വിലകുറഞ്ഞ ആഡംബര എസ്‍യുവിയുടെ വില എത്രയെന്ന് അറിയുമോ?

ജാപ്പനീസ് വാഹനനിര്‍മ്മാതാക്കളായ ടൊയോട്ടയുടെ ആഢംബര ബ്രാന്‍റാണ് ലക്സസ്. ഇപ്പോഴിതാ വില കുറഞ്ഞ ആഢംബര എസ്​.യു.വി പുറത്തിറക്കി ഇന്ത്യൻ വിപണി പിടിക്കാനൊരുങ്ങുകയാണ് ലക്​സസ്​. എൻ.എക്​സ്​ 300 എച്ച്​ എന്ന മോഡലിലുടെ വിപണിയിൽ ആധിപത്യം നേടാനാണ് കമ്പനിയുടെ ശ്രമം.

55.58 ലക്ഷമാണ്​ കാറിന്‍റെ ഇന്ത്യൻ വിപണിയിലെ വില. നിലവിൽ ബുക്കിങ്ങിനുള്ള സൗകര്യമാണ്​ കമ്പനി നൽകുന്നത്​. അടുത്ത വർഷം മാർച്ചിലാണ്​ ഡെലിവറി ആരംഭിക്കുക.

2.5 ലിറ്റർ ഫോർ സിലിണ്ടർ പെട്രോൾ എൻജിനും ഇലക്​ട്രിക്​ മോ​ട്ടോറുമാണ് വാഹനത്തിന്‍റെ ഹൃദയം. രണ്ടുംകൂടി 194 ബി.എച്ച്​.പി കരുത്ത്​ നൽകും. ലക്​സസി​​​ന്‍റെ പരമ്പരാഗത ഗ്രില്‍,​ എൽ.ഇ.ഡി ഹെഡ്​ലാമ്പ്, ഡേ ടൈം ​റണ്ണിങ്​ ലൈറ്റുകള്‍, വീൽ ആർച്ചുകൾ പ്ലാസ്​റ്റിക്​ ക്ലാഡിങ്​ തുടങ്ങിയവ പ്രത്യേകതകളാണ്.

വിശാലമായ അകത്തളങ്ങൾ, ലെതർ അപ്​ഹോളിസ്​റ്ററി, പനോരമിക്​ ഗ്ലാസ്​ റൂഫ്​, വയർലെസ്സ്​ ചാർജിങ്​, 10.3 ഇഞ്ച്​ മൾട്ടി ഇൻഫർമേഷൻ ഡിസ്​പ്ലേ എന്നിവയാണ്​ മറ്റ്​ പ്രത്യേകതകൾ. എട്ട്​ എയർബാഗുകൾ, എ.ബി.എസ്​, ഇ.ബി.ഡി, ഇലക്​​ട്രോണിക്​ പാർക്കിങ്​ ബ്രേക്കുകൾ എന്നിവയാണ് സുരക്ഷ ഒരുക്കുന്നത്. സ്​റൈബിലിറ്റി കണ്ട്രോൾ, ഹിൽ സ്​റ്റാർട്ട്​ അസിസ്​റ്റ്​ എന്നീ സൗകര്യങ്ങളും വാഹനത്തിലുണ്ട്.

ഇക്കോ, നോർമൽ, സ്​പോർട്ട്​, സ്​പോർട്ട്​ പ്ലസ്​, കസ്​റ്റം എന്നിങ്ങനെ വിവിധ മോഡുകളിൽ ലക്​സസ്​ ഡ്രൈവ്​ ചെയ്യാം.  18.32 കിലോ മീറ്ററാണ്​ കമ്പനി വാഗ്ദാനം ചെയ്യുന്ന മൈലേജ്​. ബെൻസ് ജിഎൽഎ, ഓഡി ക്യു3 എന്നിവയാകും വാഹനത്തിന്‍റെ മുഖ്യ എതിരാളികൾ.