MBBS in Ukraine : എന്തുകൊണ്ടാണ് ഇന്ത്യൻ വിദ്യാർത്ഥികൾ‌ മെഡിക്കൽ പഠനത്തിന് യുക്രൈൻ തെരഞ്ഞെടുക്കുന്നത്?

യുക്രെയ്നിലെ മിനിസ്ട്രി ഓഫ് എഡ്യൂക്കേഷൻ ആന്റ് സയൻസ് നൽകിയ കണക്കുകൾ പ്രകാരം ഇവിടെ 80,000 അന്തർദ്ദേശീയ വിദ്യാർത്ഥികൾ പഠിക്കുന്നുണ്ട്. അവരിൽ  18,095 ഇന്ത്യക്കാരാണ്. 

ദില്ലി: യുക്രൈനിലെ റഷ്യൻ അധിനിവേശത്തിൽ (Ukraine Russia Crisis) സാധാരണക്കാർ ഉൾപ്പെടെ നിരവധി പേരാണ് ഇതിനകം കൊല്ലപ്പെട്ടത്. അനേകം ഇന്ത്യക്കാർ (Indians) ഇപ്പോഴും യുദ്ധബാധിത രാജ്യമായ യുക്രൈനിൽ കുടുങ്ങിക്കിടക്കുകയാണ്. യുക്രൈനിലെ ഇന്ത്യൻ എംബസി മുൻകൈയെടുത്ത് ആയിരക്കണക്കിന് ഇന്ത്യൻ പൗരന്മാരെ ഇന്ത്യയിലേക്ക് തിരികെ കൊണ്ടുവന്നു കൊണ്ടിരിക്കുകയാണ്. ഇപ്പോഴും യുക്രെയ്നിൽ കുടുങ്ങിക്കിടക്കുന്ന ഇന്ത്യൻ പൗരന്മാരിൽ ഭൂരിഭാഗവും അവിടെ പഠിക്കുന്ന (Medical Students) മെഡിക്കൽ വിദ്യാർത്ഥികളാണ്.

രണ്ട് യൂറോപ്യൻ രാജ്യങ്ങൾ തമ്മിലുള്ള ഈ സംഘർഷത്തിൽ നിന്ന് വിവിധ രാജ്യങ്ങളിൽ നിന്നുള്ള ധാരാളം വിദ്യാർത്ഥികൾ അവരുടെ മെഡിക്കൽ വിദ്യാഭ്യാസം നേടുന്നതിന് യുക്രെയ്‌ൻ തിരഞ്ഞെടുക്കുന്നുവെന്നത് വെളിപ്പെട്ടു. യുക്രെയ്നിലെ മിനിസ്ട്രി ഓഫ് എഡ്യൂക്കേഷൻ ആന്റ് സയൻസ് നൽകിയ കണക്കുകൾ പ്രകാരം ഇവിടെ 80,000 അന്തർദ്ദേശീയ വിദ്യാർത്ഥികൾ പഠിക്കുന്നുണ്ട്. അവരിൽ  18,095 ഇന്ത്യക്കാരാണ്. 2020-ൽ യുക്രെയ്നിലെ വിദേശ വിദ്യാർത്ഥികളിൽ 24% ഇന്ത്യക്കാരായിരുന്നു. ഇന്ത്യൻ വിദ്യാർത്ഥികൾ മെഡിക്കൽ പഠനത്തിനായി ഇന്ത്യയെക്കാൾ യുക്രെയ്ൻ തിരഞ്ഞെടുക്കുന്നതിന്റെ കാരണങ്ങൾ നിരവധിയാണ്. അവയിൽ ചിലതിനെക്കുറിച്ച് പറയാം

ഗുണനിലവാരമുള്ള വിദ്യാഭ്യാസം: ഉയർന്ന നിലവാരമുള്ള വിദ്യാഭ്യാസം നൽകുന്നതിന് ലോകമെമ്പാടും അറിയപ്പെടുന്ന രാജ്യമാണ് യുക്രൈൻ.  ഇത് ഗുണനിലവാരമുള്ള വിദ്യാഭ്യാസം തേടുന്ന ഇന്ത്യക്കാർ ഉൾപ്പെടെ നിരവധി അന്താരാഷ്ട്ര വിദ്യാർത്ഥികളെ ആകർഷിക്കുന്നു. 

