അഞ്ചാം ഓവറിലെ ആദ്യ പന്തില് ആംബ്രിസിനെ ചാഹര് വിക്കറ്റിന് മുന്നില് കുടുക്കിയപ്പോള് വരാനിരിക്കുന്ന കൊടുങ്കാറ്റിന്റെ വന്യത ഇന്ത്യ തിരിച്ചറിഞ്ഞിരുന്നില്ല. ആറാം ഓവറില് ഷമിയെ ബൗണ്ടറിയടിച്ചു തുടങ്ങിയ ഹെറ്റ്മെയര് അടി നിര്ത്തിയത് 39-ാം ഓവറില്.
ചെന്നൈ: ഏകദിന പരമ്പരയിലെ ആദ്യ മത്സരത്തില് ഇന്ത്യക്കെതിരെ വെസ്റ്റ് ഇന്ഡീസിന് എട്ട് വിക്കറ്റ് വിജയം. ഇന്ത്യ ഉയര്ത്തിയ 289 റണ്സിന്റെ വിജയലക്ഷ്യം ഷിമ്രോണ് ഹെറ്റ്മെയറുടെയും ഷായ് ഹോപ്പിന്റെയും സെഞ്ചുറികളുടെ കരുത്തില് 47.5 ഓവറില് രണ്ട് വിക്കറ്റ് മാത്രം നഷ്ടത്തില് വിന്ഡീസ് മറികടന്നു. വിജയത്തോടെ മൂന്ന് മത്സര പരമ്പരയില് വിന്ഡീസ് 1-0ന് മുന്നിലെത്തി. പരമ്പര സ്വന്തമാക്കാന് ശേഷിക്കുന്ന രണ്ട് മത്സരങ്ങളും ജയിക്കണമെന്ന സമ്മര്ദ്ദം ഇന്ത്യക്ക് മുകളിലായി. സ്കോര് ഇന്ത്യ 50 ഓവറില് 288/9, വെസ്റ്റ് ഇന്ഡീസ് 47.5 ഓവറില് 291/2. ചെന്നൈ ചെപ്പോക്ക് സ്റ്റേഡിയത്തില് ഒരു ടീം പിന്തുടര്ന്ന് ജയിക്കുന്ന ഏറ്റവും ഉയര്ന്ന സ്കോറാണിത്.
ഹെറ്റ്മെയര് കൊടുങ്കാറ്റ്
വിന്ഡീസിന്റെ പ്രതീക്ഷ കാത്ത് ഹോപ്പ്
അടിവാങ്ങിയ അഞ്ചാം ബൗളര്
രണ്ട് സ്പിന്നര്മാരും രണ്ട് പേസര്മാരുമായി ഇറങ്ങിയ ഇന്ത്യക്ക് അഞ്ചാം ബൗളറുണ്ടായിരുന്നില്ല. കേദാര് ജാദവിന്റെ പാര്ട്ട ടൈം സ്പിന്നിലും അരങ്ങേറ്റക്കാരന് ശിവം ദുബെയും മീഡിയം പേസിലുമായിരുന്നു ഇന്ത്യന് പ്രതീക്ഷ. എന്നാല് ഇരുവരും ചേര്ന്ന് 8.5 ഓവറില് വഴങ്ങിയത് 79 റണ്സ്, വിക്കറ്റൊന്നും വീഴ്ത്താനുമായില്ല. സ്പിന്നിനെ തുണക്കുമെന്ന് കരുതിയ ചെന്നൈയിലെ പിച്ചില് 10 ഓവര് എറിഞ്ഞ ജഡേജ 58 റണ്സ് വഴങ്ങി. 10 ഓവറില് 45 റണ്സെ വഴങ്ങിയുള്ളുവെങ്കിലും കുല്ദീപിനും ജഡേജക്കും വിക്കറ്റൊന്നും നേടാനുമായില്ല.
പ്രതീക്ഷക്കൊത്ത് ഉയര്ന്ന് യുവ ഇന്ത്യ
88 പന്തില് 70 റണ്സെടുത്ത ശ്രേയസ് അയ്യരെയും 69 പന്തില് 71 റണ്സെടുത്ത ഋഷഭ് പന്തിനെയും നിര്ണായക സമയത്ത് നഷ്ടമായെങ്കിലും കേദാര് ജാദവും(35 പന്തില് 40) രവീന്ദ്ര ജഡേജയും(21) ചേര്ന്ന് ഇന്ത്യയെ 250 കടത്തി. അവസാന ഓവറുകളില് തകര്ത്തടിക്കാന് വാലറ്റത്തിന് കഴിയാഞ്ഞതോടെ ഇന്ത്യ 300 കടന്നില്ല. വിന്ഡീസിനായി ഷെല്ഡണ് കോട്രെലും കീമോ പോളും അല്സാരി ജോസഫും രണ്ട് വിക്കറ്റ് വീതം വീഴ്ത്തി.