വരുന്നൂ, ഏഴു സീറ്റുമായി പുതിയ വാഗണ് ആര്
Synopsis
ഏഴു സീറ്റുമായി പുതിയ വാഗണ് ആര്
ജനപ്രിയവാഹനം വാഗണ് ആറിന്റെ പുതിയ പതിപ്പുമായി മാരുതി സുസുക്കി എത്തുന്നു. ടോള് ബോയ് ഡിസൈനില് മാറ്റമില്ലാതെ നീളം കൂട്ടി ഏഴു സീറ്റിലാവും വാഹനം ഇന്ത്യയിലെത്തുക. 2018 സെപ്തംബര് മാസത്തോടെ വാഹനത്തിന്റെ ഉത്പാദനം ആരംഭിക്കുമെന്നാണ് റിപ്പോര്ട്ട്.
രണ്ടു വര്ഷം മുമ്പ് ഇന്തോനേഷ്യയിലാണ് വാഗണ് ആറിന്റെ ഏഴു സീറ്റര് പതിപ്പിനെ ജപ്പാനീസ് നിര്മ്മാതാക്കള് ആദ്യമായി കാഴ്ചവെച്ചത്. വാഗണ് ആര് R3 എന്ന ഈ വാഹനമാവും ഇന്ത്യയിലെത്തുക. കഴിഞ്ഞ വര്ഷം ജപ്പാനില് പുതിയ വാഗണ് ആര് മാരുതി പുറത്തിറക്കിയിരുന്നു. ഈ വാഹനത്തില് നിന്നും വലിയ മാറ്റങ്ങളോടെയാണ് പുതിയ വാഗണ് ആര് ഇന്ത്യയിലെത്തുകയെന്നും റിപ്പോര്ട്ടുകളുണ്ട്.
ജാപ്പനീസ് മാര്ക്കറ്റിലുള്ള സോളിയോ സെവന് സീറ്റര് സബ് ഫോര് മീറ്റര് എംപിവി ശ്രേണിയിലാണ് സുസുക്കി വിറ്റഴിക്കുന്നത്. 1.2 ലിറ്റര് ഫോര് സിലിണ്ടര് പെട്രോള് എന്ജിന് 90 ബിഎച്ച്പി പവറും 118 എന്എം ടോര്ക്കുമാണ് നല്കുക. 5 സ്പീഡ് എ.എം.ടി.യാണ് ട്രാന്സ്മിഷന്. ഇന്ത്യയിലെത്തുമ്പോള് പെട്രോളും ഡീസല് പതിപ്പും പരിഗണിക്കാനാണ് സാധ്യത. മാരുതി നിരയില് എര്ട്ടിഗയ്ക്കും എക്കോയ്ക്കും ഇടയിലാകും പുതിയ വാഗണ് ആറിന്റെ സ്ഥാനം.
2017 സെപ്തംബറില് വാഗണ് ആറിന്റെ വില്പ്പന 20 ലക്ഷം പിന്നിട്ടിരുന്നു. ഇന്ത്യയില് ഈ നേട്ടം സ്വന്തമാക്കുന്ന നാലാമത്തെ കാര് മോഡലാണ് വാഗണ് ആര്. മാരുതിയുടെ തന്നെ ഓംനി, 800, അള്ട്ടോ തുടങ്ങിയവയാണ് ഈ നേട്ടം സ്വന്തമാക്കിയത്. 1999ലാണ് മാരുതി സുസുക്കി ടോള് ബോയി വിഭാഗത്തില് വാഗണ് ആറിനെ നിരത്തിലിറക്കുന്നത്.
ഏറ്റവും പുതിയ Automobile News, ഏറ്റവും പുതിയ Newly launched cars reviews in Malayalam തുടങ്ങിയവ മലയാളത്തിൽ അറിയാൻ Asianet News Malayalam. കാറുകൾ, ബൈക്കുകൾ, ഇലക്ട്രിക് വാഹനങ്ങൾ, ഓട്ടോ ടെക്നോളജി തുടങ്ങിയ മേഖലകളിലെ പുതിയ ട്രെൻഡുകളും അപ്ഡേറ്റുകളും ഒരൊറ്റ ക്ലിക്കിൽ.