മെഡിക്കൽ സീറ്റുകൾക്ക് പ്രവേശന പരീക്ഷയില്ല: യുക്രെയ്നിൽ മെഡിസിൻ പഠിക്കാനുള്ള പ്രധാന കാരണങ്ങളിലൊന്നാണിത്.  വിദ്യാർത്ഥികൾക്ക് സീറ്റ് നൽകുന്നതിന് പ്രശസ്ത മെഡിക്കൽ സ്ഥാപനങ്ങൾ പ്രവേശന പരീക്ഷയൊന്നും നടത്തുന്നില്ല എന്നതാണ്. ഇന്ത്യയിൽ, പ്രവേശന പരീക്ഷകളിൽ വിജയിക്കുന്നതിനും മെഡിക്കൽ കോളേജുകളിൽ സീറ്റ് നേടുന്നതിനും വിദ്യാർത്ഥികൾ വളരെയധികം ബുദ്ധിമുട്ട് നേരിടുന്നുണ്ട്. അതിനാൽ‌  അവർ യുക്രെയ്ൻ തിരഞ്ഞെടുക്കുന്നു.

കുറഞ്ഞ ട്യൂഷൻ ഫീസ്: ഇന്ത്യൻ സ്വകാര്യ മെഡിക്കൽ സ്ഥാപനങ്ങളിൽ മെഡിക്കൽ പഠനം എത്ര ചെലവേറിയതാണെന്ന് എല്ലാവർക്കും അറിയാം, ഇവയുമായി താരതമ്യപ്പെടുത്തുമ്പോൾ യുക്രെയ്ൻ എല്ലാ വിഭാഗം ആളുകൾക്കും താങ്ങാനാവുന്ന, കുറഞ്ഞ ഫീസ് സ്വകാര്യ മെഡിക്കൽ കോളേജുകൾ നൽകുന്നു.

ആഗോള അംഗീകാരം: യുക്രെയ്നിലെ മെഡിക്കൽ കോളേജുകളും അവ നൽകുന്ന ബിരുദങ്ങളും വേൾഡ് ഹെൽത്ത് കൗൺസിൽ, ഇന്ത്യൻ മെഡിക്കൽ കൗൺസിൽ, ജനറൽ മെഡിക്കൽ കൗൺസിൽ ഓഫ് യുകെ, പാകിസ്ഥാൻ മെഡിക്കൽ ആൻഡ് ഡെന്റൽ കൗൺസിൽ, യൂറോപ്യൻ കൗൺസിൽ ഓഫ് മെഡിസിൻ എന്നിവയുൾപ്പെടെ ലോകമെമ്പാടുമുള്ള മെഡിക്കൽ കൗൺസിലുകൾ അംഗീകരിച്ചിട്ടുണ്ട്. യുനെസ്‌കോ, ഡബ്ല്യുഎച്ച്ഒ തുടങ്ങിയവയില്‍ നിന്നും  യുക്രെയ്‌നിലെ എംബിബിസ് സ്ഥാപനത്തിന് അംഗീകാരം ലഭിച്ചിട്ടുണ്ട്..

മെഡിക്കൽ ഇൻഫ്രാസ്ട്രക്ചർ: 33 മെഡിക്കൽ കോളേജുകളും സ്റ്റാൻഡേർഡ് ഇൻഫ്രാസ്ട്രക്ചറും ഉള്ള ഒരു ശരാശരി മെഡിക്കൽ ഇൻഫ്രാസ്ട്രക്ചർ യുക്രെയ്ൻ നൽകുന്നു.

ഇന്ത്യയിൽ അവസരം: യുക്രെയിനിൽ നിന്ന് മെഡിക്കൽ ബിരുദം നേടി മടങ്ങിയെത്തുന്ന വിദ്യാർത്ഥികൾക്ക് വിദേശ മെഡിക്കൽ ഗ്രാജ്വേറ്റ്സ് പരീക്ഷ എഴുതുന്നതിനാൽ അവർക്ക് ഇന്ത്യയിൽ മെഡിസിൻ പ്രാക്ടീസ് ചെയ്യാനുള്ള ലൈസൻസിന് യോഗ്യരാകും. 

