കോലിയുമായിട്ടില്ല, നമുക്കില്ലേ ഇതിഹാസങ്ങള്‍ ? അവരുമായി താരതമ്യം ചെയ്യൂ: ബാബര്‍ അസം

കോലിയുമായിട്ടുള്ള താരതമ്യത്തെ തള്ളുകയാണ് അസം ചെയ്തത്. കോലിയുമായിട്ടല്ല പാക് ക്രിക്കറ്റിലെ ഇതിഹാസങ്ങളുമായിട്ടാണ് താരമ്യം ചെയ്യേണ്ടതെന്ന് അസം പ്രതികരിച്ചു.

കറാച്ചി: അടുത്തകാലത്തായി ഇന്ത്യന്‍ ക്യാപ്റ്റന്‍ വിരാട് കോലിയുമായി ഏറെ ഉപമിക്കപ്പെട്ട താരമാണ് പാക് താരം ബാബര്‍ അസം. പാക് ക്രിക്കറ്റിലെ അടുത്ത വലിയ താരമെന്നാണ് അസം അറിയപ്പെടുന്നത്. നിശ്ചിത ഓവര്‍ ക്രിക്കറ്റില്‍ പാകിസ്ഥാന്റെ ക്യാപ്റ്റന്‍ കൂടിയാണ് അസം. എന്നാലിപ്പോള്‍ കോലിയുമായിട്ടുള്ള താരതമ്യത്തെ കുറിച്ച് ആദ്യമായി പ്രതികരിക്കുകയാണ് അസം.

കോലിയുമായിട്ടുള്ള താരതമ്യത്തെ തള്ളുകയാണ് അസം ചെയ്തത്. കോലിയുമായിട്ടല്ല പാക് ക്രിക്കറ്റിലെ ഇതിഹാസങ്ങളുമായിട്ടാണ് താരമ്യം ചെയ്യേണ്ടതെന്ന് അസം പ്രതികരിച്ചു. അദ്ദേഹം തുടര്‍ന്നു... ''പാകിസ്ഥാനും ഇതിഹാസങ്ങളുണ്ട്. എന്നെ അവരുമായിട്ട് താരതമ്യപ്പെടുത്തൂ. വിരാട് കോലിയുമായിട്ടില്ല. നമുക്ക് ജാവേജ് മിയാന്‍ദാദ്, യൂനിസ് ഖാന്‍ ഇന്‍സമാം ഉള്‍ ഹഖ് തുടങ്ങിയ ഇതിഹാസങ്ങളുണ്ടല്ലോ. അപ്പോള്‍ പിന്നെ എന്തിനാണ് ഇന്ത്യയിലേക്ക് നോക്കുന്നത്. പാക് താരങ്ങളുമായി താരതമ്യം ചെയ്യുന്നതാണ് എനിക്ക് കൂടുതല്‍ താല്‍പര്യം. 

ഐസിസിയുടെ ട്വന്റി20 റാങ്കിങ്ങില്‍ ഒന്നാം സ്ഥാനത്തു നില്‍ക്കുന്ന ബാറ്റ്‌സ്മാനാണ് ബാബര്‍ അസം. കോലിയാകട്ടെ, ഐസിസി ഏകദിന റാങ്കിങ്ങിലും ഒന്നാമതുണ്ട്. ഏകദിനത്തിലും ട്വന്റി20യിലും 50നു മുകളില്‍ ശരാശരി സൂക്ഷിക്കുന്ന താരം കൂടിയാണ് ബാബര്‍ അസം.