NORKA Roots : നോര്ക്ക റൂട്ട്സ് പ്രവാസി ഭദ്രത: സ്വയംതൊഴില് വായ്പകള് ഇനി കേരള ബാങ്കു വഴിയും
Synopsis
രണ്ടു വര്ഷം വിദേശത്ത് ജോലി ചെയ്ത ശേഷം നാട്ടില് തിരിച്ചെത്തിയവര്ക്കാണ് വായ്പയ്ക്കു അപേക്ഷിക്കാന് അര്ഹത.
തിരുവനന്തപുരം: തിരിച്ചെത്തിയ പ്രവാസികള്ക്ക് (Expatriate) ചെറുകിട സംരംഭങ്ങള് തുടങ്ങുന്നതിന് നോര്ക്ക റൂട്ട്സ് നടപ്പാക്കുന്ന (Norka Roots) പ്രവാസി ഭദ്രത-മൈക്രോ സ്വയംതൊഴില് (Self Employment Loan) വായ്പ കേരള ബാങ്കു വഴിയും വിതരണം തുടങ്ങി. കേരള ബാങ്കിന്റെ 769 ശാഖകളിലൂടെ അഞ്ചു ലക്ഷം രൂപ വരെ വായ്പ ലഭ്യമാവുമെന്ന് നോര്ക്ക സി.ഇ.ഒ അറിയിച്ചു. ആരംഭിക്കുന്ന സംരംഭങ്ങളുടെ മാത്രം ഈടിന്മേലാണ് കേരളാ ബാങ്ക് വായ്പ വിതരണം ചെയ്യുന്നത്. രണ്ടു വര്ഷം വിദേശത്ത് ജോലി ചെയ്ത ശേഷം നാട്ടില് തിരിച്ചെത്തിയവര്ക്കാണ് വായ്പയ്ക്കു അപേക്ഷിക്കാന് അര്ഹത.
പദ്ധതി തുകയുടെ 25 ശതമാനം, പരമാവധി ഒരു ലക്ഷം രൂപ വരെ മൂലധന സബ്സിഡിയും ആദ്യ നാലു വര്ഷം മൂന്നു ശതമാനം പലിശ സബ്സിഡിയും ലഭിക്കുന്നുവെന്നതാണ് പദ്ധതിയുടെ പ്രധാന സവിശേഷതകള്. കൂടുതല് വിവരങ്ങള്ക്ക് തൊട്ടടുത്ത കേരള ബാങ്ക് ശാഖയിലോ നോര്ക്ക റൂട്ട്സിന്റെ 18004253939 എന്ന ടോള് ഫ്രീ നമ്പരിലോ ബന്ധപ്പെടാവുന്നതാണ്. കെ.എസ്.എഫ്.ഇ അടക്കമുള്ള ധനകാര്യ സ്ഥാപനങ്ങള് വഴി പ്രവാസി ഭദ്രത വായ്പകള് നല്കി വരുന്നുണ്ട്.