ഉദ്യോഗാര്‍ത്ഥികള്‍ക്ക് സുവര്‍ണാവസരം; സ്റ്റാഫ് സെലക്ഷൻ കമ്മീഷൻ 1324 തസ്തികകളിലേക്ക് അപേക്ഷ ക്ഷണിച്ചു

ഡൽഹി പോലീസിൽ  സബ് - ഇൻസ്പെക്ടർ,  കേന്ദ്ര സായുധ പോലീസ് സേനാ പരീക്ഷ, 2023 എന്നിവയിലേക്ക് അപേക്ഷ സമർപ്പിക്കാനുള്ള അവസാന തീയതി 2023 ആഗസ്റ്റ് 15  ആണ്. 

തിരുവനന്തപുരം: ഡൽഹി പോലീസിൽ  സബ്-ഇൻസ്പെക്ടർ, കേന്ദ്ര സായുധ പോലീസ് സേന പരീക്ഷ 2023,  ജൂനിയർ എഞ്ചിനീയർ (സിവിൽ, മെക്കാനിക്കൽ & ഇലക്ട്രിക്കൽ) പരീക്ഷ 2023, തുടങ്ങിയ 1324  തസ്തികകളിലേക്ക്  സ്റ്റാഫ് സെലക്ഷൻ കമ്മീഷൻ  അപേക്ഷ ക്ഷണിച്ചു. 

ഡൽഹി പോലീസിൽ  സബ് - ഇൻസ്പെക്ടർ,  കേന്ദ്ര സായുധ പോലീസ് സേനാ പരീക്ഷ, 2023 എന്നിവയിലേക്ക് അപേക്ഷ സമർപ്പിക്കാനുള്ള അവസാന തീയതി 2023 ആഗസ്റ്റ് 15  ആണ്. ജൂനിയർ എഞ്ചിനീയർ (സിവിൽ, മെക്കാനിക്കൽ & ഇലക്ട്രിക്കൽ) പരീക്ഷയ്ക്ക് 2023 ആഗസ്റ്റ് 16 ന് മുമ്പ്  അപേക്ഷ സമർപ്പിക്കണം. പട്ടികജാതി, പട്ടികവര്‍ഗ വിഭാ​ഗങ്ങൾക്കും വിമുക്ത ഭ‌ടൻമാർ, വനിതകൾ എന്നിവർക്കും അപേക്ഷാ ഫീസില്ല.  https://ssc.nic.in എന്ന വെബ്‌സൈറ്റിൽ ഓൺലൈനായാണ് അപേക്ഷ സമർപ്പിക്കേണ്ടത്. പരീക്ഷ സംബന്ധിച്ച മറ്റ് വിശദാംശങ്ങൾ www.ssckkr.kar.nic.in, https://ssc.nic.in തു‌ടങ്ങിയ വെബ്‌സൈറ്റുകളിൽ ലഭ്യമാണ്.

ഏഷ്യാനെറ്റ് ന്യൂസ് ലൈവ് യുട്യൂബില്‍ കാണാം...