Union Bank Recruitment 2022 : യൂണിയൻ ബാങ്കിൽ സ്പെഷലിസ്റ്റ് ഓഫീസർ; 25 ഒഴിവുകൾ; അവസാന തീയതി ജനുവരി 7
Synopsis
ജനുവരി 7 ആണ് അപേക്ഷ സമർപ്പിക്കാനുള്ള അവസാന തീയതി. താത്പര്യമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റിലൂടെ അപേക്ഷ സമർപ്പിക്കാം.
ദില്ലി: യൂണിയൻ ബാങ്ക് (Union Bank) എക്സിക്യൂട്ടീവ്/സ്പെഷലിസ്റ്റ് ഓഫീസേഴ്സ്/ഡൊമെയ്ൻ എക്സ്പെർട്ട് 25 ഒഴിവുകളിലേക്ക് അപേക്ഷ (25 Vacancies) ക്ഷണിച്ചു. 2022 ജനുവരി 7 ആണ് അപേക്ഷ സമർപ്പിക്കാനുള്ള അവസാന തീയതി. താത്പര്യമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ unionbankofindia.co.in ലൂടെ അപേക്ഷ സമർപ്പിക്കാം.
ഡിജിറ്റൽ ടീം: സീനിയർ മാനേജർ - 1, മാനേജർ - 1, അനലിറ്റിക്സ് ടീം: മാനേജർ -ഡേറ്റ സയന്റിസ്റ്റ് -2, മാനേജർ: ഡേറ്റ അനലിസ്റ്റ് - 2, മാനേജർ: സ്റ്റാറ്റിഷ്യൻ -2, എക്കണോമിസ്റ്റ് ടീം: സീനിയർ മാനേജർ (എക്കണോമിസ്റ്റ് ) - 2, മാനേജർ(എക്കണോമിസ്റ്റ്) - 2, റിസർച്ച് ടീം: സീനിയർ മാനേജർ (ഇൻഡസ്ട്രി റിസർച്ച്) - 2, മാനേജർ (ഇൻഡസ്ട്രി റിസർച്ച്) -2, എപിഐ മാനേജ്മെന്റ് ടീം: സീനിയർ മാനേജർ (എപിഐ) -2, മാനേജർ (എപിഐ) 2, ഡിജിറ്റൽ ലെൻഡിംഗ് ആന്റ് ഫിൻടെക് ടീം: സീനിയർ മാനേജർ (ഡിജിറ്റൽ ലെൻഡിംഗ് ആന്റ് ഫിൻടെക്) - 2, മാനേജർ (ഡിജിറ്റൽ ലെൻഡിംഗ് ആന്റ് ഫിൻടെക്) - 2, എന്നിങ്ങനെയാണ് ഒഴിവുകൾ.
ഓൺലൈൻ നെറ്റ് ബാങ്കിംഗ്, ക്രെഡിറ്റ് കാർഡ്, ഡെബിറ്റ് കാർഡ് എന്നിവയിലേതെങ്കിലുമൊന്ന് ഉപയോഗിച്ച് ഫീസടക്കാം. ജനറൽ/ഇഡബ്ലിയുഎസ്/ഒബിസി ഉദ്യോഗാർത്ഥികളുടെ ഫീസ് -800. എസ് സി, എസ് റ്റി, പിഡബ്ലിയുബിഡി എന്നിവർക്ക് 150 ആണ് ഫീസ്. ഡിസബർ 18 മുതൽ അപേക്ഷ നടപടികൾ ഔദ്യോഗിക വെബ്സൈറ്റിൽ ആരംഭിച്ചു. ജനുവരി 7 വരെ അപേക്ഷിക്കാം. പരീക്ഷക്കുള്ള കോൾ ലെറ്റർ ഇമെയിൽ വഴി അയക്കുകയോ ബാങ്ക് വെബ്സൈറ്റിൽ അപ്ലോഡ് ചെയ്യുകയോ ചെയ്യും. ചുരുക്കപ്പട്ടികയും അഭിമുഖവും വഴിയായിരിക്കും നിയമനം.