കഴിഞ്ഞ ദിവസം സച്ചിന്റെ പിറന്നാള്‍ ദിനത്തില്‍ സൗഹൃദത്തെ ഓര്‍മിപ്പിക്കുന്ന ഗാനം ആലപിച്ച് ട്വിറ്റര്‍ വീഡിയോയിലൂടെ ആശംസ അറിയിച്ച കാംബ്ലിക്ക് സച്ചിന്‍ കൊടുത്തത് മുട്ടന്‍ പണിയായിരുന്നു.
മുംബൈ: സ്കൂള്‍കാലം മുതല്‍ അടുത്ത സുഹൃത്തുക്കളാണ് സച്ചിന്‍ ടെന്‍ഡുല്‍ക്കറും വിനോദ് കാംബ്ലിയും. സ്കൂള്‍ ക്രിക്കറ്റില്‍ ഇരുവരുടെയും റെക്കോര്‍ഡ് കൂട്ടുകെട്ട് ദീര്‍ഘകാലം തകരാതെ നില്‍ക്കുകയും ചെയ്തു. ക്രിക്കറ്റിലും ജീവിതത്തിലും അടുത്തകൂട്ടുകാരായിരുന്നിട്ടും സച്ചിന്‍ ഇന്ത്യ കണ്ട എക്കാലത്തെയും മികച്ച ക്രിക്കറ്ററായപ്പോള്‍ കരിയറില്‍ നിന്ന് പലപ്പോഴും ശ്രദ്ധമാറിപ്പോയ കാംബ്ലി നല്ല തുടക്കത്തിനുശേഷം രാജ്യാന്തര ക്രിക്കറ്റില്‍ ഒന്നുമാവാതെ പോയി.
ഇക്കാലത്ത് സച്ചിനെതിരെ പരസ്യമായി പ്രതികരിച്ച കാംബ്ലി ഇരവരും തമ്മിലുള്ള ബന്ധത്തില്‍ വിള്ളല്‍ വീഴ്ത്തുകയും ചെയ്തു. എന്നാല്‍ പിണക്കമെല്ലാം മറന്ന് ഇരുവരും സൗഹൃദം പുതുക്കിയിട്ട് കാലം കുറച്ചായി. അങ്ങനെ സച്ചിന്റെ പിറന്നാള്‍ ദിനത്തില്‍ സൗഹൃദത്തെ ഓര്‍മിപ്പിക്കുന്ന ഗാനം ആലപിച്ച് ട്വിറ്റര്‍ വീഡിയോയിലൂടെ ആശംസ അറിയിച്ച കാംബ്ലിക്ക് സച്ചിന്‍ കൊടുത്തത് മുട്ടന്‍ പണിയായിരുന്നു.
Thanks for the wishes, . The song is great but I am still wondering why are your eyebrows still black when your beard is white😜. https://t.co/QmRUtdgbNe
— Sachin Tendulkar (@sachin_rt)കാംബ്ലിയുടെ പിറന്നാളാശംസക്ക് നന്ദി അറിയിച്ച സച്ചിന്‍ കാംബ്ലി പാടിയ പാട്ട് നന്നായിരിക്കുന്നുവെന്നും പറഞ്ഞു. കൂട്ടത്തില്‍ ഒരുകാര്യം കൂടി സച്ചിന്‍ ചോദിച്ചു, ഒരു കാര്യത്തില്‍ മാത്രമാണ് എനിക്ക് സംശയം, താങ്കളുടെ താടിയൊക്കെ വെളുത്തിരിക്കുന്നുണ്ടല്ലോ, പിന്നെ പുരികം മാത്രം എങ്ങനെയാണ് ഇങ്ങനെ കറുത്തിരിക്കുന്നതെന്ന്. സച്ചിന്റെ തമാശക്ക് കാംബ്ലി ഇതുവരെ മറുപടി നല്‍കിയിട്ടില്ല.