വീണ്ടും നിരാശപ്പെടുത്തി സഞ്ജു, അഭിഷേകിന് അര്‍ധ സെഞ്ചുറി; ഇംഗ്ലണ്ടിനെതിരെ ആദ്യ ടി20യില്‍ ഇന്ത്യ ഭേദപ്പെട്ട സ്കോറിലേക്ക്
Synopsis
ഇംഗ്ലണ്ടിനെതിരായ ആദ്യ ടി20യില്‍ മലയാളി താരം സഞ്ജു സാംസണ് ഒരു റണ്ണെടുത്ത് പുറത്തായി നിരാശപ്പെടുത്തി. അതേസമയം, അഭിഷേക് ശര്‍മയുടെ അര്‍ധ സെഞ്ചുറി ഇന്ത്യന്‍ ഇന്നിംഗ്‌സിന് കരുത്തായി. ഇഷാന്‍ കിഷനും പെട്ടെന്ന് പുറത്തായതോടെ ഇന്ത്യ ഭേദപ്പെട്ട സ്കോറിലേക്ക് നീങ്ങുകയാണ്.
ചെസ്റ്റര്‍ ലേ സ്ട്രീറ്റ്: ഇംഗ്ലണ്ടിനെതിരായ ആദ്യ ടി20യിലും സഞ്ജു സാംസണ് നിരാശ. ഏഴ് പന്തുകള്‍ നേരിട്ട മലയാളി താരം ഒരു റണ്ണുമായി മടങ്ങുകയായിരുന്നു. ചെസ്റ്റര്‍ ലേ സ്ട്രീറ്റ്, റിവര്‍സൈഡ് ഗ്രൗണ്ടില്‍ ടോസ് നേടി ബാറ്റിംഗ് തെരഞ്ഞെടുത്ത ഇന്ത്യ ഒടുവില്‍ വിവരം ലഭിക്കുമ്പോള്‍ 11 ഓവറില്‍ മൂന്നിന് 105 എന്ന നിലയിലാണ്. സഞ്ജുവിന് പുറമെ ഇഷാന്‍ കിഷന്റെ (0) വിക്കറ്റും ഇന്ത്യക്ക് നഷ്ടമായി. അഭിഷേക് ശര്‍മ 24 പന്തില്‍ 59 റണ്‍സെടുത്ത് മടങ്ങി. തിലക് വര്‍മ (9), ശ്രേയസ് അയ്യര്‍ (35) എന്നിവരാണ് ക്രീസില്‍. സാകിബ് മഹ്മൂദിനാണ് വിക്കറ്റ്.
അയര്‍ലന്‍ഡ് പര്യടനത്തില്‍ മോശം പ്രകടനം നടത്തിയ സഞ്ജു, അതേ ഫോം ഇംഗ്ലണ്ടിലും തുടരുകയാണ്. തുടക്കം മുതല്‍ താളം കണ്ടെത്താന്‍ ബുദ്ധിമുട്ടിയ സഞ്ജു ഏഴാം പന്തില്‍ പുറത്താവുകയായിരുന്നു. സാകിബിന്റെ പന്തില്‍ ഗള്ളിയില്‍ ക്യാച്ച്. അതേ ഓവറില്‍ ഇഷാന്‍ കിഷന്‍ (0) റണ്ണൗട്ടാവുകയും ചെയ്തു. വൈകാതെ അഭിഷേക് അര്‍ധ സെഞ്ചുറി പൂര്‍ത്തിയാക്കി. എന്നാല്‍ ഒമ്പതാം ഓവറില്‍ അഭിഷേക് മടങ്ങി. സാം കറന്റെ പന്തില്‍ വിക്കറ്റിന് മുന്നില്‍ കുടുങ്ങുകയായിരുന്നു. 24 പന്തുകള്‍ നേരിട്ട താരം നാല് ഫോറും ആറ് സിക്‌സും നേടി. ശ്രേയസിനൊപ്പം 82 റണ്‍സ് ചേര്‍ത്ത ശേഷമാണ് അഭിഷേക് മടങ്ങിയത്.
ഇംഗ്ലണ്ട്: ഫിലിപ്പ് സാള്‍ട്ട്, ജോസ് ബട്‌ലര്‍ (വിക്കറ്റ് കീപ്പര്‍), ഹാരി ബ്രൂക്ക് (ക്യാപ്റ്റന്‍), ജേക്കബ് ബെതല്‍, ടോം ബാന്റണ്‍, സാം കറന്‍, വില്‍ ജാക്‌സ്, ലിയാം ഡോസണ്‍, സാഖിബ് മഹ്മൂദ്, ആദില്‍ റഷീദ്, ലൂക്ക് വുഡ്.
ഇന്ത്യ: സഞ്ജു സാംസണ്, അഭിഷേക് ശര്‍മ, ഇഷാന്‍ കിഷന്‍ (വിക്കറ്റ് കീപ്പര്‍), ശ്രേയസ് അയ്യര്‍ (ക്യാപ്റ്റന്‍), തിലക് വര്‍മ്മ, ശിവം ദുബെ, അക്‌സര്‍ പട്ടേല്‍, ഹര്‍ഷിത് റാണ, രവി ബിഷ്‌ണോയ്, അര്‍ഷ്ദീപ് സിംഗ്, വരുണ്‍ ചക്രവര്‍ത്തി.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!