ഹീറോ സൂം 160 ബുക്കിംഗ് ആരംഭിച്ചു; ഡെലിവറി ഉടൻ

ഹീറോ മോട്ടോകോർപ്പ് പുതിയ സൂം 160 സ്‍കൂട്ടറിനുള്ള ബുക്കിംഗ് ആരംഭിച്ചു. ഓഗസ്റ്റ് അവസാനത്തോടെ ഡെലിവറികൾ ആരംഭിക്കുമെന്ന് പ്രതീക്ഷിക്കുന്നു. 156 സിസി എഞ്ചിനും ആകർഷകമായ ഡിസൈനുമാണ് ഈ സ്‍കൂട്ടറിന്റെ പ്രത്യേകത.

ഹീറോ മോട്ടോകോർപ്പ് പുതിയ സൂം 160 സ്‍കൂട്ടറിനുള്ള ബുക്കിംഗ് ആരംഭിച്ചു. ഈ അഡ്വഞ്ചർ-സ്റ്റൈൽ മാക്സി-സ്‍കൂട്ടർ ഈ വർഷം ആദ്യം 1.49 ലക്ഷം രൂപ എക്സ്-ഷോറൂം വിലയിൽ ലോഞ്ച് ചെയ്തിരുന്നു. ലോഞ്ച് ചെയ്ത ഉടൻ തന്നെ സ്‍കൂട്ടർ ഷോറൂമുകളിൽ എത്തുമെന്ന് കരുതിയിരുന്നെങ്കിലും ചില തടസങ്ങൾ കാരണം വൈകി. ഇപ്പോൾ ഈ സ്‍കൂട്ടർ ഒടുവിൽ ഷോറൂമുകളിൽ എത്താൻ തയ്യാറായി എന്നാണ് പുതിയ റിപ്പോർട്ടുകൾ. ഓഗസ്റ്റ് അവസാനത്തോടെ ഡെലിവറികൾ ആരംഭിക്കുമെന്ന് പ്രതീക്ഷിക്കുന്നു.

ഹീറോ സൂം 160 ന്റെ ഡെലിവറികൾ ഏപ്രിലിൽ ആരംഭിക്കേണ്ടതായിരുന്നു. എന്നാൽ ഡീലർമാർക്ക് മാക്സി സ്‍കൂട്ടറിന്റെ സ്റ്റോക്ക് ലഭിച്ചില്ല, ബുക്കിംഗുകളും നിർത്തിവച്ചു. പുതിയ സൂം 160 നെക്കുറിച്ചുള്ള പരിശീലനം കമ്പനി ജീവനക്കാർക്ക് പൂർത്തിയാക്കിയതായി റിപ്പോർട്ടുകൾ പറയുന്നു. ആദ്യ ബാച്ച് സ്‍കൂട്ടറുകളുടെ ഡെലിവറിക്ക് ശേഷം ഹീറോ സൂം 160 ന്റെ ബുക്കിംഗും ഉടൻ ആരംഭിക്കും എന്നാണ് പുതിയ റിപ്പോർട്ടുകൾ.

ഹീറോ സൂം 160-ൽ 156 സിസി, ലിക്വിഡ്-കൂൾഡ് സിംഗിൾ-സിലിണ്ടർ എഞ്ചിൻ ഉണ്ട്. ഇത് 14.6 ബിഎച്ച്പിയും 14 എൻഎം ടോർക്കും ഉത്പാദിപ്പിക്കുന്നു. ഇതിന് സിവിടി ഗിയർബോക്സ് ലഭിക്കുന്നു. ഇത് 14.6 ബിഎച്ച്പിയും 14 എൻഎം ടോർക്കും ഉത്പാദിപ്പിക്കുന്നു. ലിക്വിഡ്-കൂൾഡ് എഞ്ചിൻ സജ്ജീകരിച്ചിരിക്കുന്ന യമഹ എയറോക്സ് 155-നോട് നേരിട്ട് മത്സരിക്കുന്ന ഹീറോ സൂം 160 ആണ്. 14 ഇഞ്ച് വീലുകളിലാണ് സ്‍കൂട്ടർ പ്രവർത്തിക്കുന്നത്. സൂം 160-ന്റെ പ്രത്യേകത അതിന്റെ സ്റ്റൈലിംഗും എഞ്ചിനുമാണ്.

നിലവിൽ വിപണിയിൽ ലഭ്യമായ നിരവധി സ്‍കൂട്ടറുകളിൽ നിന്ന് ഈ സ്‍കൂട്ടറിനെ വേറിട്ടു നിർത്തുന്നത് അതിന്റെ രൂപകൽപ്പനയാണ്. ഇരട്ട എൽഇഡി ഹെഡ്‌ലൈറ്റുകൾ മുതൽ വലിയ ഫ്രണ്ട് ആപ്രോൺ, കട്ടുകളും ക്രീസുകളുമുള്ള സ്റ്റൈലിഷ് സൈഡ് പാനലുകൾ വരെ, സൂം 160 ആകർഷകമാണ്. ഫീച്ചറുകളെക്കുറിച്ച് പറയുകയാണെങ്കിൽ, എൽഇഡി ലൈറ്റിംഗ്, സ്മാർട്ട് കീ, ഡിജിറ്റൽ ഇൻസ്ട്രുമെന്റ് കൺസോൾ, റിമോട്ട് കീ ഇഗ്നിഷൻ തുടങ്ങിയ സവിശേഷതകൾ ഇതിലുണ്ട്.