സ്ക്രാം 411 ന്‍റെ പരീക്ഷണയോട്ടം റോയല്‍ എന്‍ഫീല്‍ഡ് തുടരുന്നു. വാഹനം 2022 ഫെബ്രുവരയില്‍ നിരത്തുകളില്‍ എത്തിയേക്കും
അഡ്വഞ്ചര്‍ ടൂറര്‍ മോഡലായ ഹിമാലയനെ (Royal Enfield Himalayan) അടിസ്ഥാനമാക്കിയുള്ള പുതിയ മോട്ടോർ സൈക്കിളിന്റെ പണിപ്പുരയിലാണ് ഐക്കണിക്ക് ഇന്ത്യന്‍ ഇരുചക്ര വാഹന ബ്രാന്‍ഡായ റോയൽ എൻഫീൽഡ് (Royal Enfield). നിലവില്‍ സ്ക്രാം 411 (Scram 411) എന്ന് വിളിക്കപ്പെടുന്ന ഈ മോഡല്‍ 2022 ഫെബ്രുവരിയിൽ വിപണിയില്‍ അവതരിപ്പിക്കപ്പെടുമെന്ന് പ്രതീക്ഷിക്കുന്നു. റോയൽ എൻഫീൽഡ് അടുത്ത വർഷം പുറത്തിറക്കുന്ന ആദ്യത്തെ മോട്ടോർസൈക്കിള്‍ ആയിരിക്കും സ്ക്രാം എന്നും റിപ്പോര്‍ട്ടുകള്‍ ഉണ്ട്.
സ്‌ക്രാമിന്റെ പരീക്ഷണയോട്ടം നിലവിൽ രാജ്യത്ത് നടക്കുകയാണ്. അതിനാൽ, ഇത് കുറച്ച് തവണ റോഡുകളില്‍ കണ്ടെത്തിയിരുന്നു. വീണ്ടും വാഹനത്തിന്‍റെ പരീക്ഷണയോട്ട വീഡിയോ പുറത്തുവന്നതായി കാര്‍ ടോഖ് റിപ്പോര്‍ട്ട് ചെയ്യുന്നു. പുതിയ വീഡിയോയില്‍ സ്ക്രാം നിർമ്മാണത്തിന് തയ്യാറാണെന്ന് കാണാൻ കഴിയും. ചുവപ്പും കറുപ്പും ഉള്ള പ്രൊഡക്ഷൻ-സ്പെക്ക് പെയിന്റ് സ്‍കീമിലാണ് വാഹനം പൂർത്തിയാക്കിയിരിക്കുന്നത്. അതേസമയം ഇതാദ്യമായല്ല ഈ പെയിന്റ് സ്‍കീം പരീക്ഷണയോട്ടത്തിനിടെ കാണുന്നത്.
വരുന്നൂ മോഹവിലയില്‍ പുത്തന്‍ ബുള്ളറ്റ്, ആകാംക്ഷയില്‍ വാഹനലോകം
വീഡിയോയിൽ, ഹിമാലയനിൽ നിന്നുള്ള ഭൂരിഭാഗം ഭാഗങ്ങളും ഉപയോഗിച്ച് ഉരുത്തിരിഞ്ഞതാണ് സ്ക്രാം എന്ന് കാണാൻ കഴിയും. മുന്‍ ചക്രങ്ങള്‍ക്ക് 18 ഇഞ്ച് അല്ലെങ്കിൽ 19 ഇഞ്ച് വലിപ്പമുണ്ടാകുമെന്ന് പ്രതീക്ഷിക്കുന്നു. ഇത് ഒരു സാഹസിക ടൂറർ ആയി തോന്നാതിരിക്കാൻ മോട്ടോർസൈക്കിളിനെ സഹായിക്കും. പിൻ ടയറിന് അതേ വലിപ്പം അതായത് 17 ഇഞ്ച് ആയിരിക്കും പ്രതീക്ഷിക്കുന്നത്. ഇത് ഇപ്പോഴും സ്പോക്ക്ഡ് റിമ്മുകളിൽ പ്രവർത്തിക്കുന്നു, അതായത് ട്യൂബ് ലെസ് ടയറുകൾ ഉണ്ടാകില്ല.
മുമ്പത്തെ പരീക്ഷണയോട്ടങ്ങളില്‍, ഫോർക്ക് ഗെയ്‌റ്ററുകൾ ഉണ്ടായിരുന്നില്ല. പക്ഷേ പ്രൊഡക്ഷൻ-സ്പെക്ക് സ്ക്രാം 411 ഫോർക്ക് ഗെയ്‌റ്ററുകളോടൊപ്പം വരുമെന്ന് പ്രതീക്ഷിക്കുന്നു. ഒരുപക്ഷേ റോയൽ എൻഫീൽഡ് അവ യഥാർത്ഥ ആക്‌സസറികളായി നൽകിയേക്കാം. കാണാൻ കഴിയുന്ന മറ്റൊരു മാറ്റം, വിൻഡ്‌ഷീൽഡ് ഇപ്പോൾ ഇല്ലാതായിരിക്കുന്നു എന്നതാണ്. സാഹസിക ബൈക്കുകളില്‍ സാധാരണയായി കാണുന്ന പോലെയുള്ള മുൻ മഡ്‍ഗാർഡില്ല. പകരം, ഇപ്പോൾ ഒരു പരമ്പരാഗത മഡ്‍ഗാർഡ് ലഭിക്കുന്നു.
