10 ഇന്നിംഗ്സില് അഞ്ച് ശതകം; ശരാശരി 119! കണ്ണഞ്ചിപ്പിക്കുന്ന റെക്കോര്ഡുമായി ടോം ലാഥം
Synopsis
ടെസ്റ്റ് കരിയറിലെ 11-ാം സെഞ്ചുറിയുമായി(101*) ലാഥം ഹാമില്ട്ടണില് കാണികള്ക്ക് നേര്ക്ക് ബാറ്റുയര്ത്തുമ്പോള് ഒരു റെക്കോര്ഡും ആ ബാറ്റിലുണ്ടായിരുന്നു
ഹാമില്ട്ടണ്: ഇംഗ്ലണ്ടിനെതിരായ രണ്ടാം ടെസ്റ്റില് ന്യൂസിലന്ഡിന്റെ രക്ഷകനാവുകയായിരുന്നു ടോം ലാഥം. 39-2 എന്ന നിലയില് തുടക്കത്തിലെ തകര്ന്ന ടീമിനെ തകര്പ്പന് സെഞ്ചുറിയുമായി ലാഥം കരകയറ്റി. ടെസ്റ്റ് കരിയറിലെ 11-ാം സെഞ്ചുറിയുമായി(101*) ലാഥം ഹാമില്ട്ടണില് കാണികള്ക്ക് നേരെ ബാറ്റുയര്ത്തുമ്പോള് ഒരു റെക്കോര്ഡും ആ ബാറ്റിലുണ്ടായിരുന്നു.
കഴിഞ്ഞ 10 ടെസ്റ്റ് ഇന്നിംഗ്സുകളില് അഞ്ചാം സെഞ്ചുറിയാണ് ടോം ലാഥം എന്ന ഓപ്പണര് കുറിച്ചത്. 10 ഇന്നിംഗ്സിനിടെ അഞ്ച് സെഞ്ചുറികള് നേടുന്ന ആദ്യ കിവീസ് താരമെന്ന നേട്ടത്തിലെത്തി ഇതോടെ താരം. ഇതുകൊണ്ടൊന്നും അവസാനിക്കുന്നില്ല, ലാഥമിന്റെ ഈ മികവ് കൂടി കാണുക. 119.13 ശരാശരിയില് 953 റണ്സാണ് ഈ ഇന്നിംഗ്സുകളില് നിന്ന് ലാഥം അടിച്ചെടുത്തത്. 264*, 10, 176, 161, 4, 30, 45, 154, 8, 101* എന്നിങ്ങനെയാണ് സ്കോര്.
സുരക്ഷിതം ന്യൂസിലന്ഡ്
ടോം ലാഥം രക്ഷകനായപ്പോള് ഹാമില്ട്ടണില് ആദ്യദിനം സുരക്ഷിതമായി പിരിയാന് ന്യൂസിലന്ഡിനായി. മഴമൂലം നേരത്തെ സ്റ്റംപ് എടുത്തപ്പോള് 173-3 എന്ന നിലയിലാണ് ന്യൂസിലന്ഡ്. ജീത്ത് റാവല്(5), കെയ്ന് വില്യംസണ്(4), റോസ് ടെയ്ലര്(53) എന്നിവരുടെ വിക്കറ്റുകളാണ് കിവികള്ക്ക് നഷ്ടമായത്. രണ്ടാം ദിനം ലാഥമിനൊപ്പം ഹെന്റി നിക്കോള്സ്(5) ബാറ്റിംഗ് പുനരാരംഭിക്കും. വോക്സ് രണ്ടും ബ്രോഡ് ഒരു വിക്കറ്റും നേടി.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!