പുകവണ്ടികള്‍ക്ക് അധിക നികുതിയുമായി ഒരു രാജ്യം

ലണ്ടൻ: കൂടുതൽ പഴക്കമുള്ള വാഹനങ്ങൾക്ക്​ ലണ്ടൻ അധിക നികുതി ചുമത്തുന്നു. നഗരത്തെ പുക വിഴുങ്ങുന്നത്​ തടയാനാണ് പുതിയ നീക്കം. 2006നുമുമ്പ്​ രജിസ്​റ്റർ ചെയ്​ത, യൂറോ നാല്​ നിബന്ധന പാലിക്കാത്ത പെട്രോൾ, ഡീസൽ വാഹനങ്ങൾക്കാണ്​ പ്രതിദിനം 10 പൗണ്ട്​ എന്ന തോതിൽ നികുതി ചുമത്താൻ തീരുമാനമെന്നാണ് റിപ്പോര്‍ട്ടുകള്‍.

രാവിലെ ഏഴുമുതൽ വൈകീട്ട്​ ആറു വരെ നഗരത്തിലോടുന്നവക്കാണ്​ നിരക്ക്​ ബാധകമാകുക. ഇതോടൊപ്പം, ഗതാഗതക്കുരുക്ക്​ നികുതി 11.5 പൗണ്ട്​ കൂടി ചേർത്ത്​ മൊത്തം 21.50 പൗണ്ട്​ നൽകേണ്ടിവരും. മലിന വായു ശ്വസിച്ച്​ പ്രതിവർഷം 9,500 പേർ മരിക്കുന്നുവെന്നാണ്​ കണക്ക്.

ലണ്ടൻ നഗരത്തി​​ന്‍റെ അന്തരീക്ഷം ശുദ്ധമാക്കാനുള്ള അടിയന്തര നടപടിയാണിതെന്ന്​ ലണ്ടൻ​ മേയർ സാദിഖ്​ ഖാൻ വ്യക്തമാക്കി. നഗരങ്ങൾ നടപടി സ്വീകരിക്കണമെന്ന്​ നേര​ത്തെ ബ്രിട്ടീഷ്​ ഹൈകോടതിയും ഉത്തരവിട്ടിരുന്നു.