'മറ്റേതൊരു താരമായിരുന്നാലും ഇപ്പോള് ടീമില് നിന്ന് പുറത്തായേനെ', പഞ്ചാബ് താരത്തെ പൊരിച്ച് പൂജാര
Synopsis
ഈ സീസണില് പഞ്ചാബ് കുപ്പായത്തില് ഇതുവരെ കളിച്ച ആറ് മത്സരങ്ങളില് 8.20 ശരാശരിയില് 41 റണ്സ് മാത്രമാണ് മാക്സ്വെല് നേടിയത്.
മുള്ളന്പൂര്: ഐപിഎല്ലില് മോശം ഫോം തുടരുന്ന പഞ്ചാബ് കിംഗ്സ് താരം ഗ്ലെന് മാക്സവെല്ലിനെതിരെ രൂക്ഷ വിമര്ശനവുമായി ഇന്ത്യൻ താരം ചേതേശ്വര് പൂജാര. കഴിഞ്ഞ രണ്ട് സീസണുകളിലായി ഇതുവരെ കളിച്ച 16 മത്സരങ്ങളില് നിന്ന് 100 റണ്സ് പോലും തികയ്ക്കാന് മാക്സ്വെല്ലിനായിട്ടില്ല. കഴിഞ്ഞ സീസണില് ആദ്യ ആറു കളികളില് 32 റണ്സ് മാത്രമെടുത്ത മാക്സ്വെവെല്ലിനെ ആര്സിബി പുറത്തിരുത്തിയിരുന്നു. പിന്നീട് അവസാന നാലു മത്സരങ്ങളില് കളിപ്പിച്ചെങ്കിലും 21 റണ്സ് കൂടി മാത്രമാണ് നേടാനായത്.
പിന്നീട് ഐപിഎല് മെഗാ താരലേത്തില് ആര്സിബി മാക്സ്വെല്ലിനെ കൈവിട്ടു. 4.2 കോടിക്ക് ലേലത്തില് പഞ്ചാബ് മാക്സ്വെല്ലിനെ ടീമിലെടുത്തു. എന്നാല് ഈ സീസണില് പഞ്ചാബ് കുപ്പായത്തില് ഇതുവരെ കളിച്ച ആറ് മത്സരങ്ങളില് 8.20 ശരാശരിയില് 41 റണ്സ് മാത്രമാണ് മാക്സ്വെല് നേടിയത്. ഈ പശ്ചാത്തലത്തിലാണ് ഓസീസ് താരത്തിനെതിരെ രൂക്ഷ വിമര്ശനവുമായി പൂജാര രംഗത്തെത്തിയത്. ഇനിയെങ്കിലും ഉണര്ന്നില്ലെങ്കില് പഞ്ചാബ് മാക്സ്വെല്ലിനെ പുറത്തിരുത്താന് സാധ്യതയുണ്ടെന്ന് പൂജാര പറഞ്ഞു.
എട്ടോ പത്തോ വര്ഷം മുമ്പ് കണ്ട മാക്സ്വെല്ലില് നിന്ന് ഇപ്പോഴത്തെ മാക്സ്വെല്ലിന് യാതൊരു മാറ്റവുമില്ല. ബാറ്റിംഗിലെ അലസ സമീപനം ഇപ്പോഴും അതുപോലെ തുടരുന്ന മാക്സ്വെല്ലിനെയാണ് ഇത്തവണയും ഐപിഎല്ലില് കാണാനാകുന്നത്. ഇനിയെങ്കിലും മാക്സ്വെല് ഉണര്ന്നു കളിച്ചില്ലെങ്കില് പഞ്ചാബ് ടീം മാനേജ്മെന്റ് ക്ഷമകെട്ട് ഓസീസ് താരത്തെ പുറത്തിരുത്താന് സാധ്യതയുണ്ട്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!