പുത്തന്‍ ഹിമാലയനുമായി റോയല്‍ എന്‍ഫീല്‍ഡ്, പേര് സ്ക്രാം 411
പുതിയതായി തോന്നുന്നതാണഅ ഇന്ധന ടാങ്ക്. ജെറി ക്യാനുകൾ ഘടിപ്പിക്കാൻ ഉപയോഗിച്ചിരുന്ന ഫ്രെയിമൊന്നും ഇന്ധന ടാങ്കിൽ ഘടിപ്പിച്ചിട്ടില്ല. ഫ്രെയിമിന് പകരം ടാങ്ക് കവറുകൾ സ്ഥാപിച്ചു. പിന്നിലേക്ക് വരുമ്പോള്‍, ഹിമാലയനിൽ നിന്ന് ടെയിൽ ലാമ്പ് മുന്നോട്ട് കൊണ്ടുപോകുമെന്ന് തോന്നുന്നു, പക്ഷേ ടേൺ ഇൻഡിക്കേറ്ററുകൾ പിൻ മഡ്‍ഗാർഡിൽ ഘടിപ്പിക്കും. ഇനി ഹിമാലയൻ ഡെക്കലുകളും ഉണ്ടാകില്ല. 2021 ഹിമാലയനിൽ റോയൽ എൻഫീൽഡ് അവതരിപ്പിച്ച പിൻ ലഗേജ് റാക്കിനൊപ്പം ഇത് വരുന്നില്ല. എല്ലാ ഡിസൈൻ മാറ്റങ്ങളും കാരണം, സ്ക്രാം ഹിമാലയനേക്കാൾ വൃത്തിയുള്ളതായി തോന്നുന്നു. നിലവിൽ റോയൽ എൻഫീൽഡ് വാഗ്ദാനം ചെയ്യുന്ന ചില ആക്‌സസറികളുമായി സ്ക്രാം പൊരുത്തപ്പെടുമെന്ന് പ്രതീക്ഷിക്കാം.
ബ്രേക്കിംഗും സസ്പെൻഷൻ ഹാർഡ്‌വെയറും നിലവിലെ ഹിമാലയനിൽ നിന്ന് മുന്നോട്ട് കൊണ്ടുപോകും. അതിനാൽ, ഫ്രണ്ട് ഡിസ്‍ക് ബ്രേക്ക് 300 എംഎം ഉണ്ടാകും. പിന്നിലെ ഡിസ്‍ക് 240 എംഎം ഉണ്ടാകും. സ്റ്റാൻഡേർഡായി ഡ്യുവൽ-ചാനൽ ആന്റി-ലോക്ക് ബ്രേക്കിംഗ് സിസ്റ്റം ഉണ്ടാകും. റോയൽ എൻഫീൽഡ് സ്വിച്ച് ചെയ്യാവുന്ന എബിഎസ് വാഗ്ദാനം ചെയ്തേക്കാം, എന്നാൽ ഇത് ഇതുവരെ സ്ഥിരീകരിച്ചിട്ടില്ല. 41 എംഎം ഫ്രണ്ട് ടെലിസ്‌കോപിക് ഫോർക്കുകളും പിന്നിൽ ഒരു മോണോ-ഷോക്കും സസ്പെൻഷൻ ചുമതലകൾ നിർവഹിക്കും.
ഇപ്പോഴുള്ള ഹിമാലയൻ എഞ്ചിനും സമാനമായിരിക്കും. ഇത് 411 സിസി, സിംഗിൾ സിലിണ്ടർ, എയർ-ഓയിൽ കൂൾഡ് യൂണിറ്റ് ആയിരിക്കും. അത് പരമാവധി 24.3 bhp കരുത്തും 32 എന്‍എം പീക്ക് ടോർക്കും ഉൽപ്പാദിപ്പിക്കും. ഇത് അഞ്ച് സ്‍പീഡ് ഗിയർബോക്സുമായി ഘടിപ്പിച്ചിരിക്കുന്നു. എക്‌സ്‌ഹോസ്റ്റ് ഡിസൈനും ഹിമാലയന് സമാനമാണ്. അതിനാൽ, ഇത് ഒരു ഉയർന്ന എക്‌സ്‌ഹോസ്റ്റാണ്. ഹിമാലയനെ അപേക്ഷിച്ച് സ്ക്രാം 411-ൽ കുറച്ച് ഭാരം കുറയ്ക്കാൻ റോയൽ എൻഫീൽഡിന് കഴിയുമെന്ന് പ്രതീക്ഷിക്കുന്നതായും റിപ്പോര്‍ട്ടുകള്‍ ഉണ്ട്.