1.68 ലക്ഷം രൂപ എക്സ്-ഷോറൂം വിലയിലാണ് കൊമാകി ഇലക്ട്രിക് വെഹിക്കിൾസ് രാജ്യത്തെ ആദ്യത്തെ ഇലക്ട്രിക് ക്രൂയിസർ ബൈക്കായ റേഞ്ചറിനെ ഔദ്യോഗികമായി പുറത്തിറക്കിയയത്
ഇന്ത്യയിലെ ആദ്യത്തെ ഇലക്ട്രിക് ക്രൂയിസർ ബൈക്കായ റേഞ്ചർ പുറത്തിറക്കി കൊമാകി ഇലക്ട്രിക് വെഹിക്കിൾസ്. 1.68 ലക്ഷം രൂപ എക്സ്-ഷോറൂം വിലയിലാണ് കൊമാകി ഇലക്ട്രിക് വെഹിക്കിൾസ് രാജ്യത്തെ ആദ്യത്തെ ഇലക്ട്രിക് ക്രൂയിസർ ബൈക്കായ റേഞ്ചറിനെ എല്ലാ ആക്‌സസറികളും ഉൾപ്പെടുത്തി ഔദ്യോഗികമായി പുറത്തിറക്കിയതെന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. ജനുവരി 26 മുതൽ കമ്പനിയുടെ എല്ലാ ഡീലർഷിപ്പുകളിലും ഇലക്ട്രിക് ബൈക്ക് ലഭ്യമാകും. ഗാർനെറ്റ് റെഡ്, ഡീപ് ബ്ലൂ, ജെറ്റ് ബ്ലാക്ക് എന്നിങ്ങനെ മൂന്ന് വ്യത്യസ്ത നിറങ്ങളിൽ ഇത് ലഭിക്കും.
കൊമാകി റേഞ്ചർ വലിയ ഗ്രോസർ വീലുകളും ക്രോം എക്സ്റ്റീരിയറുകളുമോടെയാണ് എത്തുന്നത്. ഒരു സാധാരണ ക്രൂയിസർ ഡിസൈൻ ആണ് വാഹനത്തിന്. ഇരട്ട ക്രോം അലങ്കരിച്ച വൃത്താകൃതിയിലുള്ള ഓക്സിലറി ലാമ്പുകൾക്കൊപ്പം തിളങ്ങുന്ന ക്രോം അലങ്കരിച്ച റെട്രോ-തീം റൗണ്ട് എൽഇഡി ഹെഡ്‌ലാമ്പുകളും മോട്ടോർസൈക്കിളിന് ലഭിക്കുന്നു. ഹെഡ്‌ലാമ്പിന് റെട്രോ തീം സൈഡ് ഇൻഡിക്കേറ്ററുകൾ ഉണ്ട്. സാധാരണ ക്രൂയിസർ ഡിസൈനിലാണ് കൊമാകി റേഞ്ചർ എത്തുന്നത്. ഒറ്റ നോട്ടത്തിൽ ബജാജ് അവഞ്ചറിന്റെ ചെറുതായി പരിഷ്‍കരിച്ച പതിപ്പ് പോലെ തോന്നും. എങ്കിലും, വ്യതിരിക്തമായ ഡിസൈൻ ഘടകങ്ങൾ എളുപ്പത്തിൽ ദൃശ്യമാകും. മോട്ടോർസൈക്കിളിന് തിളങ്ങുന്ന ക്രോം അലങ്കരിച്ച റെട്രോ-തീം റൗണ്ട് എൽഇഡി ഹെഡ്‌ലാമ്പ് ലഭിക്കുന്നു. ഇരട്ട ക്രോം അലങ്കരിച്ച വൃത്താകൃതിയിലുള്ള ഓക്സിലറി ലാമ്പുകൾ ഇതിനോടൊപ്പമുണ്ട്. ഹെഡ്‌ലാമ്പിന് റെട്രോ തീം സൈഡ് ഇൻഡിക്കേറ്ററുകൾ ഉണ്ട്.
