഹ്യുണ്ടായ് മോട്ടോർ ഇന്ത്യ. ഈ വിൽപ്പനയിൽ ഏറ്റവും വലിയ സംഭാവന നൽകിയത് തങ്ങളുടെ എസ്‌യുവി ശ്രേണിയാണെന്ന് കമ്പനി പറഞ്ഞു.

2024 ഏപ്രിൽ മുതൽ 2024 ഡിസംബർ വരെ ഇന്ത്യൻ ആഭ്യന്തര വിപണിയിൽ 4,45,116 പാസഞ്ചർ വാഹനങ്ങൾ വിറ്റതായി പ്രഖ്യാപിച്ച് ഹ്യുണ്ടായ് മോട്ടോർ ഇന്ത്യ. ഈ വിൽപ്പനയിൽ ഏറ്റവും വലിയ സംഭാവന നൽകിയത് തങ്ങളുടെ എസ്‌യുവി ശ്രേണിയാണെന്ന് കമ്പനി പറഞ്ഞു. ഇതേ കാലയളവിൽ കമ്പനി 1,25,286 യൂണിറ്റുകൾ കയറ്റുമതി ചെയ്തു. മൊത്തം വിൽപ്പന 5,70,402 യൂണിറ്റായി. 

2024-25 സാമ്പത്തിക വർഷത്തിൻ്റെ മൂന്നാം പാദത്തിൽ ഇന്ത്യൻ ആഭ്യന്തര വിപണിയിൽ 1,46,022 യൂണിറ്റുകളുടെ വിൽപ്പനയാണ് ഹ്യൂണ്ടായ് നേടിയത് . ഇക്കാലയളവിൽ സിഎൻജി വാഹനങ്ങളുടെ വിൽപ്പനയിൽ ഗണ്യമായ വർധനയുണ്ടായി. ഹ്യുണ്ടായിയുടെ റിപ്പോർട്ട് അനുസരിച്ച്, ഈ പാദത്തിലെ ആഭ്യന്തര വിൽപ്പനയുടെ 15% സിഎൻജി പോർട്ട്‌ഫോളിയോയിൽ നിന്നാണ് ലഭിച്ചത്. ഇത് 23-24 സാമ്പത്തിക വർഷത്തിലെ 12 ശതമാനം ആയിരുന്നു. ഗ്രാൻഡ് ഐ10 നിയോസ്, ഓറ, എക്‌സ്‌റ്റർ എന്നിവയുടെ സിഎൻജി പതിപ്പുകളാണ് ഹ്യൂണ്ടായ് ഇപ്പോൾ വിൽക്കുന്നത്.

ഗ്രാമീണ വിപണിയിലും കമ്പനി മികച്ച വളർച്ച രേഖപ്പെടുത്തി. 2025 സാമ്പത്തിക വർഷത്തിൻ്റെ മൂന്നാം പാദത്തിൽ വിറ്റ 1.46 ലക്ഷം യൂണിറ്റുകളിൽ 21.2 ശതമാനം യൂണിറ്റ് വിൽപ്പനയും ഗ്രാമീണ മേഖലയിൽ നിന്നാണ്. കഴിഞ്ഞ വർഷം ഇതേ പാദത്തിൽ ഇത് 19.7 ശതമാനം ആയിരുന്നു. ഇന്ത്യയിലെ ഇലക്‌ട്രിക് വാഹനങ്ങളുടെ (ഇവി) ഭാവിയെക്കുറിച്ച് ശുഭാപ്തിവിശ്വാസമുള്ള നിലപാടാണ് ഹ്യുണ്ടായ് സ്വീകരിച്ചിരിക്കുന്നത്. അടുത്തിടെ പുറത്തിറക്കിയ ക്രെറ്റ ഇലക്ട്രിക് ഇന്ത്യൻ ഇവി വിപണിയിൽ വിപ്ലവം സൃഷ്ടിക്കുമെന്ന് കമ്പനി വിശ്വസിക്കുന്നു. ഇതിനുപുറമെ, പ്രാദേശികവൽക്കരണം, ചാർജ്ജിംഗ് ഇൻഫ്രാസ്ട്രക്ചർ തുടങ്ങിയ ശ്രമങ്ങൾ ഉൾപ്പെടുന്ന ഇന്ത്യയിൽ ഇവികൾക്കായി ശക്തമായ ഒരു ഇക്കോസിസ്റ്റം നിർമ്മിക്കുന്നതിൽ ഹ്യുണ്ടായ് ശ്രദ്ധ കേന്ദ്രീകരിക്കുന്നു.

2025 ജനുവരി 17 ന് നടന്ന ഓട്ടോ എക്‌സ്‌പോയിൽ ഹ്യുണ്ടായ് ക്രെറ്റ ഇലക്ട്രിക് അവതരിപ്പിച്ചിരുന്നു . 18 ലക്ഷം രൂപ മുതലാണ് ഇതിൻ്റെ പ്രാരംഭ വില. രണ്ട് ബാറ്ററി പാക്ക് ഓപ്ഷനുകളിൽ ക്രെറ്റ ഇവി ലഭ്യമാണ്. ഇതിൽ ഉപഭോക്താക്കൾക്ക് 42kWh ബാറ്ററി പാക്ക് ലഭിക്കും, ഇത് 390 കിലോമീറ്റർ റേഞ്ച് നൽകുന്നു. അതേ സമയം, രണ്ടാമത്തെ ബാറ്ററി പായ്ക്ക് 51.4kWh ആണ്, ഇത് 473 കിലോമീറ്റർ റേഞ്ച് നൽകുന്നു.  ഡിസി ഫാസ്റ്റ് ചാർജിംഗ് ഉപയോഗിച്ച്, 10% മുതൽ 80% വരെ ചാർജ് ചെയ്യാൻ 58 മിനിറ്റ് മാത്രമേ എടുക്കൂ. എസി ഹോം ചാർജിംഗിൽ, 11 kW സ്മാർട്ട് ചാർജർ ഉപയോഗിച്ച് 10% മുതൽ 100% വരെ ചാർജ് ചെയ്യാൻ നാല് മണിക്കൂർ എടുക്കും.

ഹ്യുണ്ടായ് ക്രെറ്റ ഇലക്ട്രിക്കിൽ ഡിജിറ്റൽ ഡാഷ്‌ബോർഡും ഡ്യുവൽ സ്‌ക്രീൻ സജ്ജീകരണവും (ഇൻഫോടെയ്ൻമെൻ്റും ഇൻസ്ട്രുമെൻ്റ് ക്ലസ്റ്ററും), വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ, പുതിയ ഡ്യുവൽ സ്‌പോക്ക് സ്റ്റിയറിംഗ് വീൽ ഡിസൈൻ, ഇലക്ട്രിക് പനോരമിക് സൺറൂഫ്, ലെവൽ- 2 എഡിഎഎസ് തുടങ്ങിയ ഫീച്ചറുകൾ ഉൾപ്പെടുന്നു.