നാലു പുതിയ മോഡലുകളുമായി മാരുതി
Synopsis
ഒന്നര വര്ഷത്തിനുള്ളില് നാലു പുതിയ മോഡലുകള് അവതരിപ്പിക്കാന് രാജ്യത്തെ ഏറ്റവും വലിയ വാഹനനിര്മ്മാതാക്കളായ മാരുതി സുസുക്കി തയ്യാറെടുക്കുന്നു. ഫെബ്രുവരിയില് ദില്ലിയില് നടക്കുന്ന ഓട്ടോ എക്സ്പോയില് സ്വിഫ്റ്റിന്റെ പരിഷ്കരിച്ച പതിപ്പ് പുറത്തിറക്കും. ഇതിന്റെ ഓട്ടോ ഗിയര് ഷിഫ്റ്റ് (എജിഎസ്) പതിപ്പും ലഭ്യമാകും.
സിയാസ്, എര്ട്ടിഗ എന്നിവയുടെ പുതുതലമുറ മോഡലുകളും വരും മാസങ്ങളില് വിപണിയിലെത്തും. വാഗണ് ആറിന്റെ പുതിയ പതിപ്പും ഉടന് പുറത്തിറങ്ങാനുണ്ട്. പുതിയ സ്വിഫ്റ്റ് എത്തുന്നതോടെ വില്പ്പന വര്ധിപ്പിക്കാനാകുമെന്നാണ് പ്രതീക്ഷയെന്ന് മാരുതി സുസുക്കി ഇന്ത്യന് സീനിയര് എക്സ്ക്യൂട്ടീവ് ഡയറക്ടര് (മാര്ക്കറ്റിങ് ആന്ഡ് സെയില്സ്) ആര്.എസ്.കല്സി വ്യക്തമാക്കി.
പുതിയ മോഡലുകളുടെ അവതരണത്തിലൂടെ രണ്ടക്ക വളര്ച്ച നിലനിര്ത്താനാണ് കമ്പനി ലക്ഷ്യമിടുന്നത്. നടപ്പുസാമ്പത്തിക വര്ഷം ഏപ്രില്-ഡിസംബര് കാലയളവില് 15.5 ശതമാനം വളര്ച്ചയോടെ 12.26 ലക്ഷം കാറുകളാണ് മാരുതി ഇന്ത്യന് വിപണിയില് വിറ്റഴിച്ചത്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.