സംസ്കൃത സർവ്വകലാശാലയില്‍ യു.ജി.സി പരീക്ഷാ പരിശീലനം; അപേക്ഷ ക്ഷണിച്ചു

കാലടി ശ്രീശങ്കരാചാര്യ സംസ്കൃത സർവ്വകലാശാലയുടെ കരിയർ ഗൈഡൻസ് ആന്‍ഡ് കൗണ്‍സിലിംഗ് സെന്റർ യു.ജി.സി പരീക്ഷയുടെ ജനറൽ പേപ്പർ-ഒന്നിനായി ഓൺലൈൻ പരിശീലനം സംഘടിപ്പിക്കുന്നു. 

കാലടി: ശ്രീശങ്കരാചാര്യ സംസ്കൃത സര്‍വ്വകലാശാലയുടെ കാലടി മുഖ്യ കാമ്പസില്‍ പ്രവര്‍ത്തിക്കുന്ന കരിയര്‍ ഗൈഡന്‍സ് ആന്‍ഡ് കൗണ്‍സിലിംഗ് സെന്ററിന്റെ ആഭിമുഖ്യത്തില്‍ ജനറല്‍ പേപ്പര്‍ - ഒന്നിനായി സംഘടിപ്പിക്കുന്ന യു.ജി.സി പരീക്ഷാ പരിശീലനം മെയ് 15ന് ആരംഭിക്കുമെന്ന് സര്‍വ്വകലാശാല അറിയിച്ചു. 30 ദിവസമാണ് പരിശീലനം. ഓണ്‍ലൈനായി നടത്തുന്ന പരിശീലനം ദിവസവും രണ്ട് മണിക്കുറായിരിക്കും. ആയിരം രൂപയാണ് പരിശീലന ഫീസ്. ശ്രീശങ്കരാചാര്യ സംസ്കൃത സര്‍വ്വകലാശാലയിലെ വിദ്യാര്‍ത്ഥികള്‍ക്ക് 500/- രൂപ മതിയാകും. അപേക്ഷകള്‍ സമര്‍പ്പിക്കേണ്ട അവസാന തീയതി മെയ് 15. കൂടുതല്‍ വിവരങ്ങള്‍ക്ക് ഫോണ്‍ : 9048969806.