ഇന്ത്യ - ഇംഗ്ലണ്ട് ആദ്യ ടി20 കാണാന് ഈ വഴികള്! നേര്ക്കുനേര് കണക്കുകള് അറിയാം, ഇന്ത്യക്ക് മുന്തൂക്കം
Synopsis
അതുകൊണ്ടുതന്നെ ആദ്യം ടോസ് നേടുന്ന ടീം ബൗളിംഗ് തിരഞ്ഞെടുത്തേക്കും. മഴയ്ക്ക് സാധ്യതയില്ല.
കൊല്ക്കത്ത: ഇംഗ്ലണ്ടിനെതിരെ അഞ്ച് മത്സരങ്ങള് ഉള്പ്പെടുന്ന ടി20 പരമ്പരയ്ക്ക് നാളെയാണ് തുടക്കമാകുന്നത്. കൊല്ക്കത്ത ഈഡന് ഗാര്ഡന്സില് വൈകിട്ട് ഏഴിനാണ് മത്സരം. മത്സരത്തിനുള്ള ഇംഗ്ലണ്ട് ടീമിനെ നേരത്തെ പ്രഖ്യാരപിച്ചിരുന്നു. സൂര്യകുമാര് യാദവ് നയിക്കുന്ന ടീമില് മലയാളി താരം സഞ്ജു സാംസണ് ഓപ്പണിംഗ് സ്ഥാനം ഉറപ്പിച്ചിട്ടുണ്ട്. മുഹമ്മദ് ഷമി പതിനാല് മാസത്തെ ഇടവേളയ്ക്ക് ശേഷം ഇന്ത്യന് ടീമില് തിരിച്ചെത്തുന്ന പരമ്പരയാണിത്. പരമ്പരാഗതമായി ബാറ്റര്മാരെ പിന്തുണയ്ക്കുന്ന പിച്ചാണ് കൊല്ക്കത്തയിലേത്.
എന്നാല് മഞ്ഞുണ്ടായിരിക്കും. അതുകൊണ്ടുതന്നെ ആദ്യം ടോസ് നേടുന്ന ടീം ബൗളിംഗ് തിരഞ്ഞെടുത്തേക്കും. മഴയ്ക്ക് സാധ്യതയില്ല. തെളിഞ്ഞ ആകാശമാണ് കൊല്ക്കത്തയില്. ക്രിക്കറ്റ് ആരാധകര്ക്ക് മുഴുവന് ഓവര് മത്സരവും കാണാം. ഇന്ത്യയുടെ ഇംഗ്ലണ്ടും 24 തവണ നേര്ക്കുനേര് വന്നു. ഇതില് 11 മത്സരങ്ങള് ഇംഗ്ലണ്ട് ജയിച്ചിട്ടുണ്ട്. 13 മത്സരങ്ങളില് ഇന്ത്യയും ജയിച്ചു. ഇന്ത്യന് മണ്ണില് ഇംഗ്ലണ്ട് 11 മത്സരങ്ങളില് അഞ്ചിലും ജയിച്ചു. കഴിഞ്ഞ തവണ ഇരുടീമുകളും ഏറ്റുമുട്ടിയ പരമ്പരയില് ഇന്ത്യ 3-2ന് ഇംഗ്ലണ്ടിനെ പരാജയപ്പെടുത്തിയിരുന്നു. ടി20 ലോകകപ്പിന്റെ സെമിഫൈനലില് ഇന്ത്യ ഇംഗ്ലണ്ടിനെ 68 റണ്സിന് പരാജയപ്പെടുത്തി. മത്സരം സ്റ്റാര് സ്പോര്ട്സില് തല്സമയം കാണാം. മൊബൈല് ഉപയോക്താക്കള്ക്ക് ഡിസ്നി പ്ലസ് ഹോട്സ്റ്റാറിലും മത്സരം കാണാം.
തീയുണ്ടകള് നേരിടേണ്ടി വരും! ഇന്ത്യ താങ്ങുമോ? ആദ്യ ടി20ക്കുള്ള ടീം പ്രഖ്യാപിച്ച് ഇംഗ്ലണ്ട്
ഇംഗ്ലണ്ട് പ്ലേയിംഗ് ഇലവന്: ബെന് ഡക്കറ്റ്, ഫില് സാള്ട്ട് (വിക്കറ്റ് കീപ്പര്), ജോസ് ബട്ട്ലര് (ക്യാപ്റ്റന്), ഹാരി ബ്രൂക്ക്, ലിയാം ലിവിംഗ്സ്റ്റണ്, ജേക്കബ് ബെഥേല്, ജാമി ഓവര്ട്ടണ്, ഗസ് അറ്റ്കിന്സണ്, ജോഫ്ര ആര്ച്ചര്, ആദില് റഷീദ്, മാര്ക്ക് വുഡ്.
ഇന്ത്യയുടെ സാധ്യതാ ഇലവന്: അഭിഷേക് ശര്മ്മ, സഞ്ജു സാംസണ് (വിക്കറ്റ് കീപ്പര്), സൂര്യകുമാര് യാദവ് (ക്യാപ്റ്റന്), തിലക് വര്മ, ഹാര്ദിക് പാണ്ഡ്യ, നിതീഷ് കുമാര് റെഡ്ഡി, റിങ്കു സിംഗ്, അക്സര് പട്ടേല് (വൈസ് ക്യാപ്റ്റന്), വരുണ് ചക്രവര്ത്തി, മുഹമ്മദ് ഷമി, അര്ഷ്ദീപ് സിംഗ്.
ഇംഗ്ലണ്ട് പരമ്പരയ്ക്കുള്ള ഇന്ത്യന് ടീം: സൂര്യകുമാര് യാദവ് (ക്യാപ്റ്റന്), സഞ്ജു സാംസണ് (വിക്കറ്റ് കീപ്പര്), അഭിഷേക് ശര്മ, തിലക് വര്മ, ഹാര്ദിക് പാണ്ഡ്യ, റിങ്കു സിംഗ്, നിതീഷ് കുമാര് റെഡ്ഡി, അക്സര് പട്ടേല് (വൈസ് ക്യാപ്റ്റന്), ഹര്ഷിത് റാണ, അര്ഷ്ദീപ് സിംഗ്, മുഹമ്മദ് ഷമി, വരുണ് ചക്രവര്ത്തി, രവി ബിഷ്ണോയ്, വാഷിംഗ്ടണ് സുന്ദര്, ധ്രുവ് ജുറെല് (വിക്കറ്റ് കീപ്പര്).
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!