ടാറ്റ കർവ് എസ്‌യുവി: കാത്തിരിപ്പ് കാലയളവ് വിശദാംശങ്ങൾ

ടാറ്റ മോട്ടോഴ്‌സിന്റെ കർവ് എസ്‌യുവിക്ക് വിപണിയിൽ മികച്ച പ്രതികരണമാണ് ലഭിക്കുന്നത്. കാത്തിരിപ്പ് കാലയളവ് പരമാവധി രണ്ട് മാസമായി കുറച്ചിട്ടുണ്ട്. ഈ മാസത്തെ 20 പ്രധാന നഗരങ്ങളിലെ കാത്തിരിപ്പ് കാലയളവ് ഇവിടെ കാണാം.

ടാറ്റ മോട്ടോഴ്‌സിന് കർവ് കൂപ്പെ എസ്‌യുവിക്ക് മികച്ച പ്രതികരണമാണ് വിപണിയിൽ ലഭിക്കുന്നത്. പ്രതിമാസം ശരാശരി 4500 മുതൽ 5000 യൂണിറ്റുകൾ വരെ വിൽക്കപ്പെടുന്നു. ഇത് അതിന്റെ സെഗ്‌മെന്റിൽ മറ്റ് മോഡലുകളെ പിന്നിലാക്കി. അടുത്തിടെ കമ്പനി കർവ്വിന്‍റെ പുതിയ നൈട്രോ ക്രിംസൺ (കടും ചുവപ്പ്) നിറവും അവതരിപ്പിച്ചിട്ടുണ്ട്. അതേസമയം ഈ വാഹനത്തിനുള്ള ആവശ്യകത വർദ്ധിക്കുമ്പോഴും കമ്പനി കാത്തിരിപ്പ് കാലയളവ് കുറയ്ക്കാൻ ശ്രമിക്കുന്നുണ്ട്. ഈ മാസം ഈ കാറിനായുള്ള പരമാവധി കാത്തിരിപ്പ് സമയം രണ്ട് മാസമാണ്. അത്തരമൊരു സാഹചര്യത്തിൽ, നിങ്ങൾ അത് വാങ്ങാൻ പദ്ധതിയിടുകയാണെങ്കിൽ, രാജ്യത്തെ 20 ജനപ്രിയ നഗരങ്ങളിൽ അതിന്റെ കാത്തിരിപ്പ് കാലയളവ് അറിയാം.

ന്യൂഡൽഹി- 2 മാസം, കൊൽക്കത്ത- ഒരു മാസം, ബാംഗ്ലൂർ-1.5 മാസം, താനെ-2 മാസം, മുംബൈ-2 മാസം, ഹൈദരാബാദ് 1.5 മാസം, ഗാസിയാബാദ്, 2 മാസം, പൂനെ ഒരു മാസം, ചണ്ഡീഗഢ് 2 മാസം, ചെന്നൈ ഒരു മാസം, കോയമ്പത്തൂർ-2 മാസം, ജയ്പൂർ-2 മാസം, പട്‍ന- ഒരു മാസം, അഹമ്മദാബാദ്-ഒരു മാസം, ഫരീദാബാദ്-2 മാസം, ഗുഡ്ഗാവ് 2 മാസം, ഇൻഡോർ 2 മാസം, ലക്‌നൗ-1.5 മാസം, നോയിഡ-2 മാസം, തിരുവനന്തപുരം രണ്ടുമാസം, കൊച്ചി രണ്ടുമാസം.

ശ്രദ്ധിക്കുക,  പുതിയ കാറിനായുള്ള കൃത്യമായ കാത്തിരിപ്പ് സമയം, നിങ്ങൾ തിരഞ്ഞെടുക്കുന്ന വകഭേദത്തിനും നിറത്തിനും ഒപ്പം നിങ്ങളുടെ അടുത്തുള്ള ഡീലർഷിപ്പിൽ ലഭ്യമായ സ്റ്റോക്കിനെയും ആശ്രയിച്ച് വ്യത്യാസപ്പെടാം. കൂടുതൽ വിവരങ്ങൾക്ക്, നിങ്ങൾ ഇഷ്‍ടപ്പെടുന്ന മോഡലിന്റെ അടുത്തുള്ള ഷോറൂമുമായി ബന്ധപ്പെടുക

