ITBP Recruitment 2022 : ഐടിബിപി റിക്രൂട്ട്മെന്റ്; 37 സബ് ഇൻസ്പെക്ടർ; വനിതകൾക്കും അവസരം; ജൂലൈ 16 മുതൽ അപേക്ഷ
Synopsis
ജൂലൈ 16 മുതൽ അപേക്ഷ നടപടികൾ ആരംഭിക്കും. അപേക്ഷ സമർപ്പിക്കുന്നതിനുള്ള അവസാന തീയതി ഓഗസ്റ്റ് 14 ആണ്.
ദില്ലി: ഇൻഡോ ടിബറ്റൻ ബോർഡർ പൊലീസ് (indo tibetan border police) (ഐടിബിപി) 37 സബ് ഇൻസ്പെക്ടർ (sub inspector) (ഓവർസീർ) ഒഴിവുകളിലേക്ക് അപേക്ഷ ക്ഷണിച്ചു. ജൂലൈ 16 മുതൽ അപേക്ഷ നടപടികൾ ആരംഭിക്കും. അപേക്ഷ സമർപ്പിക്കുന്നതിനുള്ള അവസാന തീയതി ഓഗസ്റ്റ് 14 ആണ്. താത്പര്യമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ itbpolice.nic.in വഴി അപേക്ഷ സമർപ്പിക്കാം.
തസ്തിക - സബ് ഇൻസ്പെക്ടർ പൊലീസ് ഓവർസീയർ (പുരുഷൻ)
ഒഴിവുകളുടെ എണ്ണം - 32
പേ സ്കെയിൽ - 35400 - 112400 ലെവൽ 6
തസ്തിക - സബ് ഇൻസ്പെക്ടർ പൊലീസ് ഓവർസീയർ (വനിത)
ഒഴിവുകളുടെ എണ്ണം -5
ഉദ്യോഗാർത്ഥികൾ പത്താം ക്ലാസ് പാസ്സായിരിക്കണം. അല്ലെങ്കിൽ സിവിൽ എഞ്ചിനീയറിംഗ് ഡിപ്ലോമയോ അംഗീകൃത സ്ഥാപനത്തിൽ നിന്ന് തത്തുല്യമായ യോഗ്യതയോ നേടിയിരിക്കണം. ഓൺലൈനായിട്ടാണ് അപേക്ഷ സമർപ്പിക്കേണ്ടത്. പിഇറ്റി, ഫിസിക്കൽ സ്റ്റാൻഡേർഡ് ടെസ്റ്റ്, എഴുത്തുപരീക്ഷ, സ്കിൽ ടെസ്റ്റ്, മെഡിക്കൽ എക്സാമിനേഷൻ എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്.