ഇഷാന് കിഷന്റെ വെടിക്കെട്ട് ഫിഫ്റ്റി, സഞ്ജുവിന്റെ ലോകകപ്പ് പ്രതീക്ഷകൾക്ക് തിരിച്ചടി; രാഹുലും സൂര്യയും സേഫല്ല
Synopsis
ഏകദിന ലോകകപ്പിനുള്ള ഇന്ത്യന് ടീമിനെ ഇന്ന് പ്രഖ്യാപിക്കാനിരിക്കെ ഇഷാന് മധ്യനിരയില് ബാറ്റിംഗിനിറങ്ങി പുറത്തെടുത്ത വെടിക്കെട്ട് ബാറ്റിംഗ് മലയാളി താരം സഞ്ജു സാംസണിന്റെ ലോകകപ്പ് പ്രതീക്ഷകള്ക്കു മുകളിലാണ് വെള്ളമൊഴിച്ചത്. ഇഷാന് മേല് സഞ്ജുവിന് നല്കിയ മുന്തൂക്കം മധ്യനിരയില് ബാറ്റ് ചെയ്യാന് കഴിയുമെന്നതായിരുന്നു
പല്ലെക്കെല്ലെ: വെസ്റ്റ് ഇന്ഡീസിനെതിരായ ഏകദിന പരമ്പരയില് ഓപ്പണറായി ഇറങ്ങി തുടര്ച്ചയായി മൂന്ന് അര്ധസെഞ്ചുറികള് നേടിയ ഇഷാന് കിഷനെ ലോകകപ്പ് ടീമിലുള്പ്പെടുത്തിയാല് എത് പൊസിഷനില് കളിപ്പിക്കുമെന്ന ആശയക്കുഴപ്പം ഇന്ത്യന് ടീം മാനേജ്മെന്റിന് ഏഷ്യാ കപ്പില് പാക്കിസ്ഥാനെതിരായ മത്സരത്തോടെ മാറി കിട്ടി. പാക്കിസ്ഥാനെതിരായ ആവേശപ്പോരാട്ടത്തില് കോലിയും രോഹിത്തും ഗില്ലും ശ്രേയസ് അയ്യരും അടക്കമുള്ള മുന്നിര തലകുനിച്ച് മടങ്ങിയ പിച്ചില് 81 പന്തില് 82 റണ്സുമായി ഇഷാന് കിഷന് തല ഉയര്ത്തി നിന്നു.
ഏകദിന കരിയറില് ആദ്യമായി അഞ്ചാം നമ്പറില് ബാറ്റിംഗിനിറങ്ങിയ കിഷന് മധ്യനിരയില് റണ്നിരക്ക് താഴാതെ കാത്തതിനൊപ്പം ഇന്ത്യക്ക് മാന്യമായ സ്കോര് ഉറപ്പാക്കുകയും ചെയ്തു. ഹാര്ദ്ദിക് പാണ്ഡ്യക്കൊപ്പം ഇഷാന് കിഷന് പടുത്തുയര്ത്തിയ സെഞ്ചുറി കൂട്ടുകെട്ടായിരുന്നു ഇന്ത്യന് ഇന്നിംഗ്സിന്റെ നട്ടെല്ല്.
സഞ്ജുവിന്റെ വഴി അടഞ്ഞോ
സഞ്ജു മാത്രമല്ല രാഹുലും സേഫല്ല
തിലകിന്റെ തിളക്കം മങ്ങുമോ
സൂര്യനുദിക്കാന് ഇനി വഴിയില്ലേ
ഇന്ന് ലോകകപ്പ് ടീമിനെ തെരഞ്ഞെടുക്കുമ്പോള് കിഷനെയല്ലാതെ മറ്റൊരു താരത്തെ വിക്കറ്റ് കീപ്പര് സ്ഥാനത്തേക്ക് പരിഗണിക്കാന് പറ്റാത്ത തരത്തിലുള്ള ഇന്നിംഗ്സാണ് യുവതാരം ഇന്ന് കാഴ്ചവെച്ചത്. മലയാളി താരം സഞ്ജു സാംസണ് ലഭിക്കുന്ന ചുരുക്കം അവസരങ്ങളില് പുറത്തെടുക്കാന് കഴിയാതെ പോകുന്നതും ഇത്തരമൊരു ഇംപാക്ടുള്ള ഇന്നിംഗ്സാണ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!