ടാറ്റ കർവ് എഞ്ചിൻ സ്പെസിഫിക്കേഷനുകൾ, ഫീച്ചറുകൾ
സ്‍മാർട്ട്, പ്യുവർ, ക്രിയേറ്റീവ്, അച്ചീവ് എന്നീ നാല് വകഭേദങ്ങളിലാണ് കർവ് ലഭ്യമാകുന്നത്. ടാറ്റ മോട്ടോഴ്‌സിന്റെ പുതിയ അറ്റ്ലസ് പ്ലാറ്റ്‌ഫോമിലാണ് കർവ് നിർമ്മിച്ചിരിക്കുന്നത്. കർവ് ഇവിയിൽ നിന്ന് ടാറ്റ കർവ് വ്യത്യസ്തമാണ്. തണുത്ത വായു എഞ്ചിനിലേക്ക് കടത്തിവിടാൻ വെന്റുകളുള്ള ഒരു ഫ്രണ്ട് ഗ്രില്ലാണ് കർവിന് നൽകിയിരിക്കുന്നത്. അതേസമയം എയർ ഡാം വ്യത്യസ്തമായി രൂപകൽപ്പന ചെയ്‌തിരിക്കുന്നു. ഇതിനുപുറമെ, 18 ഇഞ്ച് അലോയ് വീലുകളും  നൽകിയിരിക്കുന്നു.

കർവ്വിലെ പവർട്രെയിനിനെക്കുറിച്ച് സംസാരിക്കുകയാണെങ്കിൽ, ടാറ്റ കർവിൽ 3 എഞ്ചിനുകളുടെ ഓപ്ഷൻ ഉപഭോക്താക്കൾക്ക് ലഭിക്കും. ആദ്യത്തേതിൽ 1.2 ലിറ്റർ GDI പെട്രോൾ എഞ്ചിൻ സജ്ജീകരിച്ചിരിക്കുന്നു, അത് പരമാവധി 125 bhp കരുത്തും 225 Nm പീക്ക് ടോർക്കും സൃഷ്ടിക്കാൻ പ്രാപ്തമാണ്. രണ്ടാമത്തേതിൽ 1.2 ലിറ്റർ ടർബോ പെട്രോൾ എഞ്ചിൻ സജ്ജീകരിച്ചിരിക്കുന്നു, അത് പരമാവധി 120 ബിഎച്ച്പി കരുത്തും 170 എൻഎം പീക്ക് ടോർക്കും സൃഷ്ടിക്കാൻ പ്രാപ്തമാണ്. ഇത് കൂടാതെ, കാറിന് 1.5 ലിറ്റർ ഡീസൽ എഞ്ചിനും ലഭിക്കുന്നു, ഇത് പരമാവധി 118 ബിഎച്ച്പി കരുത്തും 260 എൻഎം പരമാവധി ടോർക്കും സൃഷ്ടിക്കാൻ പ്രാപ്തമാണ്. കാറിൽ മാനുവൽ, ഓട്ടോമാറ്റിക് ഗിയർബോക്‌സിൻ്റെ ഓപ്ഷൻ ഉപഭോക്താക്കൾക്ക് ലഭിക്കും.

ഫീച്ചറുകളെക്കുറിച്ച് പറയുകയാണെങ്കിൽ, ടാറ്റ കർവിൻ്റെ ക്യാബിനിൽ ഉപഭോക്താക്കൾക്ക് 12.3 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി, 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, 9 സ്പീക്കർ ജെബിഎൽ സൗണ്ട് സിസ്റ്റം, എയർ പ്യൂരിഫയർ, പനോരമിക് സൺറൂഫ്, മൾട്ടി കളർ ആംബിയൻ്റ് ലൈറ്റിംഗ്, വെൻ്റിലേറ്റഡ് ഫ്രണ്ട് സീറ്റ്, വയർലെസ് ഫോൺ ചാർജർ എന്നിവയും നൽകിയിട്ടുണ്ട്. ഇതുകൂടാതെ, സുരക്ഷയ്ക്കായി 360-ഡിഗ്രി ക്യാമറയും ലെവൽ-2 ADAS സാങ്കേതികവിദ്യയും കാറിൽ നൽകിയിട്ടുണ്ട്. 10 ലക്ഷം മുതൽ 19 ലക്ഷം രൂപ വരെയാണ് ഇന്ത്യൻ വിപണിയിൽ ടാറ്റ കർവിൻ്റെ പ്രാരംഭ എക്‌സ്-ഷോറൂം വില.