NEET 2022 : നീറ്റ് പരീക്ഷ എക്സാം സിറ്റി അലോട്ട്മെന്റ് പുറത്തിറക്കി നാഷണൽ ടെസ്റ്റിം​ഗ് ഏജൻസി

ഉദ്യോഗാർത്ഥികൾക്ക് ഇപ്പോൾ അവരുടെ നീറ്റ് പരീക്ഷാ സിറ്റി സ്ലിപ്പുകൾ ഔദ്യോഗിക വെബ്സൈറ്റായ neet.nta.nic.in-ൽ ഓൺലൈനായി ഡൗൺലോഡ് ചെയ്യാം. 

ദില്ലി:  നാഷണൽ എലിജിബിലിറ്റി കം എൻട്രൻസ് ടെസ്റ്റ്, (നീറ്റ് 2022) പരീക്ഷാ സിറ്റി അലോട്ട്‌മെന്റ് സ്ലിപ്പുകൾ ഇന്ന് 2022 ജൂൺ 29-ന് നാഷണൽ ടെസ്റ്റിംഗ് ഏജൻസി പുറത്തിറക്കി. ഈ അലോട്ട്‌മെന്റിനൊപ്പം, NEET UG 2022 അഡ്മിറ്റ് കാർഡും ഉടൻ പുറത്തിറങ്ങുമെന്ന് പ്രതീക്ഷിക്കുന്നു. ഉദ്യോഗാർത്ഥികൾക്ക് ഇപ്പോൾ അവരുടെ നീറ്റ് പരീക്ഷാ സിറ്റി സ്ലിപ്പുകൾ ഔദ്യോഗിക വെബ്സൈറ്റായ neet.nta.nic.in-ൽ ഓൺലൈനായി ഡൗൺലോഡ് ചെയ്യാം. 

ഇത് NEET അഡ്മിറ്റ് കാർഡ് അല്ലെന്നും നിങ്ങളുടെ പരീക്ഷാ നഗരം, സ്ഥലം മുതലായവയെക്കുറിച്ചുള്ള വിവരങ്ങൾ മാത്രമാണെന്നും വിദ്യാർത്ഥികൾ മനസ്സിലാക്കണം. ഉടൻ തന്നെ അഡ്മിറ്റ് കാർഡ് പുറത്തിറക്കുമെന്നും എൻടിഎ അറിയിച്ചു. NEET UG 2022 പരീക്ഷാ തീയതിക്ക് മാറ്റമില്ലെന്നും അത് 2022 ജൂലൈ 17-ന് നടക്കുമെന്നും ഓർമ്മിപ്പിക്കുന്നു. എക്സാം സിറ്റി സ്ലിപ്പുകൾ ഡൗൺലോഡ് ചെയ്യുന്നതിന് വിദ്യാർത്ഥികൾക്ക് അവരുടെ NEET അപേക്ഷാ നമ്പറും ജനനത്തീയതിയും ഉപയോ​ഗിക്കാം. 

നീറ്റ് 2022: എക്സാം സിറ്റി സ്ലിപ്പുകൾ എങ്ങനെ ഡൗൺലോഡ് ചെയ്യാം?

ഉദ്യോഗാർത്ഥികൾ നാഷണൽ എലിജിബിലിറ്റി കം എൻട്രൻസ് ടെസ്റ്റിന്റെ ഔദ്യോഗിക വെബ്സൈറ്റ് സന്ദർശിക്കണം - neet.nta.nic.in.
ഹോംപേജിൽ, ''Advance Intimation of Examination City for NEET(UG)-2022.'  എന്ന ലിങ്കിൽ ക്ലിക്ക് ചെയ്യുക.
ഒരു പുതിയ പേജ് തുറക്കും, അവിടെ അപേക്ഷാ നമ്പറും മറ്റ് വിശദാംശങ്ങളും ചോദിക്കുന്നത് പോലെ നൽകാം.
നിങ്ങളുടെ NEET UG പരീക്ഷയുടെ സിറ്റി സ്ലിപ്പ് സ്ക്രീനിൽ പ്രദർശിപ്പിക്കും.
ഭാവി റഫറൻസുകൾക്കായി അതിന്റെ ഒരു പകർപ്പ് ഡൗൺലോഡ് ചെയ്ത് പ്രിന്റ് ചെയ്യുക.