കൂടാതെ, മോട്ടോർബൈക്കിന്‍റെ റേക്ക്ഡ് വൈഡ് ഹാൻഡിൽബാറുകൾ, സിംഗിൾ-പോഡ് ഇൻസ്ട്രുമെന്റ് ക്ലസ്റ്റർ, ഫ്യൂവൽ ടാങ്കിൽ തിളങ്ങുന്ന ക്രോം ട്രീറ്റ്‌മെന്റ് ഡിസ്‌പ്ലേ എന്നിവയും അതിനെ വ്യത്യസ്‍തമാക്കുന്ന ചില ഡിസൈൻ ഘടകങ്ങളാണ്. റേഞ്ചറിലെ റൈഡർ സീറ്റ് താഴ്ന്നതാണ്, അതേസമയം പിൻഭാഗത്തിന് ബാക്ക്‌റെസ്റ്റ് ലഭിക്കുന്നു, ഇത് സുഖപ്രദമായ റൈഡിംഗ് അനുഭവം ഉറപ്പാക്കുന്നുവെന്ന് കമ്പനി പറയുന്നു. ദീർഘദൂര റൈഡിംഗ് ശേഷിയിൽ ശ്രദ്ധ കേന്ദ്രീകരിച്ചാണ് മോട്ടോർസൈക്കിൾ വികസിപ്പിച്ചതെന്ന് ഇരുവശത്തുമുള്ള ഹാർഡ് പാനിയറുകൾ സൂചിപ്പിക്കുന്നു. ലെഗ് ഗാർഡുകൾ, ഫോക്സ് എക്‌സ്‌ഹോസ്റ്റ്, ബ്ലാക്ക് അലോയ് വീലുകൾ എന്നിവയാണ് മറ്റ് ഡിസൈൻ ഘടകങ്ങൾ.
ഈ ഇലക്ട്രിക് ക്രൂയിസർ ബൈക്കിൽ 4,000-വാട്ട് മോട്ടോർ 4 kW ബാറ്ററി പായ്ക്ക് സംയോജിപ്പിച്ചിരിക്കുന്നു. ഇത് രാജ്യത്തെ ഇരുചക്ര വാഹനങ്ങളിലെ ഏറ്റവും വലിയ ബാറ്ററിയാണ്. പവർ യൂണിറ്റ് 180-220 കിലോമീറ്റർ ഒറ്റ ചാർജ് പരിധി വാഗ്ദാനം ചെയ്യുന്നു. ബ്ലൂടൂത്ത് സൗണ്ട് സിസ്റ്റം, സൈഡ് സ്റ്റാൻഡ് സെൻസർ, ക്രൂയിസ് കൺട്രോൾ ഫീച്ചർ, ആന്റി തെഫ്റ്റ് ലോക്ക് സിസ്റ്റം, ഡ്യുവൽ സ്റ്റോറേജ് ബോക്സ് എന്നിവ റേഞ്ചറിൽ കോമാകി സജ്ജീകരിച്ചിട്ടുണ്ട്.
റേഞ്ചറിനൊപ്പം വെനീസ് ഇലക്ട്രിക് സ്‌കൂട്ടറും കൊമാക്കി പുറത്തിറക്കി.ഇലക്ട്രിക് സ്‌കൂട്ടറിന്റെ ആകർഷണീയമായ രൂപവും സുഖസൗകര്യങ്ങളും കൂടിച്ചേർന്നതാണ്. 3kw മോട്ടോറും 2.9kw ബാറ്ററി പാക്കും സജ്ജീകരിച്ചിരിക്കുന്നു. ഒമ്പത് വ്യത്യസ്ത കളർ ഓപ്ഷനുകളിൽ ഇത് വിപണിയിൽ എത്തും. സെൽഫ് ഡയഗ്നോസിസ് സിസ്റ്റം, മൊബൈൽ ചാർജിംഗ് പോയിന്റ്, റിവേഴ്സ് അസിസ്റ്റ്, അധിക സ്റ്റോറേജ് ബോക്സ്, ഫുൾ ബോഡി ഗാർഡ് എന്നിവ സജ്ജീകരിച്ചിട്ടാണ് സ്കൂട്ടർ വരുന്നത്.
ദില്ലി ആസ്ഥാനമായുള്ള ഇവി നിർമ്മാതാക്കളായായ കൊമാകി ഏകദേശം 30,000 രൂപ മുതൽ ഒരു ലക്ഷം വരെയുള്ള എക്‌സ്‌ഷോറൂം വിലയുള്ള മറ്റ് നിരവധി ഇലക്ട്രിക് സ്‌കൂട്ടറുകളും ബൈക്കുകളും വാഗ്ദാനം ചെയ്യുന്നുണ്ട്. ഇന്ത്യൻ ഇലക്ട്രിക് ഇരുചക്ര വാഹന വിപണിയിൽ നിലവിൽ ഇലക്ട്രിക് സ്‌കൂട്ടറുകളാണ് ഭരിക്കുന്നത്. ഇലക്ട്രിക് മോട്ടോർസൈക്കിളുകളുടെ എണ്ണം വളരെ കുറവാണ്. എങ്കിലും, ഈ ഇലക്ട്രിക് ക്രൂയിസർ മോട്ടോർസൈക്കിൾ വിപണിയിൽ ഇവികളുടെ ആകർഷണം വർദ്ധിപ്പിക്കുമെന്ന് പ്രതീക്ഷിക്കുന്നു.