ആദ്യ ആറോവര്‍ പിടിച്ചു നിന്ന ഇരുവരും ചേര്‍ന്ന് 27 റണ്‍സടിച്ചു. എന്നാല്‍ ഏഴാം ഓവരില്‍ ശുഭ്മാന്‍ ഗില്ലിനെ മടക്കി ആന്‍ഡേഴ്സണ്‍ വിക്കറ്റ് വേട്ട തുടങ്ങി. 24 പന്തില്‍ നാലു ബൗണ്ടറികളോടെ 17 റണ്‍സായിരുന്നു ഗില്ലിന്‍റെ സംഭാവന. വണ്‍ ഡൗണായി എത്തിയ ഹനുമാ വിഹിരിക്കൊപ്പം പൂജാര പിടിച്ചു നിന്നെങ്കിലും സ്കോര്‍ ബോര്‍ഡ് മന്ദഗതിയാലാണ് മുന്നോട്ട് പോയത്.
എഡ്ജ്ബാസ്റ്റണ്‍: ഇംഗ്ലണ്ടിനെതിരായ എഡ്ജ്ബാസ്റ്റണ്‍ ക്രിക്കറ്റ് ടെസ്റ്റില്‍(England vs India) ഇംഗ്ലണ്ടിനെതിരെ ബാറ്റ് ചെയ്യുന്ന ഇന്ത്യക്ക് ഓപ്പണര്‍മാരെ നഷ്ടം. ടോസ് നഷ്ടമായി ക്രീസിലിറങ്ങിയ ഇന്ത്യക്ക് ഓപ്പണര്‍മാരായ ശുഭ്മാന്‍ ഗില്ലിന്‍റെയും ചേതേശ്വര്‍ പൂജാരയുടെയും വിക്കറ്റുകളാണ് നഷ്ടമായത്. ജെയിംസ് ആന്‍ഡേഴ്സനാണ് ഇരുവരെയും പുറത്താക്കിയത്.
ആദ്യദിനം ലഞ്ചിന് മുമ്പെ മഴ എത്തിയപ്പോള്‍ ഇന്ത്യ രണ്ട് വിക്കറ്റ് നഷ്ടത്തില്‍ 53 റണ്‍സെന്ന നിലയിലാണ്. 14 റണ്‍സുമായി ഹനുമാ വിഹാരിയും ഒരു റണ്ണോടെ വിരാട് കോലിയുമാണ് ക്രീസില്‍. ക്യാപ്റ്റന്‍ രോഹിത് ശര്‍മയുടെ അഭാവത്തില്‍ ഓപ്പണറായി ചേതേശ്വര്‍ പൂജാരയാണ് ഷുഭ്മാന്‍ ഗില്ലിനൊപ്പം ഇറങ്ങിയത്. പൂജാരയും ഗില്ലും ചേര്‍ന്ന് ആന്‍ഡേഴ്സണെയും ബ്രോഡിനെയും പോട്ടിനെയും ഫലപ്രദമായി നേരിട്ടപ്പോള്‍ ഇന്ത്യക്ക് ഭേദപ്പെട്ട തുടക്കമാണ് ലഭിച്ചത്.
ആദ്യ ആറോവര്‍ പിടിച്ചു നിന്ന ഇരുവരും ചേര്‍ന്ന് 27 റണ്‍സടിച്ചു. എന്നാല്‍ ഏഴാം ഓവറില്‍ ശുഭ്മാന്‍ ഗില്ലിനെ മടക്കി ആന്‍ഡേഴ്സണ്‍ വിക്കറ്റ് വേട്ട തുടങ്ങി. 24 പന്തില്‍ നാലു ബൗണ്ടറികളോടെ 17 റണ്‍സായിരുന്നു ഗില്ലിന്‍റെ സംഭാവന. വണ്‍ ഡൗണായി എത്തിയ ഹനുമാ വിഹിരിക്കൊപ്പം പൂജാര പിടിച്ചു നിന്നെങ്കിലും സ്കോര്‍ ബോര്‍ഡ് മന്ദഗതിയാലാണ് മുന്നോട്ട് പോയത്.
Jimmy is back with a 💥
Scorecard/Videos: https://t.co/jKoipF4U01
🏴 🇮🇳 pic.twitter.com/dalxxQ26yQ
46 പന്തില്‍ 13 റണ്‍സെടുത്ത പൂജാരയെ ആന്‍ഡേഴ്സണ്‍ സ്ലിപ്പില്‍ സാക്ക് ക്രോളിയുടെ കൈകളിലെത്തിച്ച് ഇന്ത്യയുടെ പ്രതിരോധ മതില്‍ പൊളിച്ചു. നാലാം നമ്പറില്‍ ക്രീസിലെത്തിയ വിരാട് കോലിയും ഹനുമാ വിഹാരിയും പിടിച്ചു നില്‍ക്കുമെന്നാണ് ഇന്ത്യയുടെ ഇനിയുള്ള പ്രതീക്ഷ.
നേരത്തെ ടോസ് നേടിയ ഇംഗ്ലീഷ് നായകന്‍ ബെന്‍ സ്റ്റോക്സ്(Ben Stokes) ബൗളിംഗ് തെരഞ്ഞെടുക്കുകയായിരുന്നു.കഴിഞ്ഞ വർഷം നടന്ന അഞ്ച് ടെസ്റ്റുകളുടെ പരമ്പരയിലെ അവസാന മത്സരം ഇന്ത്യന്‍ ക്യാമ്പിലെ കൊവിഡ് വ്യാപനത്തെ തുടർന്ന് പുനക്രമീകരിച്ചതാണ് എഡ്ജ്ബാസ്റ്റണില് ഇന്നുമുതല്‍ നടക്കുന്ന മത്സരം. പരമ്പരയില്‍ നിലവില്‍ ടീം ഇന്ത്യ 2-1ന് മുന്നിലാണ്.
ഇന്ത്യ പ്ലേയിംഗ് ഇലവന്‍: Shubman Gill, Cheteshwar Pujara, Hanuma Vihari, Virat Kohli, Shreyas Iyer, Rishabh Pant(w), Ravindra Jadeja, Shardul Thakur, Mohammed Shami, Mohammed Siraj, Jasprit Bumrah(c)
ഇംഗ്ലണ്ട് പ്ലേയിംഗ് ഇലവന്‍: Alex Lees, Zak Crawley, Ollie Pope, Joe Root, Jonny Bairstow, Ben Stokes(c), Sam Billings(w), Matty Potts, Stuart Broad, Jack Leach, James Anderson