ബി.എസ്.സി നഴ്‌സിംഗ്, അലൈഡ് ഹെൽത്ത് സയൻസ് ഡിഗ്രി പ്രവേശനം; ഓൺലൈൻ സ്‌പെഷ്യൽ അലോട്ട്‌മെന്റ് 23ന്

2025-26 അധ്യയന വർഷത്തെ ബി.എസ്.സി നഴ്‌സിംഗ്, അലൈഡ് ഹെൽത്ത് സയൻസ് കോഴ്‌സുകളിലേക്കുള്ള സ്പെഷ്യൽ അലോട്ട്‌മെന്റ് ഒക്ടോബർ 23-ന് നടക്കും. അലോട്ട്മെന്റ് ലഭിക്കുന്നവർ 25-നകം കോളേജുകളിൽ പ്രവേശനം നേടേണ്ടതാണ്.

തിരുവനന്തപുരം: 2025-26 അധ്യയന വർഷത്തെ ബി.എസ്.സി നഴ്‌സിംഗ് കോഴ്‌സിനും പുതിയതായി ഉൾപ്പെടുത്തിയ അലൈഡ് ഹെൽത്ത് സയൻസ് ഡിഗ്രി പ്രവേശനത്തിനുമുള്ള ഓൺലൈൻ സ്‌പെഷ്യൽ അലോട്ട്‌മെന്റ് ഒക്‌ടോബർ 23ന് നടക്കും. www.lbscentre.kerala.gov.in ൽ പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ ഉൾപ്പെട്ട അപേക്ഷകർ 21 മുതൽ 22 വരെ ഓൺലൈനായി പുതിയ കോഴ്‌സ്/കോളേജ് ഓപ്ഷനുകൾ സമർപ്പിക്കണം. മുൻപ് സമർപ്പിച്ച ഓപ്ഷനുകൾ പരിഗണിക്കില്ല. 

അലോട്ട്‌മെന്റ് ലഭിക്കുന്നവർ ഫീസ് അടച്ച് അതത് കോളേജുകളിൽ 25 നകം പ്രവേശനം നേടണം. മുൻ അലോട്ട്‌മെന്റുകൾ വഴി പ്രവേശനം നേടിയവർക്ക് ഈ അലോട്ട്‌മെന്റിൽ പങ്കെടുക്കുന്നതിന് പുതിയ തീയതിയിലുള്ള നിരാക്ഷേപപത്രം ആവശ്യമാണ്. കൂടുതൽ വിവരങ്ങൾക്ക്: www.lbscentre.kerala.gov.in, 0471-2560361, 362, 363, 364.