16 വാഹനങ്ങളുമായി കിയ മോട്ടോഴ്സ് ഇന്ത്യയിലേക്ക്
Synopsis
ദക്ഷിണ കൊറിയന് വാഹന നിര്മാതാക്കളായ കിയ മോട്ടോഴ്സ് ഇന്ത്യൻ വിപണിയിലേക്ക്. ഇലക്ട്രിക് വാഹനങ്ങളുമായിട്ടാണ് ഹ്യുണ്ടായിയുടെ ഉപസ്ഥാപനമായ കിയയുടെ വരവ്. 16 ഇലക്ട്രിക് വാഹനങ്ങളുമായി 2019ലാണ് ഇന്ത്യൻ വിപണിയിലെയ്ക്ക് ഇവർ എത്തുന്നത്. ഈ വാഹനങ്ങള് 2025-ഓടെ ആഗോളതലത്തില് കൊണ്ടുവരാനാണ് കമ്പനിയുടെ തീരുമാനമെന്നാണ് റിപ്പോര്ട്ടുകള്. 2020-ഓടെ ഫ്യുവല് സെല് ഇലക്ട്രിക് വെഹിക്കിളും കിയ വിപണിയില് എത്തിക്കുമെന്നാണ് റിപ്പോർട്ട്.
കിയ മോട്ടോഴ്സിന്റെ ഭാവി മൊബിലിറ്റി വിഷന് 2018-ലെ ഉപഭോക്തൃ ഇലക്ട്രോണിക്സ് ഷോയിൽ അവതരിപ്പിക്കും. ആന്ധ്രാപ്രദേശിൽ വാഹന നിർമ്മാണ യൂണിറ്റുകൾ ആരംഭിക്കാന് കിയ മോട്ടോഴ്സ് 110 കോടി ഡോളര് പ്രഖ്യാപിച്ചിരുന്നു.
ഈ പ്ലാന്റിൽ പ്രതിവര്ഷം മൂന്നു ലക്ഷം കാറുകള് നിര്മ്മിക്കാനുള്ള ശേഷിയുണ്ട്. കമ്പനി 2019-ന്റെ പകുതിയോടെ ഇന്ത്യന് വിപണിയിലേക്കായി കോംപാക്ട് സെഡാനും കോംപാക്ട് എസ്.യു.വി.യും നിര്മ്മിക്കുമെന്നും റിപ്പോര്ട്ടുകളുണ്ട്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.