ഇന്ത്യയിലെ സീറ്റുകളുടെ ദൗർലഭ്യം: കോഴ്‌സ് പഠിക്കാൻ താൽപ്പര്യമുള്ള ധാരാളം വിദ്യാർത്ഥികൾ ഉണ്ടായിരുന്നിട്ടും ഇന്ത്യ മെഡിക്കൽ ഉദ്യോഗാർത്ഥികൾക്ക് വളരെ പരിമിതമായ സീറ്റ് നൽകുന്നു. രാജ്യത്ത് 84,000-ഓളം എംബിബിഎസ് സീറ്റുകളുണ്ട്, ഈ സീറ്റുകളിലേക്ക് കഴിഞ്ഞ വർഷം 1.61 ദശലക്ഷം ഉദ്യോഗാർത്ഥികളാണ് നീറ്റ് പരീക്ഷയ്ക്ക് രജിസ്റ്റർ ചെയ്തത്. 

ഇംഗ്ലീഷാണ് ഏക വിദ്യാഭ്യാസ രീതി: സ്ഥാപനത്തിൽ പ്രവേശനം നേടുന്നതിന് മുമ്പ് വിദ്യാർത്ഥികൾ ചിന്തിക്കുന്ന മറ്റൊരു പ്രധാന ഘടകമാണ് ഭാഷ, മെഡിക്കൽ കോഴ്സുകളുടെ കാര്യത്തിൽ അത് വളരെ പ്രധാനപ്പെട്ട പങ്ക് വഹിക്കുന്നു. യുക്രെയ്നിലെ എല്ലാ കോളേജുകളിലും, മറ്റ് വിദേശ രാജ്യങ്ങളിൽ നിർബന്ധിതമായി മാറുന്ന വിദേശ ഭാഷകൾ പഠിക്കേണ്ടതില്ല എന്നതിനാൽ വിദ്യാർത്ഥികൾക്ക് ഇംഗ്ലീഷ് കൂടുതല്‍ ലളിതമായി അനുഭവപ്പെടുന്നു.  വൈദ്യശാസ്ത്രത്തിൽ ഏറ്റവുമധികം ബിരുദധാരികളും ബിരുദാനന്തര ബിരുദധാരികളും സ്പെഷ്യലൈസേഷനുകളുള്ള യുക്രെയിൻ യൂറോപ്പിൽ 4-ാം സ്ഥാനത്താണ്. 

കുറഞ്ഞ ജീവിതച്ചെലവ്: എംബിബിഎസ് പഠനത്തിന് വളരെ കുറഞ്ഞ ഫീസ് നല്‍കാന്‍ സാധിക്കുന്നു എന്നതിനൊപ്പം തന്നെ കുറഞ്ഞ ജീവിത ചെലവും വിദ്യാര്‍ത്ഥികളെ ഇങ്ങോട്ട് ആകര്‍ഷിക്കുന്ന ഘടകങ്ങളിലൊന്നാണ്. മറ്റ് വിദേശ രാജ്യങ്ങളുമായി താരതമ്യപ്പെടുത്തുന്പോള്‍ ഇവിടുത്തെ ജീവിത ചെലവ് വളരെ കുറവാണ്.

മൾട്ടി കൾച്ചറൽ എൻവയോൺമെന്റ്: വിവിധ സാംസ്കാരിക പശ്ചാത്തലങ്ങളിൽ നിന്നുള്ള വിദ്യാർത്ഥികൾ ഇവിടെ പഠനത്തിനായി എത്തിച്ചേരുന്നുണ്ട്.  അതിനാല്‍ ഉക്രെയ്നിലെ മെഡിക്കൽ വിദ്യാർത്ഥികൾക്ക് ഒരു മൾട്ടി കൾച്ചറൽ അന്തരീക്ഷത്തില്‍ ജീവിക്കാനും പഠനം നടത്താനും സാധിക്കുന്നുണ്ട്.